Biblia Todo Logo
Bìoball air-loidhne

- Sanasan -




YAHYA 15:7 - BALA LUK DO'

7 Kudeng muyuh lutep bang Negku, idi balaKu lutep bang nemuyuh, do' mutuh anun-anun luk pian muyuh, idi ineh luk miak mangun kuan muyuh.

Faic an caibideil Dèan lethbhreac




YAHYA 15:7
24 Iomraidhean Croise  

Idi dacem sineh Tuhan nesilagan neneh bang nupi. Idi kebalaNeh neneh, “Mutuh iko anun luk pianmu, idi miak Ui maré kuanmu.”


Pad iko megéi' merapet inan Allah, idi kali' Neneh luk mangun ku lawa awangmu.


Ui megéi' nganau' luk duken Allah; ui maya' pianNeh, baken maya' pianku sebuleng.


Ui ngimet ukumMu bang niatku, pad ui na nganau' sala' pa kiungMu.


Nakap awang niatmu dengan Tuhan, idi Ieh miak maré amung luk pianmu.


Lemulun luk matu ngalap luk pianneh, iamo' lemulun luk dat ngalap luk inanneh matot.


idi tamanku nemada' negku. Kelabaneh, “Do' ngerawé luk belénku, idi aleg mekelupan ineh. Nganau' luk dukenku namu, pad iko mulun.


“Idi katuKu nemuyuh mepad kudeng rasat aco kareb pekak, idi urat muyuh saget mepali'. Ui idi dengan muyuh ruked-ruked idi ngulun nemuyuh. Ui ngelibung nemuyuh.


Iko nepebala negku, idi ui neninger amung balaMu. O Tuhan Allah luk Melalud, Iko luk kuan negku, idi balaMu manu' niatku ku awang.


“Do' mutuh, idi miak barén nemuyuh; do' nakap, idi muyuh miak ngalap; nateg tanga', idi tanga' ineh miak kabin kuan muyuh.


Idi anun-anun pana' luk pituen muyuh bang ngadanKu, Ui miak ngua' neneh, pad Taman uen ngerayeh bang Anak.


Baken muyuh luk nemili' Negku, iamo' Ui ini luk nemili' nemuyuh idi nengeletep nemuyuh, pad muyuh amé' ngeruat mula' bua', idi pad bua' muyuh ineh meruked peh. Idi anun-anun luk pituen muyuh ratnan Taman bag ngadanKu, Ieh miak maré kuan muyuh.


“Kareb aco sineh muyuh na miak mutuh anun-anun rat Negku peh. Matu, Ui pebala nemuyuh, Taman ineh miak maré nemuyuh anun-anun luk pituen muyuh bang ngadanKu.


Idi kebala Yésus nelun Yahudi luk manu Neneh, “Kudeng muyuh maya' balaKu, idi dengan matu muyuh mangun ku anak-anak sekola'ku,


Ui kali' muyuh mupun Ibrahim, iamo' muyuh nakap dalan ngaté Negku, ngaceku bada'Ku na lapen muyuh.


Iamo' ieh pa liang taman luk nengasa' neneh idi lun luk nengimet neneh pad macing kareb luk litep tamanneh.


Ini ilung balaku: nima' Roh Meligan ngimet ulun muyuh, pad muyuh na maya' pinian burur.


Idi do' nganug bang niat muyuh amung bala luk biréKu nemuyuh aco sini.


Idi do' bala Keristus ineh tudo bang nemuyuh dengan mela, dengan amung-amung ileh. Idi mada' idi periteteng arang muyuh sebuleng, dengan nani ubur idi ubur-ubur idi nani luk ratnan Roh. Idi do' menani dengan maré ubur kuan Allah bang niat muyuh.


O amung-amung anakku, ui pangeh nengayud kuan muyuh, ngaceku muyuh pangeh nengiti Taman ineh. O amung-amung taman, ui pangeh nengayud kuan muyuh, ngaceku muyuh pangeh nengiti Neneh luk idi rat pun-pun. O amung-amung lun anak adi', ui pangeh nengayud kuan muyuh ngaceku muyuh metueh, idi bala Allah ineh tudo bang nemuyuh, idi muyuh nengelaya' Luk Dat ineh.


Idi kuan muyuh ini, Keristus pangeh nengutang RohNeh luun muyuh. Seruked RohNeh idi bang nemuyuh, idi na ulek muyuh badén seburur lemulun peh. Ngaceku RohNeh ineh mada' nemuyuh ratnan luk amung-amung, idi luk badénNeh ineh matu idi na mebalih. Ngaceku ineh do' muyuh maya' bada' Roh ineh, idi do' muyuh lutep bang Keristus.


Anun-anun luk pituen tau, tau miak ngalap rat Neneh, ngaceku tau maya' amung-amung ukumNeh, idi nganau' anun-anun luk petulu denganNeh.


Tau mekuu' pa kiung Allah ngaceku tau kali' Ieh ninger sembayang tau kareb tau mutuh anun-anun maya' luk pianNeh.


Lean sinn:

Sanasan


Sanasan