YAHYA 15:6 - BALA LUK DO'

⁶ Kudeng idé-idé luk na lutep bang Negku, ieh miak talan mepad kudeng angat ineh, idi mangun tekering. Muci lemulun miak ngamung angat-angat ineh idi ideh miak talan bang apui, idi sabpen.

YAHYA 15:6 Iomraidhean Croise

SEMUIL LUK KEDUEH 23:7

Iamo' tabpa' ineh lapen ku belawan idi busu, pad ideh sabpen.”

AYUB 15:30

idi na ieh miak mepuit ratnan dacem. Ieh mepad kudeng aceh kayuh; angatneh miak sabpen, idi busakneh mepalid ku bui.

NANI UBUR 80:15

Amé' ngulun lawa anggur ini luk tinibuMu, ieh ineh lawa anggur luk isuut luk inau'Mu metueh!

YESAYA 14:19

iamo' iko na tanem, idi butungmu talan bang lubang pad melu idi uen lun ngeradu'. Idi butung lemulun luk pinaté bang bunu' talan pa luunmu.

YESAYA 27:10

Bawang luk inan libung luk meraben pangeh nusag. Ieh mangun ku su luk ali-ali, idi teh ku laman sapi' su luk inandeh ngato erurdeh idi su luk inandeh nakap uduh.

YEHISKIEL 17:9

“Idi Ui ini Tuhan Allah nengitun, Miakké anggur ini mulun idi temubu'? Naké kanui luk pun-pun ineh mubput neneh idi ngalap bua'neh, idi nutu' angat-angatneh pad ideh melayuh? Dengan sesuut tueh mo' aceh pupu luk rayeh miak mubput neneh.

MATIUS 13:41

Anak-Lemulun sikal ngecuk melaikat-melaikatNeh, idi ideh miak mubput amung-amung luk ngesabeng ratnan ImetNeh, dengan amung-amung lemulun luk ngakem luk dat.

MATIUS 27:5

Idi ieh nemapet balad pirak ineh bang Ruma' Allah idi nuli', idi iné' perieret.

MATIUS 3:10

Idi uai pangeh temina' inan uat kayuh, idi anid-anid lawa kayuh luk na ngeruat bua' luk do' miak tebangen idi talan bang apui.

MATIUS 7:19

Lawa kayuh luk na ngeruat bua' luk do' ineh miak tebangen idi talan bang apui.

YAHYA 15:2

Anid-anid angat luk bang Negku luk na kebua' miak tetuinNeh; idi anid-anid angat luk kebua' ruenNeh ngalét pad bua'neh meluun ula'.

IBERANI 10:27

Iamo' luk ketecan, ieh ineh tot ratnan ukum luk macing, idi lau' apui luk miak ngeseb amung-amung lemulun luk sikal metueh ratnan Allah.

2 PETRUS 2:20

Kudeng muci ratnan lemulun nepuit ratnan lutak tana' ini ngaceku miti Tuhan Yésus Keristus, Lun Nengulun, idi ideh lemubed teh mepabpung bang amung-amung luk kudeng ineh, pad uen ngelaya', kekiped lemulun ineh meluun dat ratnan luk pun-pun.

1 YAHYA 2:19

Lemulun ineh pangeh neremuat rat arang tau, ngaceku baken ideh rat netau; ngaceku kudeng ideh rat netau, kali' rungen ideh na miak na lutep pad-pad dengan tau. Iamo' ideh pangeh neremuat, pad megala' ratnan pundeh baken rat netau.

BALA LUK LINIO 20:15

Kudeng idé-idé luk na luk idi ngadanneh inayud bang surat ulun ineh, idi ieh pana' tila' bang takung apui ineh.

BALA LUK LINIO 21:8

Iamo' kuan lun luk matot, idi lun luk na manu, lun luk melutak, lun luk ngaté, lun luk pasét, lun luk mangun idi sembayang inan akang, idi lun luk mebalih, babpatdeh ineh inan déi' bang takung luk mebudung ku apui idi batu apui, ieh ineh até luk kedueh.”