YAHYA 15:5 - BALA LUK DO'

⁵ “Ui ini Lawa Anggur, idi muyuh angat-angatneh. Kudeng idé-idé luk lutep bang Negku, idi Ui pana' bang neneh, ieh miak kebua' mula'; ngaceku kudeng Ui na ngedengan nemuyuh, muyuh na miak nganau' anun-anun.

YAHYA 15:5 Iomraidhean Croise

BALE' 11:30

Bua' lemulun luk matu mangun ku lawa ulun, iamo' lemulun luk dat maté kareb nateh tarekneh macing.

HOSIA 4:8

Ideh mangun ku lun do' ratnan baré ngaceku sala' pupuKu, idi mawang niat kareb ideh mula' sala'.

MATIUS 13:21

Iamo' na luk idi uat bang bururneh sebuleng, idi ieh tuman segageh mo'. Idi kareb susa' idi dereh macing ngaceku bala ineh, petacu ideh lemubed.

YAHYA 12:24

Matu, Ui pebala nemuyuh, kudeng aceh ngilung padé na mebpeh luun tana' idi maté, ieh ketecan aceh ngilung mo', kudeng ieh maté, ieh miak kebua' mula'.

YAHYA 15:16

Baken muyuh luk nemili' Negku, iamo' Ui ini luk nemili' nemuyuh idi nengeletep nemuyuh, pad muyuh amé' ngeruat mula' bua', idi pad bua' muyuh ineh meruked peh. Idi anun-anun luk pituen muyuh ratnan Taman bag ngadanKu, Ieh miak maré kuan muyuh.

YAHYA 5:19

Idi kebala Yésus, “Matu, Ui pebala nemuyuh, Anak ineh na miak nganau' anun-anun luk maya' pianNeh sebuleng, iamo' Ieh nier luk ruen Taman ineh. Anun-anun luk inau' Taman, ineh teh luk ruen Anak ineh.

YAHYA 9:33

Kudeng lemulun ineh baken ratnan Allah, Ieh na miak nganau' anun-anun.”

KEKAMEN RASUL-RASUL 4:12

Idi na luk idi ulun luk meruked bang selemulun luk baken, ngaceku na luk idi ngadan luk baken aput tana' luk pangeh biré Allah kuan lemulun, luk inan tau miak ngalap ulun luk meruked.”

SURAT LUK BIRE PAULUS KUAN LUN RUM 12:5

kudeng ineh teh tau luk mula' ini mangun ku sebuleng burur dengan Keristus, idi amung-amung tau inabet seburur kuan seburur, mepad kudeng tuda'-tuda' babpat bang sebuleng burur.

SURAT LUK BIRE PAULUS KUAN LUN RUM 6:22

Iamo' nekini, ngaceku muyuh pangeh nepuit ratnan sala', idi mangun ku demulun kuan Allah, idi muyuh miak ngalap bua'-bua' luk macing inan luk meligan, idi kekipedneh ulun luk meruked.

SURAT LUK BIRE PAULUS KUAN LUN RUM 7:4

Kudeng ineh teh, O kinanak-kinanakku, muyuh ini pana' pinaté mepuit ratnan Ukum ineh ngaceku muyuh mangun ku sebabpat burur Keristus. Nekini muyuh mangun ku pupuNeh luk pangeh tinui rat arang lun naté, pad tau ngeruit bua'-bua' kuan Allah.

1 KORINTUS 10:16

Tau maré ubur kuan Allah ngaceku sangkir peruan ineh. Idi kareb tau ngirup ratnan sangkir ineh, naké tau ngalap babpat bang dara' Keristus? Idi kareb tau kuman ruti luk pinuri' tau ineh, naké tau ngalap babpat bang burur Keristus?

1 KORINTUS 12:12

Keristus ineh mepad kudeng sebuleng burur luk mula' babpat. Sagan pana' mula' babpat, iamo' Ieh ineh sebuleng burur.

1 KORINTUS 12:27

Idi muyuh ini burur Keristus, idi amung-amung muyuh babpatNeh.

2 KORINTUS 13:8

Ngaceku kai na miak nganau' anun-anun luk sikal metueh ratnan luk matu, iamo' maya' luk matu.

2 KORINTUS 9:10

Idi Allah luk maré ilung kuan lun luk nibu, idi ruti kuan luk kenen, Ieh ineh teh miak maré idi ngula' tibu muyuh idi ngula' bua'-bua' ratnan katu muyuh.

GALATIA 5:22

Iamo' bua'-bua' Roh ineh,ieh ineh awa, mawang niat, pedo', mulai niat, éi' do' niat, lutep maya' jani',

EPESUS 5:9

Ngaceku bua'-bua' luk remuat rat bang acang, ieh ineh luk do', luk matu, idi luk mesiri.

PILIPI 1:11

Ulun muyuh miak uen manu' ku bua'-bua' luk matu ratnan Yésus Keristus, pad ngacing rayeh idi ubur kuan Allah.

PILIPI 4:13

Ui miak nganau' luk amung-amung ngaceku Keristus luk ngetueh negku.

PILIPI 4:17

Idi baken barve ini luk tekapenku, iamo' ui nakap bua'-bua' luk mangun ku peruan muyuh.

KOLOSE 1:10

pad ulun muyuh petulu dengan pinian Tuhan idi muyuh perurum denganNeh bang luk amung-amung, idi ngeruat bua' bang anid-anid kekamen luk do', idi pad ileh muyuh ratnan Allah amé'-amé' rayeh.

KOLOSE 1:6

Bala luk Do' ineh ngacing peruan idi mepiar aput tana', mepad kudeng luk pangeh nepiar arang muyuh rat pun aco muyuh neninger ratnan éi' Allah idi nekali' ratnan katu Allah dengan matu.

YAKUB 1:17

Anid-anid baré luk do' idi anid-anid katu luk meriput ineh macing rat surga idi temurun ratnan Taman, lawa amung-amung acang. Idi Ieh luk na miak misu' idi lungung-lungung luk medacem pana' na.

1 PETRUS 2:4

Do' muyuh amé' matun Tuhan, ieh ineh Batu luk Mulun, sagan pana' tila' lemulun, iamo' pa kiung Allah pinili' idi meraga.

2 PETRUS 3:18

Iamo' do' muyuh temubu' bang katu idi ileh ratnan Tuhan tau Yésus Keristus, Lun Nengulun. Idi rayeh kuanNeh, do' nekini idi ruked-ruked pana'. Amin.