YAHYA 15:4 - BALA LUK DO'

⁴ Do' muyuh lutep bang Negku, idi Ui pana' bang nemuyuh. Mepad kudeng angat na miak kebua' dengan lalud bururneh sebuleng, kudeng na lutep bang lawa anggur, kudeng ineh teh muyuh pana' na miak kebua' kudeng muyuh na lutep bang Negku.

YAHYA 15:4 Iomraidhean Croise

NANI SELIMUN 8:5

Idé' ineh luk macing rat déi' su luk ali-ali, luk pimet ticu' dengan waneh? Iang buyo ui nengalat namu, su luk inanmu tinganak.

HOSIA 14:8

Lun Israil na sikal sembayang inan akang teh, Ui ngua' sembayangdeh idi ngasa' nedeh. Ui ngelungung nedeh mepad kudeng aceh kayuh. Ui ini lawa amung-amung peruandeh.

MATIUS 12:33

“Kudeng kayuh ineh titen do', idi bua'neh pana' do'; kudeng kayuh ineh titen dat idi bua'neh pana' dat teh; ngaceku tau miti kayuh ratnan bua'neh.

LUKAS 8:15

Iamo' luk nebpeh luun tana' luk do' ineh, ieh ineh lemulun luk pangeh neninger bala ineh, idi nengimet meraben bang niat luk mesiri idi do', idi ngeruat bua' dengan mulai niat.

YAHYA 14:20

Kareb aco ineh teh muyuh miak kali' idi Ui ini bang TamanKu, idi muyuh pana' bang Negku, idi Ui pana' bang nemuyuh.

YAHYA 17:23

Ui ini bang nedeh. Idi Iko bang Negku, pelé ideh miak mangun meligan bang sebuleng rurum; pad uang tana' ini miak kali' ratnan Iko luk nengecuk Negku idi mawa nedeh mepad kudeng Iko mawa Negku.

YAHYA 6:56

Kudeng idé-idé luk kuman bururKu idi ngirup dara'Ku, idi ieh lutep bang Negku, idi Ui pana' lutep bang neneh.

YAHYA 8:31

Idi kebala Yésus nelun Yahudi luk manu Neneh, “Kudeng muyuh maya' balaKu, idi dengan matu muyuh mangun ku anak-anak sekola'ku,

KEKAMEN RASUL-RASUL 11:23

Kareb ieh nacing idi nenier katu Allah, idi ieh mawang niat peh, idi ieh nemada' amung-amungdeh pad niatdeh lutep maya' Tuhan.

KEKAMEN RASUL-RASUL 14:22

Didueh nengepicet anu lun manu ineh, idi nengecuk nedeh lutep bang anu, kebala didueh, “Idi na miak na tau medereh semuet bang Imet Allah.”

2 KORINTUS 13:5

Nutun idi nier ulun muyuh sebuleng, inanké anu muyuh lutep? Naké muyuh sebuleng kali' idi Yésus Keristus tudo bang nemuyuh? Kudeng na pieh kudeng ineh muyuh pangeh neraruh.

GALATIA 2:20

Ui pangeh sinalib dengan Keristus. Idi ulunku ini baken ui teh, iamo' Keristus luk mulun bang negku. Ulunku luk nekini, ieh ineh ulun ratnan anu inan Anak Allah luk pangeh mawa negku idi luk nemaré bururNeh ngaceku ui.

EPESUS 3:17

pad Keristus tudo bang niat muyuh ngaceku anu. Ui mutuh pad muyuh inan uat idi diri bang awa,

PILIPI 1:11

Ulun muyuh miak uen manu' ku bua'-bua' luk matu ratnan Yésus Keristus, pad ngacing rayeh idi ubur kuan Allah.

KOLOSE 1:23

kudeng muyuh lutep bang anu, idi meraben, pad muyuh na miak bebuen ratnan rapet bang Bala luk Do', luk pangeh pindenger muyuh, idi luk pangeh bida' kuan amung-amung pudut luk pa liang langit. Idi ui ini Paulus luk pangeh nangun ku lun luk mada' ineh.

KOLOSE 1:27

Idi kuan lemulun ineh Allah sikal maré kali' kudeng apeh do'neh, rayeh luk inalum ineh kuan lemulun luk na maya': ieh ineh Keristus luk bang nemuyuh, Keristus luk inan merapet ngalap rayeh.

KOLOSE 2:6

Muyuh pangeh nengalap Keristus Yésus Tuhan tau. Ngaceku ineh, do' ulun muyuh lutep bang Neneh.

1 TESALONIKA 3:5

Ini punneh ui nengecuk Timotius amé' nemuyuh. Kareb ui na miak tuman teh, ui nengecuk neneh pad ui miak kali' ratnan anu muyuh, kian muyuh pangeh tinutun Iblis ineh pad erur kai mangun mo'-mo'.

IBERANI 10:39

Iamo' tau ini baken lemulun luk lemubed, pad ngalap ukum até, iamo' lemulun luk manu pad ngalap ulun.

1 YAHYA 2:6

Lemulun luk mala bururneh mulun bang Allah, do' ieh mulun mepad kudeng Keristus.

2 YAHYA 1:9

Idé-idé luk na lutep bang bada' Keristus, iamo' luk ngeluun ineh na luk idi Allah kuanneh. Iamo' lemulun luk lutep bang bada' ineh, lemulun ineh luk kuan Taman idi Anak ineh pana'.