YAHYA 15:2 - BALA LUK DO'

² Anid-anid angat luk bang Negku luk na kebua' miak tetuinNeh; idi anid-anid angat luk kebua' ruenNeh ngalét pad bua'neh meluun ula'.

YAHYA 15:2 Iomraidhean Croise

AYUB 17:9

Lemulun luk ngerawé bururdeh do', iuk ngerawé bururdeh matu.

NANI UBUR 92:14

idi luk kebua' kareb mengered pana'; idi donneh do' bata' idi na mekarang.

BALE' 4:18

Dalan lemulun luk matu mepad kudeng asat aco, luk iuk-iuk merasat macing acang aco.

YESAYA 27:9

Israil na miak ngalap do' ratnan sala'neh, pad macing amung bubpun batu lun na manu pangeh nusag, idi pad macing amung ulung idi bubpun su luk inan ngeseb umau luk do' buen pangeh tila'.

YESAYA 29:19

Lemulun luk na ngadan, idi lemulun luk masi' miak ngalap awang luk barén Allah lun Israil luk Meligan.

DANIEL 11:35

Sebuang luk mileh miak pitayen, pad ngeligan pupu ineh — pad macing kekipedneh, ieh ineh kareb luk pangeh litep Allah.

HOSIA 6:3

Do' tau nutun ngiti Tuhan. Kali' rungen Ieh amé' netau mepad kudeng aco masat. Ieh miak amé' netau mepad kudeng udan luk mubpur tibu-tibu kareb nibu.

MALAKI 3:3

Ieh miak macing idi ngukum mepad kudeng lemulun luk ngederuno idi maru' pirak. Ieh miak maru' imamNeh mepad kudeng pirak idi amas luk inau' ngederuno, pad ideh maré baré luk petulu kuan Tuhan.

MATIUS 13:12

Ngaceku idé-idé luk inan anun-anun, idi kuanneh miak barén teh, idi ieh miak ngalap dengan mela; iamo' idé-idé luk na luk idi anun-anun, idi rat neneh teh miak lapen anun-anun luk ieh kuan.

MATIUS 13:33

Yésus nemada' nedeh aceh pinginud luk baken teh, “Imet surga mepad udeng lamud, luk ilap seburur decur idi rirengneh bang teluh uad banak pad amung-amungneh mepuar peh.”

MATIUS 15:13

Iamo' Yésus nengor baladeh, keburi'Neh, “Anid-anid tibu luk na tinibu TamanKu bang surga, ieh miak bebuten peh.

MATIUS 21:19

Idi Ieh nenier aceh lawa gita' luk iring dalan, idi Ieh iné' matun ineh. Idi Ieh nenier na luk idi anun-anun pana', iamo' don sebuleng. Idi kebalaNeh neneh, “Do' iko na kebua' rat nekini macing ruked-ruked peh.” Idi lawa gita' ineh petacu melayuh peh.

MATIUS 25:29

Ngaceku idé-idé luk inan anun-anun, kuan lemulun ineh miak barén teh, iamo' lemulun luk na anun-anun, luk ieh kuan pana' miak lapen rat neneh peh.

MATIUS 3:10

Idi uai pangeh temina' inan uat kayuh, idi anid-anid lawa kayuh luk na ngeruat bua' luk do' miak tebangen idi talan bang apui.

MATIUS 3:12

Idi Ieh ngimet bebperNeh, pad Ieh rumik amung padé. Idi Ieh ngamung padéNeh bang lepoNeh, iamo' lipangneh miak sabpenNeh ku apui luk na miak milep.”

MATIUS 7:19

Lawa kayuh luk na ngeruat bua' luk do' ineh miak tebangen idi talan bang apui.

MARKUS 4:20

Iamo' lun baken mepad kudeng luk inisak luun tana' luk do'. Ideh ninger bala ineh, idi ngalap neneh, idi ieh kebua' idi ngeruat mula' uli': inan luk teluh ngepulu', inan luk anem ngepulu', idi inan teh luk meratu kinula'neh.”

LUKAS 8:13

Idi luk nebpeh luun gura' batu ineh, ieh ineh lemulun luk pangeh neninger, idi nengalap bala dengan mawang niat; iamo' lemulun ineh na uat idi ideh manu segageh mo', idi kareb luk nutun macing, petacu ideh lemubed.

YAHYA 15:1

“Ui ini Lawa Anggur luk matu, idi TamanKu, Ieh ineh luk ngasa' neneh.

YAHYA 15:16

Baken muyuh luk nemili' Negku, iamo' Ui ini luk nemili' nemuyuh idi nengeletep nemuyuh, pad muyuh amé' ngeruat mula' bua', idi pad bua' muyuh ineh meruked peh. Idi anun-anun luk pituen muyuh ratnan Taman bag ngadanKu, Ieh miak maré kuan muyuh.

YAHYA 15:3

Muyuh ini kali' rungen malét ngaceku bala luk bilaKu nemuyuh.

YAHYA 15:6

Kudeng idé-idé luk na lutep bang Negku, ieh miak talan mepad kudeng angat ineh, idi mangun tekering. Muci lemulun miak ngamung angat-angat ineh idi ideh miak talan bang apui, idi sabpen.

YAHYA 15:8

Bang amung ini rayeh TamanKu uen ngegala', ieh ineh kudeng muyuh kebua' mula', idi muyuh miak mangun ku anak-anak sekola'Ku.

YAHYA 17:12

Laba' Ui tudo dengandeh, Ui ini nengimet nedeh bang ngadanMu luk biréMu Negku. Ui pangeh nematar nedeh, idi seburur pana' rat arangdeh na metutu', iamo' lemulun luk na miak na metutu', pad ngacing bala bang Surat Allah.

SURAT LUK BIRE PAULUS KUAN LUN RUM 11:17

Sebuang angat pangeh tingal, idi muyuh lun pupu baken mepad kudeng aceh angat saitun pulung luk kinawin luun ineh, pad ngalap babpat ratnan uat lawa saitun ineh luk mepanu' ku para'.

SURAT LUK BIRE PAULUS KUAN LUN RUM 11:22

Ngaceku ineh ngerawé ratnan katu idi tueh Allah; ieh ineh tuehNeh kuan lemulun luk pangeh nebpeh, iamo' katuNeh namu, kudeng iko lutep bang katuNeh. Kudeng na, idi iko pana' miak uen nangal.

SURAT LUK BIRE PAULUS KUAN LUN RUM 8:28

Tau kali', idi amung-amung kekamen perurum ngacing luk do' kuan lemulun luk mawa inan Allah, ieh ineh kuan lemulun luk tinawar maya' pianNeh.

1 KORINTUS 13:1

Kudeng ui pebala dengan tuda'-tuda' buri' lemulun idi melaikat pana', iamo' ui na mawa, kali' rungen ui pangeh mangun kudeng aceh tawak luk muni, idi karing luk ngekéng.

TITUS 2:14

Ieh nemaré bururNeh ngaceku tau, pad Ieh nguli' netau ratnan amung-amung kekamen luk dat, pad Ieh ngeligan kuan bururNeh, aceh pupu mangun ku binawehNeh sebuleng, luk mekél nganau' luk do'.

IBERANI 12:15

Matar do'-do' pad seburur pana' na teketed ratnan katu Allah. Matar do'-do', pad aceh “uat luk mepét” na mulun idi nganau' susa' kuan muyuh pad amung-amung lemulun uenneh ngelutak.

1 YAHYA 2:19

Lemulun ineh pangeh neremuat rat arang tau, ngaceku baken ideh rat netau; ngaceku kudeng ideh rat netau, kali' rungen ideh na miak na lutep pad-pad dengan tau. Iamo' ideh pangeh neremuat, pad megala' ratnan pundeh baken rat netau.

BALA LUK LINIO 3:19

Idi tuda'-tuda' lemulun luk inanKu mawa Ui mada' idi ngukum nedeh. Ngaceku ineh do' mekél idi uren.