YAHYA 15:16 - BALA LUK DO'

¹⁶ Baken muyuh luk nemili' Negku, iamo' Ui ini luk nemili' nemuyuh idi nengeletep nemuyuh, pad muyuh amé' ngeruat mula' bua', idi pad bua' muyuh ineh meruked peh. Idi anun-anun luk pituen muyuh ratnan Taman bag ngadanKu, Ieh miak maré kuan muyuh.

YAHYA 15:16 Iomraidhean Croise

PUDUT 18:18

Ngaceku Ibrahim miak mangun ku aceh pupu luk rayeh idi melalud, idi amung-amung pupu luk bang tana' miak ngalap peruan rat neneh?

NANI UBUR 145:4

Luk inau'Mu miak buren ratnan sebuleng inul macing ruked-ruked; ideh miak mada' kekamenMu luk rayeh.

NANI UBUR 71:18

Nekini ui mengered idi abpukku mebuda', aleg Iko necan negku, O Allah! Do' Iko idi denganku kareb ui mada' lalud idi tuehMu kuan amung inul luk miak macing.

BALE' 11:30

Bua' lemulun luk matu mangun ku lawa ulun, iamo' lemulun luk dat maté kareb nateh tarekneh macing.

YESAYA 27:6

Kareb ineh pupu Israil, ieh ineh inul Yakub, miak inan uat pad ideh mulun idi ideh nginulih idi kebusak. Tana' maput ku bua'deh.

MIKA 5:7

Pupu Israil luk ketecan mepad kudeng ipup luk barén Tuhan kuan anid-anid pupu, idi mepad kudeng udan puré luk mebpeh luun tibu luk mulun. Ideh merapet inan Allah, baken inan lemulun.

MATIUS 21:22

Idi amung-amung luk pituen muyuh bang sembayang, kudeng muyuh manu, muyuh miak ngalap ineh teh.”

MATIUS 7:7

“Do' mutuh, idi miak barén nemuyuh; do' nakap, idi muyuh miak ngalap; nateg tanga', idi tanga' ineh miak kabin kuan muyuh.

LUKAS 6:13

Kareb aco pangeh macang Ieh nenawar anak-anak sekola'Neh, idi Ieh nemili' rat arangdeh pulu' dueh burur, luk titenNeh rasul-rasul,

YAHYA 13:18

“Ui pebala baken ratnan amung-amung muyuh; ngaceku Ui kali' idé lemulun luk pinili'Ku; iamo' bala bang Surat Allah ineh na miak na uen ngacing, ieh ineh, ‘Lemulun luk kuman pad-pad denganKu ineh sikal metueh rat Negku.’

YAHYA 15:19

Kudeng muyuh ratnan tana' ini, kali' rungen tana' ini miak mawa nemuyuh mepad kudeng pupuneh sebuleng. Iamo' muyuh baken ratnan tana' ini, ngaceku Ui pangeh nemili' nemuyuh ratnan tana' ini. Ini punneh tana' ini megateh nemuyuh.

YAHYA 15:5

“Ui ini Lawa Anggur, idi muyuh angat-angatneh. Kudeng idé-idé luk lutep bang Negku, idi Ui pana' bang neneh, ieh miak kebua' mula'; ngaceku kudeng Ui na ngedengan nemuyuh, muyuh na miak nganau' anun-anun.

YAHYA 6:70

Idi kebala Yésus nedeh, “Bakenké Ui nemili' nemuyuh luk pulu' dueh burur ini? Iamo' inan seburur rat arang muyuh luk mangun ku sétan.”

KEKAMEN RASUL-RASUL 1:24

Idi ideh nesembayang, kesembayangdeh, “O Tuhan, Iko luk kali' niat amung-amung lemulun, do' mada' rat arang dueh burur ini, idéké luk pinili'Mu,

KEKAMEN RASUL-RASUL 1:8

Iamo' muyuh miak mepanu' ku lalud kareb Roh Meligan temurun luun muyuh, idi muyuh miak mangun ku lun nekali' Negku, do' déi' Yerusalim, do' aput tana' Yudia idi Samaria pad macing iring tana'pana'.”

KEKAMEN RASUL-RASUL 10:41

baken kuan amung lemulun, iamo' kuan kai luk pinili' Allah mangun ku lun nekali' Neneh. Kai ini pangeh nekuman idi nengirup denganNeh muci ratnan Ieh tinui Allah rat arang lun naté.

KEKAMEN RASUL-RASUL 22:14

Idi kebalaneh, ‘Allah tepun tau pangeh nemili' namu atun, pelé iko kali pianNeh, idi miak nier Luk Matu ineh idi ninger bala rat bang tangNeh.

KEKAMEN RASUL-RASUL 9:15

Iamo' kebala Tuhan neneh, “Amé iko, ngaceku ieh luk pinili'Ku, ngakem kuanKu, pad ieh ngegala' ngadanKu kuan lun pupu baken idi raca'-raca', idi kuan lun pupu Israil pana'.

SURAT LUK BIRE PAULUS KUAN LUN RUM 1:13

Do' muyuh ngerawé ini, O kinanak-kinanakku, tuda'-tuda' kua' ui sikal macing nemuyuh, iamo' macing nekini megéi' inan luk ngesabeng negku. Ui pian ngalap bua' rat arang muyuh, mepad kudeng arang lun pupu baken teh.

SURAT LUK BIRE PAULUS KUAN LUN RUM 1:5

Ngaceku rat Neneh ui pangeh nengalap katu pad ui mangun ku rasul ngaceku Keristus, pelé ui nguit lemulun ratnan anid-anid pupu manu idi maya' pianNeh.

SURAT LUK BIRE PAULUS KUAN LUN RUM 15:4

Ngaceku amung-amung luk pangeh inayud bang Surat Allah, pangeh inayud pad mangun ku bada' kuan tau, pelé tau ngalap rapet ratnan ulai niat idi ubuk luk barén kuan tau bang surat ineh.

SURAT LUK BIRE PAULUS KUAN LUN RUM 9:21

Naké lun tukang kuden ineh miak makai tana' luk mesalit ineh maya' pianNeh? Ratnan setebalu' ineh ieh miak nganau' aceh kuden luk do', kian aceh kuden luk dat lek?

1 KORINTUS 10:11

Amung ini mangun kuandeh mangun ku luk pinginud kuan lun baken, idi amung ini pangeh inayud mangun ku bada' kuan tau. Ngaceku tau mulun kareb malé kekipedneh.

GALATIA 1:15

Iamo' Allah dengan katuNeh nemili' negku rat bang batek tinanku, idi nenawar negku pad ui ngakem kuanNeh. Idi kareb ieh pian

EPESUS 2:10

Ngaceku tau ini luk pinudut Allah, inau'Neh bang Keristus Yésus pad nganau' kekamen luk do' luk tinina' Allah kuan tau.

KOLOSE 1:23

kudeng muyuh lutep bang anu, idi meraben, pad muyuh na miak bebuen ratnan rapet bang Bala luk Do', luk pangeh pindenger muyuh, idi luk pangeh bida' kuan amung-amung pudut luk pa liang langit. Idi ui ini Paulus luk pangeh nangun ku lun luk mada' ineh.

KOLOSE 1:6

Bala luk Do' ineh ngacing peruan idi mepiar aput tana', mepad kudeng luk pangeh nepiar arang muyuh rat pun aco muyuh neninger ratnan éi' Allah idi nekali' ratnan katu Allah dengan matu.

1 TIMOTIUS 2:7

Idi ini punneh ui litep mangun ku rasul, idi ku guru kuan lun pupu baken pad mada' ratnan anu ineh idi luk matu teh. Ui na mebalih. Ui mala luk matu.

2 TIMOTIUS 1:11

Allah pangeh nemili' negku mangun ku lun mada', idi rasul, idi guru teh.

2 TIMOTIUS 2:2

Idi bada' luk pangeh pindengermu rat negku arang lun mula' luk nekali', do' mada' kuan lemulun luk lutep idi luk petulu mada' nelun baken teh.

TITUS 1:5

Ui nenecan namu déi' Kriti, pad iko miak mangeh amung-amung luk nateh inau', idi pad iko miak mili' lun rayeh-rayeh sidang bang anid-anid bawang, maya' kudeng luk pangeh icukku namu:

IBERANI 11:4

Ratnan anu teh, Abil nemaré kuan Allah aceh baré luk meluun do' rantan baré Kain. Idi teh ngaceku anuneh ineh Allah nengamo neneh selemulun luk matu, ngaceku Allah sebuleng mawang niat ku baréneh. Ngaceku anuneh Abil pebala-pebala teh, sagan pana' ieh pangeh naté.

YAKUB 3:18

Idi bua'-bua'neh, ieh ineh luk matu, tinibu dengan pedo' ratnan amung-amung lemulun luk ngakem kekamen luk pedo'.

1 PETRUS 3:15

Iamo' do' ngerayeh Keristus mangun ku Tuhan bang niat muyuh, idi do' muyuh megéi' temina' maré or kuan anid-anid lemulun luk ngitun nemuyuh ratnan rapet luk pangeh ilap muyuh,

1 PETRUS 3:2

Ngaceku ideh miak nier ulun muyuh luk meligan idi mepiteb.

1 YAHYA 4:10

Kudeng ini awa ineh: baken ngaceku tau mawa inan Allah, iamo' ngaceku Allah mawa netau, idi nengecuk AnakNeh mangun ku baré pedo' ratnan amung-amung sala' tau.

1 YAHYA 4:19

Tau mawa ngaceku Allah pun-pun mawa netau.