YAHYA 15:12 - BALA LUK DO'

¹² Ini ukumKu, ieh ineh do' muyuh mawa seburur inan seburur mepad kudeng Ui pangeh mawa nemuyuh.

YAHYA 15:12 Iomraidhean Croise

MALAKI 1:2

Kebala Tuhan nan pupuNeh, “Ui pangeh mawa nemuyuh rat mon.” Iamo' kebaladeh, “Kudeng apehké Iko nengegala' awaMu nekai?” Kebala Tuhan, “Sagan pana' Esau idi Yakub denganak, Ui mawa ni Yakub idi inulneh,

YAHYA 13:34

Aceh ukum luk mebaruh Ui maré kuan muyuh, ieh ineh, do' muyuh mawa seburur inan seburur mepad kudeng Ui pangeh mawa nemuyuh, pad muyuh pana' mawa seburur inan seburur.

YAHYA 15:17

Ini luk dukenKu nemuyuh, pad muyuh mawa seburur inan seburur.

SURAT LUK BIRE PAULUS KUAN LUN RUM 12:10

Do' mawa seburur dengan seburur, mepad kudeng kinanak-kinanak bang Keristus. Do' megéi' ngedita' nelun baken.

EPESUS 5:2

Idi mulun bang awa, mepad kudeng Keristus pana' pangeh mawa netau, idi pangeh nemaré bururNeh ngaceku tau, mangun kuk aceh baré luk do' buen idi aceh luk barén luk inan Allah mawang niat.

1 TESALONIKA 3:12

Idi do' Tuhan nganau' nemuyuh meluun awa seburur dengan seburur, idi inan amung-amung lemulun dengan mela, mepad kudeng kai mawa nemuyuh.

1 TESALONIKA 4:9

Idi ratnan awa arang kinanak, na kai ngayud kuan muyuh ngaceku muyuh sebuleng pangeh bida' Allah mawa seburur dengan seburur.

2 TESALONIKA 1:3

Idi do' kai megéi' maré ubur kuan Allah ngaceku muyuh, O kinanak-kinanakku, mepad kudeng luk petulu, ngaceku anu muyuh amé'-amé' mula', idi awa rat arang muyuh sebuleng amé'-amé' mela kuan anid-anid burur muyuh.

1 PETRUS 1:22

Ngaceku muruh pangeh nemaru' niat muyuh idi lutep maya' luk matu, pad muyuh mawa dengan amung-amung kinanak dengan na siayu, idi do' muyuh mawa seburur dengan seburur, dengan niat luk matu.

1 PETRUS 3:8

Kekipedneh, do' amung-amung muyuh sebuleng niat, idi méi' seburur dengan luk baken, idi mawa kuan amung-amung kinanak, dengan mulai niat idi mebeneh niat.

1 PETRUS 4:8

Idi luk pun-pun do' muyuh mawa seburur dengan seburur, ngaceku awa ineh miak mapen sala' luk mula'.

1 YAHYA 3:23

Ini ukumNeh, ieh ineh, do' tau manu inan ngadan AnakNeh Yésus Keristus, idi mawa seburur dengan seburur mepad kudeng luk icuk Keristus kuan tau.

1 YAHYA 4:21

Ukum ini pangeh biré Keristus kuan tau: lemulun luk mawa inan Allah, na miak na mawa inan kinanakneh teh.

2 YAHYA 1:5

Idi nekini, O decur, ui mutuh namu, pad muyuh mawa seburur dengan seburur. Na ui ngayud aceh ukum luk mebaruh kuanmu, iamo' ini ukum luk pangeh ilap tau rat pun-pun.