YAHYA 15:11 - BALA LUK DO'

¹¹ “Idi Ui pangeh nemala amung ini kuan muyuh, pad awangKu tudo bang nemuyuh, idi awang muyuh pana' meriput peh.

YAHYA 15:11 Iomraidhean Croise

YESAYA 53:11

Pangeh derehNeh, Ieh ngalap awang teh pad Ieh kali' derehNeh ineh inan ulek. Ieh ineh DemulunKu luk matu, Ieh kumin kuan lun mula', pad ideh mangun ku pupuKu luk matu.

YESAYA 62:4

Na iko tetanen, “Tican” teh, idi tana'mu na tetanen, “Decur luk Tican!” Ngadanmu luk mebaruh ineh, “Allah Mawang Niat Neneh!” Tana'mu tetanen, “Inan Awan,” ngaceku Tuhan mawang niat namu, pad Ieh mangun ku awan deléi kuan tana'mu.

YEREMIA 32:41

Idi dengan mawang niat Ui miak ngeperuan nedeh, idi dengan amung niatKu Ui miak ngeletep nedeh ruked-ruked bang bawang ini.

YEREMIA 33:9

Yerusalim miak mangun ku aceh lawa awang, ubur, idi rayeh kuanKu. Idi amung pupu bang tana' ini miak matot idi megegker, kareb ideh ninger ratnan amung peruan luk ruenKu ngacing kuan lun Yerusalim idi bawangdeh ini.’ ”

SEPANIA 3:17

Tuhan Allahmu idi denganmu, laludNeh ngetueh namu. Tuhan miak mawang niat namu, dengan awaNeh Ieh maré ulun luk mebaruh namu. Ieh miak menani idi mawang niat namu,

LUKAS 15:23

Idi nguit anak sapi' luk melamu, idi ngeret neneh, do' tau irau.

LUKAS 15:32

Do' tau irau idi mawang niat, ngaceku kinanakmu ini pangeh naté idi muli' mulun; ieh pangeh neraruh idi nelemubed teh.’ ”

LUKAS 15:5

Kareb ieh ngalap neneh, idi ieh nganau' neneh luun tudungneh dengan mawang niat.

LUKAS 15:9

Kareb ieh ngalap usinneh, idi ieh nawar lun rurumneh idi lun bang bawangneh, keburi'neh, ‘Do' muyuh mawang niat denganku, ngaceku ui pangeh nengalap usinku luk pangeh netutu' ineh!’

YAHYA 16:24

Macing nekini pana' muyuh nateh nemuyuh anun-anun bang ngadanKu. Do' mutuh, pad muyuh miak ngalap, pad awang muyuh miak meriput peh.

YAHYA 16:33

Ui nemala amung ini kuan muyuh, pad muyuh mawang niat bang Negku. Bang tana' ini muyuh medereh; iamo' do' muyuh mekuu'. Ui pangeh metueh ratnan tana' ini.”

YAHYA 17:13

Iamo' nekini Ui amé' Namu; idi Ui mala amung ini serukedKu tudo bang tana' ini, pad ideh miak ngalap awangKu bang niatdeh dengan meriput.

YAHYA 3:29

Deléi luk sikal ngaweh, ieh kuan decur ineh; idi lun rurum deléi luk sikal ngaweh ineh tuped iringneh, idi ieh pelaba awang niat ninger bala deléi ineh. Kudeng ineh teh ui ini nekini pelaba awang niat. Idi awangku meriput.

SURAT LUK BIRE PAULUS KUAN LUN RUM 15:13

Do' Allah, luk lawa rapet ineh, manu' niat muyuh ku awang idi pedo' bang anu muyuh, pad ratnan lalud Roh Meligan, muyuh mepanu' ku rapet.

2 KORINTUS 1:24

Na kai mangun ku raca' pa luun anu muyuh, iamo' kai ngakem dengan muyuh sikal maré nemuyuh mawang niat, ngaceku dengan anu muyuh tuped meraben.

EPESUS 5:18

Aleg muyuh mabuk ku arak luk ngusag ulun muyuh, iamo' do' muyuh mepanu' ku Roh.

PILIPI 1:25

Ui merapet ratnan ini. Ineh punneh ui kali' ui miak mulun teh idi tudo dengan muyuh, pad muyuh metaduk idi mawang niat bang anu.

1 TESALONIKA 5:16

Do' muyuh megéi' mawang niat,

1 PETRUS 1:8

Muyuh mawa Neneh; sagan pana' muyuh nateh nenier Neneh. Muyuh manu Neneh sagan pana' muyuh na miak nier Neneh. Idi muyuh pelaba awang niat dengan awang idi rayeh luk na miak belén,

1 YAHYA 1:4

Kai ngayud amung-amung luk kudeng ini pad awang kai mangun meriput.

2 YAHYA 1:12

Sagan pana' mula' luk belénku nemuyuh, na ui pian ngayud ku geretas idi dawat, iamo' ui merapet macing nemuyuh idi pegayam petutup, pad awang tau meligan peh.