YAHYA 15:10 - BALA LUK DO'

¹⁰ Kudeng muyuh maya' ukum-ukumKu, kali' rungen muyuh miak lutep bang awaKu, mepad kudeng Ui pangeh nemaya' ukum-ukum TamanKu, idi nelutep bang awaNeh.

YAHYA 15:10 Iomraidhean Croise

SEMUIL LUK KEDUEH 22:22

Ui pangeh nemaya' ukum Tuhan; idi na ui nelemubed ratnan Allahku.

RACA'-RACA' LUK KEDUEH 18:6

Ngaceku ieh lutep inan Tuhan idi na nengelaba balaNeh. Iamo' ieh nemaya' amung ukum luk bida' Tuhan ni Musa.

PURA' 7:6

Musa idi Arun nenganau' luk bila Tuhan Allah nedidueh.

YESAYA 50:5

Tuhan nemaré ileh Negku, pad Ui na sikal metueh idi teketed rat Neneh.

YAHYA 10:18

Seburur pana' na ngalap ulunKu rat Negku, iamo' Ui maré neneh maya' pianKu sebuleng. Ui melalud maré neneh idi melalud ngalap neneh lemubed teh. Ini lalud luk ilapKu ratnan TamanKu.”

YAHYA 12:49

Ngaceku Ui na nepebala maya' pianKu sebuleng, iamo' Taman luk negecuk Negku ineh luk mada' Negku ratnan bala luk belénKu.

YAHYA 14:15

“Kudeng muyuh mawa Negku, do' maya' ukum-ukumKu.

YAHYA 14:21

“Kudeng idé-idé luk gimet idi maya' amung ukumKu, ieh ineh luk mawa Negku. Idi lemulun luk mawa Negku, idi Taman pana' mawa neneh, idi Ui teh mawa neneh idi ngegala' bururKu kuanneh.”

YAHYA 14:23

Idi kebala Yésus, “Kudeng idé-idé luk mawa Negku, kali' rungen ieh maya' balaKu, idi TamanKu ineh mawa neneh, idi Kai sikal macing neneh idi tudo denganneh.

YAHYA 14:31

Ui nganau' teh mepad kudeng luk icuk Taman kuanKu, pad uang tana' ini miak kali' idi Ui mawa inan Taman. “Tumui muyuh, do' tau nalan rat ieni.

YAHYA 17:4

Ui pangeh nengerayeh Namu bang tana', idi nengeriput kekamen luk Iko nemaré kuanKu.

YAHYA 4:34

Idi kebala Yésus nedeh, “AkanKu, ieh ineh nganau' luk pianNeh luk nengecuk Negku, idi ngeriput kekamenNeh.

YAHYA 8:29

Idi Ieh luk nengecuk Negku idi denganKu, idi na Ieh necan Negku sebuleng, ngaceku Ui megéi' maya' luk pianNeh.”

YAHYA 8:55

Muyuh na miti Neneh, iamo' Ui miti Neneh. Kudeng Ui pebala idi na Ui miti Neneh, kali' rungen Ui mepad kudeng muyuh luk mebalih, iamo' Ui miti Neneh, idi Ui maya' balaNeh.

1 KORINTUS 7:19

Ngaceku sunat idi na sunat pana' nateh ulekneh. Luk inan ulek, ieh ineh maya' ukum Allah.

1 TESALONIKA 4:1

Kekipedneh, O kinanak-kinanakku, muyuh pangeh nesibada' rat nekai ratnan kudeng apeh muyuh miak mulun pad ngawang niat Allah: ieh ineh mepad kudeng ulun muyuh nekini. Idi nekini kai mutuh nemuyuh bang ngadan Tuhan Yésus nganau' meluun rantan ineh.

IBERANI 7:26

Yésus ineh Imam Rayeh luk miak ngedengan netau. Ieh ineh meligan, idi na mesala'; Ieh pitad ratnan lemulun luk mesala', idi inau' medita' ratnan amung-amung langit.

2 PETRUS 2:21

Meluun do' kuandeh kudeng ideh na ngiti dalan luk matu rat pun-pun, ratnan ideh nengiti ineh idi lumi ratnan ukum luk meligan luk pangeh biré kuandeh.

1 YAHYA 2:3

Kudeng tau maya' ukum-ukum Allah, tau kali' tau pangeh nengiti Neneh.

1 YAHYA 2:5

Iamo' idé-idé luk maya' balaNeh, idi matu awa Allah uen ngeriput bang neneh. Dengan luk kudeng ineh tau kali' idi tau mulun bang Allah.

1 YAHYA 2:6

Lemulun luk mala bururneh mulun bang Allah, do' ieh mulun mepad kudeng Keristus.

1 YAHYA 5:3

Ngaceku ini awa inan Allah, ieh ineh maya' ukum-ukumNeh. Idi ukum-ukumNeh ineh baken meberat.

BALA LUK LINIO 22:14

Samal kuan lemulun luk maru' kuyu'deh, pad ideh ngalap lalud amé' matun lawa ulun ineh, idi semuet bang bawang ineh maya' tanga'neh.