YAHYA 15:1 - BALA LUK DO'

¹ “Ui ini Lawa Anggur luk matu, idi TamanKu, Ieh ineh luk ngasa' neneh.

YAHYA 15:1 Iomraidhean Croise

NANI SELIMUN 7:12

pad kiteh miak tumui muka idi nier anggur, kudeng ieh nenginulih, idi kudeng busakneh nelusad, idi nier delima kudeng ieh kebusak teh. Su ineh ui mada' awaku namu.

YESAYA 4:2

Kareb ineh teh Tuhan nganau' amung tibu bang bawang ineh amé' rayeh idi metaga. Amung pupu Israil luk mulun mawang niat ku uli' tana' ineh.

YESAYA 60:21

Pupumu miak nganau' luk matu, idi ngimet bawang ineh ruked-ruked. Ui nenibu nedeh, Ui nemudut nedeh, pad ngegala' rayehKu kuan luk amung-amung.

YESAYA 61:3

Idi maré kuan lemulun luk mesusa' niat déi' Sion, awang idi do' ria' ku libal susa' niat, idi nani ubur ku libal tangi'. Tuhan sebuleng miak ngasa' nedeh; ideh do' ulun mepad kudeng kayuh. Amung lemulun nganau' luk matu. Idi Allah miak buren ngaceku luk inau'Neh.

YEREMIA 12:10

Mula' raca' rat bawang baken pangeh nengusag kabun anggurKu, ideh nengeradu' lati'Ku, idi nengisu' bawangKu luk do' mangun ku su luk ali-ali.

YEREMIA 2:21

Iko aceh ilung luk pelaba do' idi bua' anggur luk mepaci', kareb Ui nenibu namu. Iamo' nekini iko mepad kudeng bua' anggur luk melu luk na pianKu.

YEHISKIEL 19:10

Tinanmu mepad kudeng anggur, luk tinibu tangeb arur. Ngaceku petap abpa', idi mula' don idi bua'neh.

HOSIA 10:1

Pupu Israil mepad kudeng anggur luk mula' bua'. Luk mula' binaweh, iuk mula' bubpun. Kareb mula' uli' tana'deh, idi ulung su luk inandeh sembayang iuk-iuk pelaba do' taga.

SEKARIA 3:8

O Yosua, Imam Rayeh, do' iko ninger idi lun rurum luk tudo pa atunmu pana'. Muyuh ineh aceh tanu' ratnan luk do' luk miak mangun muci. Ui miak maré demulunKu, luk titen Angat!

MATIUS 15:13

Iamo' Yésus nengor baladeh, keburi'Neh, “Anid-anid tibu luk na tinibu TamanKu bang surga, ieh miak bebuten peh.

MATIUS 20:1

“Imet surga mepad kudeng aceh tuan ruma' luk neremuat pekak uka-uka, pad nabpar lemulun pelé ideh ngakem bang kabun anggurneh.

MATIUS 21:33

Kebala Yésus, “Ninger muyuh aceh luk pinginud luk baken teh: Inan seburur tuan ruma' luk nenibu aceh kabun anggur, idi ieh nengar libut-libutneh, idi nengukat aceh lubang anggur, idi ieh nemudut aceh lepo luk medita'. Ieh nemaré kabun ineh icam tuda'-tuda' lun matar kabun, idi ieh iné' bawang baken.

MARKUS 12:1

Yésus nengimun pebala nedeh dengan aceh luk pinginud, “Inan seburur lemulun luk nenibu aceh kabun anggur, ieh nengar libut-libutneh, ieh nengukat luk inanneh misak bua' anggur ineh, idi ieh nemudut aceh lepo luk medita'. Idi ieh nemaré kabun ineh icam tuda'-tuda' lun matar kabun, idi ieh iné' bawang baken.

LUKAS 13:6

Yésus nemada' kuandeh luk pinginud ini, “Inan selemulun luk inan aceh lawa gita' luk tinibu bang kabun anggurneh. Idi ieh nacing sikal nakap bua' ratnan lawa ineh, iamo' sebuleng pana' nateh luk ilapneh.

YAHYA 1:17

Allah nemaré Ukum dengan tang Musa, iamo' katu idi luk matu pangeh nacing ratnan Yésus Keristus.

YAHYA 1:9

Ini acang luk matu luk macing bang tana' ini pad ngacang amung-amung lemulun.

YAHYA 15:2

Anid-anid angat luk bang Negku luk na kebua' miak tetuinNeh; idi anid-anid angat luk kebua' ruenNeh ngalét pad bua'neh meluun ula'.

YAHYA 6:32

Kebala Yésus nedeh, “Matu, Ui pebala nemuyuh, baken Musa luk nemaré ruti rat déi' surga ineh, iamo' TamanKu luk nemaré kuan muyuh Ruti luk matu ineh rat surga.

YAHYA 6:55

Ngaceku bururKu, ieh ineh akan luk matu, idi dara'Ku, ieh ineh luk rupen luk matu.

SURAT LUK BIRE PAULUS KUAN LUN RUM 11:17

Sebuang angat pangeh tingal, idi muyuh lun pupu baken mepad kudeng aceh angat saitun pulung luk kinawin luun ineh, pad ngalap babpat ratnan uat lawa saitun ineh luk mepanu' ku para'.

1 KORINTUS 3:9

Ngaceku kai lemulun pad-pad ngakem dengan Allah, idi muyuh ini lati' Allah. Muyuh ini pinginud aceh ruma' Allah.

1 YAHYA 2:8

Iamo' ui ngayud ukum luk mebaruh kuan muyuh, idi luk kudeng ineh pangeh ginala' matu bang Keristus idi bang nemuyuh pana', ngaceku dacem ineh pangeh netutu', idi acang luk matu pangeh merasat.