YAHYA 14:3 - BALA LUK DO'

³ Pangeh Ui amé' nganau' temina' luk inan kuan muyuh, idi Ui lemubed ngalap nemuyuh amé' Negku, pelé su luk inanKu tudo, déi' teh luk inan muyuh.

YAHYA 14:3 Iomraidhean Croise

YAHYA 12:26

Idé-idé luk pian ngakem kuanKu, do' ieh maya' Negku, pad demulunKu idi dengaKu iapeh-iapeh pana' Ui idi. Idi TamanKu miak ngedita' lemulun luk ngakem kuanKu.

YAHYA 14:28

Muyuh pangeh neninger balaKu nemuyuh, ‘Ui amé' idi Ui sikal lemubed kuan muyuh.’ Kudeng muyuh mawa Negku, kali' rungen muyuh mawang niat ngaceku Ui amé' inan Taman, ngaceku TamanKu meluun rayeh rat Negku.

YAHYA 14:4

Idi muyuh kali' dalan amé' su luk inanKu.”

YAHYA 17:24

“O Ama', pianKu idi lemulun luk pangeh biréMu Negku ineh idi denganKu iapeh-iapeh luk inanKu, pad ideh miak nier rayehKu luk pangeh biréMu Negku, ngaceku Iko pangeh mawa Negku atun ratnan tana' ini pinudut.

KEKAMEN RASUL-RASUL 1:11

Idi kebala didueh, “O muyuh lun Galilia, ngudehké muyuh tuped idi netengook nier déi' langit? Yésus ini luk kinikit rat arang muyuh iné' surga, miak temurun mepad kudeng luk sinier muyuh kareb Ieh kinikit iné' surga ineh.”

SURAT LUK BIRE PAULUS KUAN LUN RUM 8:17

Ngaceku tau ini anak-anakNeh, tau miak ngalap babpat luk litep Allah kuan pupuNeh. Idi teh tau ngalap babpat dengan Keristus, kudeng tau perurum medereh denganNeh, pad tau mepad uen ngerayeh denganNeh.

PILIPI 1:23

Niatku perapid ratnan luk dueh ini. Ui pian amé' idi tudo dengan Keristus, ngaceku luk kudeng ineh luk meluun do'.

2 TESALONIKA 1:12

pad ngadan Tuhan tau Yésus uen ngerayeh bang nemuyuh, idi muyuh bang Neneh, maya' katu Allah idi Tuhan Yésus Keristus.

2 TIMOTIUS 2:12

Kudeng tau megéi' medereh tau miak ngimet pad-pad denganNeh. Kudeng tau ngalum Neneh, Ieh pana' ngalum netau.

IBERANI 9:28

Kudeng ineh teh Keristus pana' pangeh biré sekua' mo' pad mabeh sala' lun mula'. Idi Ieh miak macing sekedueh kua', baken pad mabeh sala' lemulun teh, iamo' pad ngulun lemulun luk nginulat Neneh.

BALA LUK LINIO 3:21

Ui maré lemulun luk metueh, tudo denganKu luun kerusiKu, mepad kudeng Ui pana' pangeh metueh idi tudo dengan TamanKu luun kerusiNeh.