YAHYA 14:2 - BALA LUK DO'

² Bang ruma' TamanKu inan mula' luk inan tudo' kudeng na pieh kudeng ineh, kali' rungen Ui pangeh nemala kuan muyuh; ngaceku Ui amé' nganau' temina' luk inan kuan muyuh.

YAHYA 14:2 Iomraidhean Croise

LUKAS 14:22

Idi keburi' demulun ineh kuanneh, ‘O tuan, anun luk icukmu ineh ui pangeh nenganau', iamo' inan teh su luk inan ketecan.’

YAHYA 13:33

O anak-anakKu, segageh mo' kinioneh Ui tudo dengan muyuh. Muyuh sikal nakap Negku. Iamo' mepad kudeng Ui pangeh nepebala kuan lun Yahudi, Ui pebala kuan muyuh, ‘Su luk inanKu amé', muyuh na miak macing.’

YAHYA 13:36

Idi kebala Simun Pétrus Neneh, “O Tuhan, iapehké luk inanMu amé'?” Idi kebala Yésus neneh, “Iko na miak maya' Negku amé' su luk inanKu amé' nekini. Iamo' muci iko miak maya' Negku.”

YAHYA 14:28

Muyuh pangeh neninger balaKu nemuyuh, ‘Ui amé' idi Ui sikal lemubed kuan muyuh.’ Kudeng muyuh mawa Negku, kali' rungen muyuh mawang niat ngaceku Ui amé' inan Taman, ngaceku TamanKu meluun rayeh rat Negku.

YAHYA 16:4

Iamo' Ui pangeh nemala amung ini kuan muyuh, pad kareb ini macing muyuh miak ngerawé, idi amung ineh pangeh bilaKu nemuyuh. “Idi na Ui mala amung-amung ini kuan muyuh rat pun-pun, ngaceku Ui tudo dengan muyuh.

YAHYA 17:24

“O Ama', pianKu idi lemulun luk pangeh biréMu Negku ineh idi denganKu iapeh-iapeh luk inanKu, pad ideh miak nier rayehKu luk pangeh biréMu Negku, ngaceku Iko pangeh mawa Negku atun ratnan tana' ini pinudut.

KEKAMEN RASUL-RASUL 9:16

Idi Ui sebuleng sikal mada' kuanneh, tuda'-tuda' dereh luk miak kali'neh ngaceku ngadanKu.”

2 KORINTUS 5:1

Ngaceku kai kali' idi kudeng ruma' luk inan tau tudo bang tana' ini uen ngusag, tau miak ngalap aceh ruma' ratnan Allah, ieh ineh su luk inan tudo, baken inau' ku ticu', iamo' meruked déi' surga.

1 TESALONIKA 5:9

Ngaceku Allah nemili' netau baken pad tau medereh ku usehNeh, iamo' pad tau miak ngalap ulun ratnan Tuhan tau Yésus Keristus,

TITUS 1:2

luk tipin luun rapet tau ku ulun luk meruked, luk pangeh pijani' Allah luk na miak mebalih, atun ratnan amung-amung kareb luk meruked.

IBERANI 11:10

Ngaceku ieh nenginulat aceh bawang luk inan diri luk meraben ineh, luk tinui idi luk pinudut Allah.

IBERANI 13:14

Ngaceku tungé' tau na luk idi bawang luk meruked, iamo' tau nakap bawang luk meruked, iamo' tau nakap bawang luk miak macing.

IBERANI 6:20

su luk inan Yésus pangeh nesemuet ngaceku tau, mangun ku Luk Atun ineh, ngaceku Ieh pana' pangeh mangun ku Imam Rayeh ruked-ruked maya' adat Melkisedek.

IBERANI 9:8

Ratnan luk kudeng ineh Roh Meligan ngegala' kuan tau ratnan dalan semuet bang Su luk Meluun Ligan ineh nateh inukab kareb Lepo luk pa atun ineh idi teh.

BALA LUK LINIO 1:5

idi ratnan Yésus Keristus, Lun Nekali' luk lutep maya' jani' ineh, ieh ineh Anak luk atun luk tinui rat arang lun naté, idi luk mangun ku raca' pa luun amung-amung raca' bang tana' ini. Ieh mawa netau, idi dengan dara'Neh Ieh nemuit netau ratnan amung-amung sala'tau.

BALA LUK LINIO 21:2

Idi ui nenier aceh bawang luk meligan, Yerusalim luk mebaruh, netemurun rat surga ratnan Allah, inayung mepad kudeng seburur decur luk ngaweh inayung pad miak papu' awanneh.

BALA LUK LINIO 3:12

Ui sikal nganau' lemulun luk metueh mangun ku aceh diri bang ruma' AllahKu, idi na tu-tu ieh miak remuat rat déi'. Idi Ui ngayud luunneh ngadan AllahKu idi ngadan bawang AllahKu, ieh ineh Yerusalim luk mebaruh luk temurun rat surga ratnan AllahKu ineh, idi teh Ui ngayud luunneh ngadanKu luk mebaruh ineh.

BALA LUK LINIO 3:21

Ui maré lemulun luk metueh, tudo denganKu luun kerusiKu, mepad kudeng Ui pana' pangeh metueh idi tudo dengan TamanKu luun kerusiNeh.