YAHYA 13:8 - BALA LUK DO'

⁸ Idi kebala Pétrus Neneh, “Aleg tu-tu Iko maru' kukudku.” Iamo' kebala Yésus neneh, “Kudeng Ui na maru' kukudmu iko na miak ngalap babpat denganKu.”

YAHYA 13:8 Iomraidhean Croise

PUDUT 42:38

Iamo' kebala Yakub, “Anakku na miak maya' nemuyuh, ngaceku kinanakneh luk rayeh pangeh naté, idi ieh ketecan sebuleng denganku. Kian, ieh pitayen arang dalan lek. Kali' rungen ui maté kudeng muyuh ngedereh negku kudeng ineh. Ngaceku ui mengered.”

SEMUIL LUK KEDUEH 20:1

Idi inan aceh lun luk dat nacing, ngadanneh Siba Bikri, seburur lun Beniamin. Idi ieh nengiup serupit, kebalaneh, “Nala' ni Daud. Na tau maya' neneh! O lun Israil do' tau muli!”

RACA'-RACA' LUK PUN-PUN 12:16

Kareb lun mula' kali' raca' na sikal ninger baladeh ineh, idi ideh nengitang, kebaladeh, “Na kai pian maya' inul Daud. Anunké luk pangeh inau'deh kuan kai? O lun Israil, do' tau muli'. Nima' Rehebom matar tetek ruma'neh sebuleng!” Idi amung lun Israil neburo rat ni Rehebom.

NANI UBUR 51:2

Ngiu' amung kekamenku luk dat, idi ngeligan negku ratnan sala'ku!

NANI UBUR 51:7

Nala' sala'ku, pad ui miak meligan; maru' niatku, pad ui mebuda' kudeng salju.

YESAYA 4:4

Dengan laludNeh Tuhan miak ngukum idi ngeligan pupu ineh idi nala' babeh sala' Yerusalim idi ngiu' dara luk inutang su ineh.

YEHISKIEL 36:25

Ui miak ngisak abpa' luk meligan luun muyuh, pad muyuh baruin ratnan akang muyuh idi ratnan anun-anun luk nengelutak nemuyuh.

SEKARIA 13:1

Kebala Tuhan luk Melalud, “Kareb ineh aceh turuk miak kabin kuan inul Daud, idi lun Yerusalim, pad ideh miak baruin ratnan amung sala'deh, idi ratnan sembayang inan akang.

MATIUS 16:22

Idi Pétrus nenguit Yésus iné' setau', idi ieh nemebpeng Neneh, keburi'neh, “Do' amung ineh uen Allah ngado rat Namu, O Tuhan! Dereh ineh na miak macing Namu.”

MATIUS 21:29

Idi kebala anak ineh, ‘Ara' ui amé',’ iamo' muci ieh nenginuud, idi ieh iné' peh.

MATIUS 26:33

Idi kebala Pétrus Neneh, “Sagan pana' amung-amungdeh necan Namu, ui sebuleng na tu sikal necan Namu.”

MATIUS 26:35

Idi kebala Pétrus Neneh, “Sagan pana' ui pitayen pad-pad denganMu, na tu ui sikal ngalum Namu.” Kudeng ineh teh bala amung-amung anak sekola' ineh.

YAHYA 13:6

Kareb Yésus nacing ni Simun Pétrus, idi keburi' Pétrus Neneh, “O Tuhan, pianké Iko maru' kukudku?”

YAHYA 13:9

Idi keburi' Simun Pétrus Neneh, “O Tuhan, kudeng pieh kudeng ineh, aleg maru' kukudku sebuleng mo', iamo' do' maru' ticu' idi uluhku teh.”

YAHYA 3:5

Idi kebala Yésus, “Matu, Ui pebala namu, kudeng selemulun na tinganak ratnan abpa' idi Roh, na ieh miak semuet bang Imet Allah.

KEKAMEN RASUL-RASUL 22:16

Idi nekini anunké punneh iko nganét? Tumui iko idi rerebpen idi nawar ngadan Yésus, pad amung-amung sala'mu uen ngiu'.’

1 KORINTUS 6:11

Kudeng ineh teh ulun sebuang muyuh atun, iamo' muyuh pangeh biru' ratnan sala', muyuh pangeh linigan kuan Allah, muyuh pangeh inau' matu pa kiung Allah bang ngadan Tuhan Yésus Keristus idi bang Roh Allah tau.

EPESUS 5:26

Ieh nenganau' ineh pelé Ieh miak ngeligan sidang ineh, kareb Ieh pangeh nemaru' neneh ku baru' abpa' ratnan bala Allah,

BADA' RATNAN UKUM 12:12

Idi do' muyuh geriguen pa kiung Tuhan Allah muyuh, do' muyuh dengan amung anak muyuh, amung lun tebarin muyuh, idi amung lun Liwi pana' luk tudo bang anid bawang muyuh. (Do' ngerawé lun Liwi luk na miak ngalap babpat tana' mepad kudeng muyuh.)

KOLOSE 2:18

Aleg muyuh saluken lemulun luk pian ngebeneh bururneh pa kiung melaikat idi sembayang nedeh. Lemulun luk kudeng ineh megéi' pebala ratnan luk sinierneh, pad ieh ngedita' bururneh ngaceku pian mebala. Iamo' terawéneh maya' ulun tana' ini.

KOLOSE 2:23

Sagan pana' ayuneh amung ukum ineh ratnan ileh, dengan mesaad sembayang inan melaikat, dengan ngebeneh niat idi ngurat burur; iamo' amung ukum ineh na ulekneh, idi na miak muit nemuyuh ratnan pinian burur muyuh sebuleng.

TITUS 3:5

Ieh nengulun netau. Baken ngaceku ratnan kekamen luk do' luk inau' tau, iamo' ngaceku éi'Neh. Ieh nengulun netau ku baru' Roh Meligan luk nguit netau tinganak mebaruh, pad ngalap ulun luk mebaruh.

IBERANI 10:22

Ngaceku ineh do' tau amé' matun Neneh dengan niat luk matu idi dengan anu luk mela, idi niat tau linigan ratnan teruayen niat luk dat, idi burur tau biru' ku abpa' luk melio.

BALA LUK LINIO 1:5

idi ratnan Yésus Keristus, Lun Nekali' luk lutep maya' jani' ineh, ieh ineh Anak luk atun luk tinui rat arang lun naté, idi luk mangun ku raca' pa luun amung-amung raca' bang tana' ini. Ieh mawa netau, idi dengan dara'Neh Ieh nemuit netau ratnan amung-amung sala'tau.

BALA LUK LINIO 7:14

Idi keburi'ku neneh, “Na kali'ku. Iko luk kali' ratnan ineh.” Idi kebalaneh negku, “Ini lemulun luk neremuat ratnan susa' luk rayeh ineh. Ideh pangeh nemupu' kuyu'deh idi nengebuda' nedeh ku dara' Anak Dumba ineh.