YAHYA 13:5 - BALA LUK DO'

⁵ Ieh nengutang abpa' bang aceh bigan luk rayeh, idi nengimun maru' kukud anak-anak sekola'Neh, idi nemiid ku aduk luk inabet i awa'Neh ineh.

YAHYA 13:5 Iomraidhean Croise

PUDUT 18:4

Nima' negku ngalap abpa' idi maru' kukud meteluh, idi do' meteluh tudo ngato erur meteluh liang kayuh ini.

PUDUT 19:2

kebalaneh, “Do' medueh umak ruma'ku, idi rudap déi', maru' kukud medueh, idi pekak nebpa medueh miak nalan uka-uka.” Iamo' kebala didueh, “Na, kai dueh sikal rudap tungé' luun natad bawang ini.”

PUDUT 43:24

Idi lun luk ngasa' ineh nenguit nedeh iné' déi' ruma' Yusup. Idi ieh nemaré abpa' ku maru' kukuddeh. Idi kareb ie pangeh nemaman keladaideh,

RACA'-RACA' LUK KEDUEH 3:11

Idi Raca' Yosapat nengitun, “Inanké nabi Tuhan tungé' luk miak tunin tau?” Idi kebala seburur lun tareh Raca' Yoram, “Inan tungé' Elisa Sapat. Atun ieh luk mubpur ticu' Elia kareb sibaru'.”

NANI UBUR 51:2

Ngiu' amung kekamenku luk dat, idi ngeligan negku ratnan sala'ku!

PURA' 29:4

“Idi nguit ni Arun idi anak-anakneh amé' muneng ku tanga' Lepo su luk inan papu' Tuhan. Idi do' iko maru' nedeh ku abpa'.

YESAYA 1:16

Do' muyuh sibaru'. Ugka' ratnan amung kekamen luk dat luk kali'Ku. Matu, do' muyuh ugka' ratnan nganau' luk dat,

YEHISKIEL 36:25

Ui miak ngisak abpa' luk meligan luun muyuh, pad muyuh baruin ratnan akang muyuh idi ratnan anun-anun luk nengelutak nemuyuh.

UKUM 14:8

Idi do' lun luk linigan ineh mupu' ayungneh idi ngiki amung apbukneh, idi diu', pad ieh meligan. Idi ieh miak semuet su luk inan nelupo. Iamo' do' ieh tudo déi' liang lepo kibungneh sebuleng tudu' aco kinioneh.

SEKARIA 13:1

Kebala Tuhan luk Melalud, “Kareb ineh aceh turuk miak kabin kuan inul Daud, idi lun Yerusalim, pad ideh miak baruin ratnan amung sala'deh, idi ratnan sembayang inan akang.

LUKAS 7:38

Idi ieh netuped pa keted Yésus muneng ku kukudNeh idi nangi', idi ieh nengeba' kukud Yésus ku abpa' matehneh. Idi ieh nemiid kukudNeh ku abpukneh, idi nemuen kukud Yésus, idi nengumau kukudNeh ku umau luk do' buen ineh.

LUKAS 7:44

Idi Yésus nelumi inan decur ineh idi nepebala ni Simun, “Iko kali' decur iniké? Ui nesemuet bang ruma'mu, na iko nemaré abpa' ku maru' kukudKu, iamo' decur ini nengeba' kukudKu ku abpa' matehneh idi nemiid ku abpukneh.

YAHYA 13:10

Kebala Yésus neneh, “Idé-idé luk pangeh nediu', amung bururneh pana' malét; lemulun ineh maru' kukudneh mo'. Amung muyuh pana' malét, iamo' sebuleng mo' luk na.” (

YAHYA 13:6

Kareb Yésus nacing ni Simun Pétrus, idi keburi' Pétrus Neneh, “O Tuhan, pianké Iko maru' kukudku?”

YAHYA 13:8

Idi kebala Pétrus Neneh, “Aleg tu-tu Iko maru' kukudku.” Iamo' kebala Yésus neneh, “Kudeng Ui na maru' kukudmu iko na miak ngalap babpat denganKu.”

YAHYA 19:34

Iamo' seburur lun pebunu' nenebpek sigarang Yésus ku busu, idi petacu dara' Yésus neremuat dengan abpa'. (

KEKAMEN RASUL-RASUL 22:16

Idi nekini anunké punneh iko nganét? Tumui iko idi rerebpen idi nawar ngadan Yésus, pad amung-amung sala'mu uen ngiu'.’

1 KORINTUS 6:11

Kudeng ineh teh ulun sebuang muyuh atun, iamo' muyuh pangeh biru' ratnan sala', muyuh pangeh linigan kuan Allah, muyuh pangeh inau' matu pa kiung Allah bang ngadan Tuhan Yésus Keristus idi bang Roh Allah tau.

EPESUS 5:26

Ieh nenganau' ineh pelé Ieh miak ngeligan sidang ineh, kareb Ieh pangeh nemaru' neneh ku baru' abpa' ratnan bala Allah,

1 TIMOTIUS 5:10

Idi do' ieh buren ngaceku kekamen neh luk do', ngaceku ieh pangeh nengasa' anak-anakneh, idi nenganak lun sakai, idi nemaru' kukud lun manu, idi nengedengan lemulun luk mesusa', idi mekél bang amung-amung luk do'.

IBERANI 10:22

Ngaceku ineh do' tau amé' matun Neneh dengan niat luk matu idi dengan anu luk mela, idi niat tau linigan ratnan teruayen niat luk dat, idi burur tau biru' ku abpa' luk melio.

1 YAHYA 1:7

Iamo' kudeng tau mulun bang acang, mepad kudeng Ieh pana' bang acang, idi tau perurum seburur dengan seburur, idi dara' Yésus, AnakNeh ineh, maru' netau ratnan amung-amung sala'.

1 YAHYA 5:6

Yésus Keristus ineh luk pangeh nacing. Ieh nacing dengan abpa' rerebNeh idi dara' atéNeh. Ieh nacing baken dengan abpa' mo', iamo' dengan abpa' idi dara'. Idi Roh ineh mangun ku luk nekali' ratnan ineh matu, ngaceku Roh ineh matu.

BALA LUK LINIO 1:5

idi ratnan Yésus Keristus, Lun Nekali' luk lutep maya' jani' ineh, ieh ineh Anak luk atun luk tinui rat arang lun naté, idi luk mangun ku raca' pa luun amung-amung raca' bang tana' ini. Ieh mawa netau, idi dengan dara'Neh Ieh nemuit netau ratnan amung-amung sala'tau.

BALA LUK LINIO 7:14

Idi keburi'ku neneh, “Na kali'ku. Iko luk kali' ratnan ineh.” Idi kebalaneh negku, “Ini lemulun luk neremuat ratnan susa' luk rayeh ineh. Ideh pangeh nemupu' kuyu'deh idi nengebuda' nedeh ku dara' Anak Dumba ineh.

LUN LUK NGUYUT 19:21

Idi ieh nenguit nedeh inée' ruma'neh. Idi ieh nemaman keladaideh. Idi sakaineh ineh nesibaru'. Pangeh ineh ideh nengirup idi nekuman.

SEMUIL LUK PUN-PUN 25:41

Idi Abigail netekeradung, kebalaneh, “Nima' negku maru' kukud lun duken tuanku.”