YAHYA 13:21 - BALA LUK DO'

²¹ Pangeh Yésus nepebala kudeng ini, idi Ieh mesusa' niat idi nemaré kali', kebalaNeh, “Matu, Ui pebala nemuyuh, idi seburur rat arang muyuh sikal masui Negku.”

YAHYA 13:21 Iomraidhean Croise

MATIUS 26:21

Idi uneddeh kuman, Yésus nepebala nedeh, “Ui pebala nemuyuh, inan sebuleng rat arang muyuh luk sikal masui Negku.”

MATIUS 26:38

Idi kebalaNeh nedeh, “Mesusa' tu-tu niatKu, malé maté ayuKu; tudo ieni muyuh denganKu idi matar pad muyuh na rudap.”

MARKUS 14:18

Idi uned ideh tudo kuman, idi Yésus nepebala, “Ui pebala nemuyuh, seburur rat arang muyuh luk tudo kuman denganKu sikal masui Negku.”

MARKUS 3:5

Idi Yésus nenier libut-libutdeh dengan museh idi mesusa' niat, ngaceku niatdeh metueh, idi kebalaNeh kuan lemulun luk mét ineh, “Natang ticu'mu!” Idi ieh nenatang ticu'neh, idi ticu'neh pana' nedo'.

YAHYA 11:33

Kareb Yésus nenier Mariam nangi', idi amung-amung lun Yahudi luk pebaya' neneh ineh pana' nangi', idi niatNeh nesigio idi Ieh mesusa' peh,

YAHYA 11:35

Yésus nangi'.

YAHYA 11:38

Idi niat Yésus nesigio teh. Idi Ieh iné' inan tanem. Idi tanem ineh bang lubang batu, idi aceh batu inau' ku kakebneh.

YAHYA 12:27

“Nekini niatKu mesusa'. Anunké luk belénKu? Miakké Ui pebala, ‘O Ama', ngado Negku ratnan kareb ini’? Na! Ngaceku ineh punneh Ui pangeh nacing inan kareb luk medereh ini.

YAHYA 13:18

“Ui pebala baken ratnan amung-amung muyuh; ngaceku Ui kali' idé lemulun luk pinili'Ku; iamo' bala bang Surat Allah ineh na miak na uen ngacing, ieh ineh, ‘Lemulun luk kuman pad-pad denganKu ineh sikal metueh rat Negku.’

YAHYA 13:2

Yésus idi anak-anak sekola'Neh kuman malem. Iblis paneh nemili' Yudas Iskariot, anak Simun ineh, pad ieh masui Yésus.

YAHYA 13:22

Anak-anak sekola' ineh melingo idi nenier seburur dengan seburur luk baken, ngaceku na ideh kali' idé luk bilaNeh ineh.

KEKAMEN RASUL-RASUL 17:16

Kareb Paulus nenganét ni Silas idi Timotius déi' Atina, idi niatneh mesusa' nenier bawang ineh mepanu' ku akang.

1 YAHYA 2:19

Lemulun ineh pangeh neremuat rat arang tau, ngaceku baken ideh rat netau; ngaceku kudeng ideh rat netau, kali' rungen ideh na miak na lutep pad-pad dengan tau. Iamo' ideh pangeh neremuat, pad megala' ratnan pundeh baken rat netau.