YAHYA 13:13 - BALA LUK DO'

¹³ Muyuh ini nawar Negku Guru idi Tuhan, idi matu bala muyuh ineh, ngaceku Ui ini Ieh.

YAHYA 13:13 Iomraidhean Croise

YEREMIA 1:12

Idi kebala Tuhan negku, “Matu balamu, idi Ui matar pad balaKu mangun.”

MATIUS 20:28

mepad kudeng Anak-Lemulun pana' na Ieh nacing pad Ieh miak uen ngasa', iamo' pad Ieh miak ngasa' idi maré ulunNeh mangun ku uli' kuan amung-amung lemulun.”

LUKAS 10:28

Idi kebala Yésus neneh, “Matu balamu ineh. Nganau' kudeng ini, idi kali' rungen iko miak mulun.”

LUKAS 6:46

“Ngudehké muyuh nawar Negku, ‘Tuhan, Tuhan,’ iamo' na muyuh maya' luk bilaKu?

LUKAS 7:43

Idi kebala Simun, “Ui ngerawé lemulun luk pinuit ratnan baleh luk meluun ula'.” Idi kebala Yésus neneh, “Matu terawému ineh.”

YAHYA 11:2

Mariam ineh luk nengumau Yésus ku umau luk do' buen, idi luk nemiid kukudNeh ku abpukneh. Idi Lasarus luk mét, ieh ineh kinanakneh.)

YAHYA 11:28

Pangeh Marta nepebala kudeng ini, idi ieh iné' nawar kinanakneh Mariam dengan ayen-ayen, keburi'neh, “Guru idi tungé', idi Ieh nawar namu.”

YAHYA 11:3

Idi dueh kinanakneh ineh nemaré bala kuan Yésus, kebala didueh, “O Tuhan, lemulun luk inanMu mawa ineh mét.”

1 KORINTUS 12:3

Petulu muyuh kali, idi seburur pana' luk kinuyut Roh Allah, na miak pebala, “Yésus ineh kidiman!” Idi seburur pana' na miak mala, “Yésus ineh Tuhan,” kudeng ieh na kinuyut Roh Meligan.

1 KORINTUS 8:6

iamo' kuan tau inan Sebuleng mo', ieh ineh Allah Taman, idi luk amung-amung rat Neneh mo' punneh, idi tau pana' kuanNeh, idi Tuhan pana' Sebuleng teh, ieh ineh Yésus Keristus, ngaceku luk amung-amung rat Neneh punneh, idi tau pana' mulun rat Neneh teh.

EPESUS 6:9

O lun luk kuan demulun ineh, do' muyuh nganau' kudeng ineh teh kuandeh, idi ugka' ratnan rangat buri' muyuh, idi ngerawé do'-do', Lun luk kuan nedeh idi luk kuan nemuyuh pana' idi déi' surga, idi Ieh na mili' ayu lemulun.

PILIPI 2:11

idi amung-amung dila' miak ngamo idi Yésus Keristus ineh Tuhan, kuan rayeh Allah, ieh ineh Taman.

PILIPI 3:8

Idi meluun teh, bang terawéku, luk amung-amung miak mangun ku rugi' kuanku ngaceku luk pelaba raga ini, ieh ineh pad ui miak miti Keristus Yésus Tuhanku. Idi ngaceku Keristus ui pangeh nenala' luk amung-amung. Idi amung-amung ineh ui mala mangun ku arap, pad Keristus mangun ku peruanku,

YAKUB 2:19

Manuké iko ku Allah ineh Sebuleng? Matu! Amung-amung ada' pana' manu teh, idi megegker ku tot.