YAHYA 13:10 - BALA LUK DO'

¹⁰ Kebala Yésus neneh, “Idé-idé luk pangeh nediu', amung bururneh pana' malét; lemulun ineh maru' kukudneh mo'. Amung muyuh pana' malét, iamo' sebuleng mo' luk na.” (

YAHYA 13:10 Iomraidhean Croise

LUN LUK MADA' 7:20

Seburur pana' nateh luun tana' ini luk megéi' nganau' luk matu dengan na tu-tu nganau' sala'.

NANI SELIMUN 4:7

O awaku, pelaba do' tagamu, idi luunmu na tupu pilat.

YEREMIA 50:20

Kareb ineh, na miak kali' sala' arang lun Israil, idi na luk dat arang lun Yahuda pana', ngaceku Ui miak maré do' kuan lemulun luk siménKu mulun. Ui ini Tuhan pangeh nepebala.”

UKUM 16:26

Idi lun luk nenguit amék deléi luk inusu ineh, do' ieh mupu' ayungneh idi diu', kareb nateh ieh semuet bang su luk inan nelupo ineh.

UKUM 16:28

Idi lemulun luk ngeseb ineh, do' ieh mupu' ayungneh idi diu' kareb nateh ieh semuet bang su luk inan nelupo ineh.

MATIUS 6:12

Maré do' ratnan amung sala' kai, mepad kudeng kai pangeh nemaré do' ratnan amung sala' dulun.

YAHYA 13:18

“Ui pebala baken ratnan amung-amung muyuh; ngaceku Ui kali' idé lemulun luk pinili'Ku; iamo' bala bang Surat Allah ineh na miak na uen ngacing, ieh ineh, ‘Lemulun luk kuman pad-pad denganKu ineh sikal metueh rat Negku.’

YAHYA 13:9

Idi keburi' Simun Pétrus Neneh, “O Tuhan, kudeng pieh kudeng ineh, aleg maru' kukudku sebuleng mo', iamo' do' maru' ticu' idi uluhku teh.”

YAHYA 15:3

Muyuh ini kali' rungen malét ngaceku bala luk bilaKu nemuyuh.

2 KORINTUS 5:17

Kareb selemulun mulun bang Keristus, idi ieh ineh aceh pudut luk mebaruh, idi amung-amung luk mon ineh pangeh tila', idi amung-amung luk mebaruh pangeh nacing.

2 KORINTUS 5:21

Keristus na mesala', iamo' Allah nenganau' Neneh mangun ku sala' ngaceku tau, pad tau ini ruen Allah matu bang Keristus ineh.

2 KORINTUS 7:1

Amung ini pangeh biré kuan tau, O lun rurumku. Ngaceku ineh do' tau ngeligan burur tau ratnan amung luk ngelutak burur idi niat, idi ngeriput ligan tau dengan matot inan Allah.

1 TESALONIKA 5:23

Idi do' Allah, luk lawa awang ineh, ngeligan nemuyuh dengan petap; idi do' roh idi ulun idi burur muyuh uen ngasa' dengan petap idi na mesala', kareb acing Tuhan tau Yésus Keristus.

IBERANI 9:10

Amung-amung ineh petulu dengan akan, luk rupen, idi tuda'-tuda' baru', idi mangun ku ukum maya' ayu burur mo', luk inau' kuan lemulun pad macing nan kareb amung-amung ineh miak uen ngeriput teh.

YAKUB 3:2

Amung-amung tau megéi' mepesala' ku bala tau. Kudeng seburur lemulun na mepesala' ku balaneh, ieh ineh selemulun luk meriput idi luk miak ngimet amung bururneh.