YAHYA 13:1 - BALA LUK DO'

¹ Bang aco luk atun ratnan Irau Paska ineh, idi Yésus nekali' ratnan karebNeh pangeh nacing luk inanNeh necan tana' ini amé' inan Taman. Ieh pangeh mawa inan uang tana' ini, idi Ieh mawa nedeh macing kekipedneh.

YAHYA 13:1 Iomraidhean Croise

BALE' 8:31

Ui mawang niat ku tana' ini idi ku lemulun pana'.

YEREMIA 31:3

idi Ui nesilagan kuandeh rat mado. O muyuh lun Israil, Ui megéi' mawa nemuyuh pad Ui megéi' ngegala' éi'Ku.

MATIUS 26:45

Idi Ieh iné' matun anak-anak sekola'Neh, idi keburi'Neh nedeh, “Do' muyuh rudap nekini idi ngato erur muyuh. Siruh, karebneh malé macing idi Anak-Lemulun miak barén bang palad lun mesala'.

MATIUS 28:20

Idi mada' nedeh pad ideh maya' amung-amung bala luk icukKu nemuyuh. Idi Ui ngedengan nemuyuh ruked-ruked pad macing kekipedneh.”

LUKAS 22:53

Anid-anid aco Ui idi arang muyuh bang Ruma' Allah, idi nateh muyuh pian ngakem Negku, iamo' ini karebneh muyuh ngakem kareb lalud dacem ngimet.”

LUKAS 9:51

Kareb Yésus malé uen ngikit amé' surga, idi Ieh nenalan petacu iné' Yerusalim.

YAHYA 11:55

Idi Irau Paska lun Yahudi pangeh muneng, idi mula' lemulun rat bawang ineh iné' Yerusalim, pad ideh uen ngeligan kareb nateh irau ineh.

YAHYA 12:23

Idi kebala Yésus nedeh, “Tarekneh pangeh nacing kareb Anak-Lemulun miak uen ngerayeh.

YAHYA 13:29

Ngaceku Yudas ineh ngimet usin, inan luk ngerawé Yésus nepebala neneh, “Do' tau melih anun-anun luk pian tau kuan irau,” kian, pad ieh maré kuan lun masi' lek.

YAHYA 13:3

Yésus kali' idi TamanNeh pangeh nemaré luk amung-amung bang paladNeh, idi teh Ieh kali' Ieh nacing ratnan Allah idi muli' amé' inan Allah.

YAHYA 13:34

Aceh ukum luk mebaruh Ui maré kuan muyuh, ieh ineh, do' muyuh mawa seburur inan seburur mepad kudeng Ui pangeh mawa nemuyuh, pad muyuh pana' mawa seburur inan seburur.

YAHYA 14:28

Muyuh pangeh neninger balaKu nemuyuh, ‘Ui amé' idi Ui sikal lemubed kuan muyuh.’ Kudeng muyuh mawa Negku, kali' rungen muyuh mawang niat ngaceku Ui amé' inan Taman, ngaceku TamanKu meluun rayeh rat Negku.

YAHYA 14:31

Ui nganau' teh mepad kudeng luk icuk Taman kuanKu, pad uang tana' ini miak kali' idi Ui mawa inan Taman. “Tumui muyuh, do' tau nalan rat ieni.

YAHYA 16:28

Ui nacing ratnan Taman, idi nesemuet bang tana' ini; iamo' nekini Ui sikal necan tana' ini teh idi amé' inan Taman.”

YAHYA 17:1

Pangeh Yésus nepebala, idi Ieh netengook déi' langit, kebalaNeh, “O Ama' karebneh pangeh macing. Ngegala' rayeh AnakMu, pad AnakMu pana' miak ngegala' rayehMu.

YAHYA 17:16

Mepad kudeng Ui ini baken ratnan tana' ini, ideh pana' baken ratnan tana' ini.

YAHYA 17:26

Ui nengegala' Namu kuandeh, idi Ui sikal ngegala' Namu teh, pad awa luk mepad kudeng awaMu kuanKu ineh, lutep bang nedeh, idi Ui pana' lutep bang nedeh teh.”

YAHYA 17:5

Idi nekini, O Ama', ngerayeh Negku pa kiungMu sebuleng dengan rayeh luk Ui nekali' pa kiungMu kareb nateh tana' ini pinudut.

YAHYA 18:4

Idi Yésus luk nekali' amung-amung luk miak mangun kuanNeh, neremuat idi nepebala nedeh, “Idéké luk tekapen muyuh?”

YAHYA 19:28

Pangeh neh Yésus nekali' idi amung-amung pangeh riniput, idi Ieh nepebala, “Ui meparing,” pad ngacing bala bang Surat Allah ineh.

YAHYA 2:13

Kareb aco rayeh Irau Paska lun Yahudi pangeh muneng, idi Yésus iné' Yerusalim.

YAHYA 6:4

Irau Paska lun Yahudi pangeh muneng,

YAHYA 7:30

Di lun rayeh lun Yahudi nenakap dalan sikal ngakem Neneh, iamo' seburur pana' na mekuu' ngakem Neneh, ngaceku tarekNeh nateh nacing.

YAHYA 7:6

Idi kebala Yésus nedeh, “KarebKu ngegala' rayehKu nateh nacing; iamo' kareb muyuh ineh idi kidi-kidi.

YAHYA 8:20

Amung bala ini bilaNeh kareb Ieh mada' bang Ruma' Allah, muneng ku su luk inan nganug usin. Idi seburur pana' na nengakem Neneh, ngaceku tarekNeh nateh nacing.

SURAT LUK BIRE PAULUS KUAN LUN RUM 8:37

Na, iamo bang amung-amung ini tau meluun tueh ngaceku Ieh luk mawa netau.

1 KORINTUS 1:8

Ieh sikal nganau' nemuyuh lutep macing kekipedneh, pad muyuh na mesala' kareb Aco Tuhan tau Yésus Keristus.

IBERANI 3:14

Ngaceku tau pangeh nengalap babpat bang Keristus kudeng tau ngimet meraben rapet luk pun-pun ineh pad macing kekipedneh.

IBERANI 3:6

Iamo' Keristus ineh lutep ngaceku Ieh Anak luk ngimet ruma' Allah. Tau ini uang ruma' Allah ineh, kudeng tau lutep bang kuu' idi rapet tau, pad macing kekipedneh.

IBERANI 6:11

Kai rayeh rapet pad anid-anid burur muyuh mekél macing kekipedneh, pad amung-amung luk inan muyuh merapet miak mangun.

1 PETRUS 1:13

Ngaceku ineh do' terawé muyuh metadem, idi do' muyuh ngerawé, idi merapet tu-tu inan peruan luk miak macing kuan muyuh kareb Yésus Keristus uen ngegala'.

1 YAHYA 4:19

Tau mawa ngaceku Allah pun-pun mawa netau.

BALA LUK LINIO 1:5

idi ratnan Yésus Keristus, Lun Nekali' luk lutep maya' jani' ineh, ieh ineh Anak luk atun luk tinui rat arang lun naté, idi luk mangun ku raca' pa luun amung-amung raca' bang tana' ini. Ieh mawa netau, idi dengan dara'Neh Ieh nemuit netau ratnan amung-amung sala'tau.