YAHYA 12:6 - BALA LUK DO'

⁶ Ieh nepebala kudeng ineh, baken ngaceku ieh méi' nelun masi', iamo' ngaceku ieh lun mano, idi ieh luk ngimet tabpung idi ngalap usin luk tinipa bang tabpung ineh.

YAHYA 12:6 Iomraidhean Croise

NANI UBUR 14:1

Lun luk mebacé pebala bang niatdeh, “Na luk idi Allah.” Amung-amungdeh na mesiri, idi ideh nenganau' luk pelaba dat; seburur pana' nateh luk nganau' luk do'.

BALE' 29:7

Lemulun luk matu kali' ratnan ulun lun luk masi', iamo' lemulun luk dat na mileh ngerawé luk kudeng ineh.

YEHISKIEL 33:31

Idi pupuKu mepamung pian ninger balamu, iamo' na ideh maya' luk belénmu nedeh. Ideh ngubur balamu, iamo' ideh pian ngalap usin mo'.

MATIUS 21:13

kebalaNeh nedeh, “Pangeh inayud bang Surat Allah, ‘Ruma'Ku tetanen ruma' luk inan sembayang,’ iamo' muyuh nganau' ineh mangun ku su luk inan lun mano.”

LUKAS 8:3

idi teh Yohana awan Kusa lun luk ngasa' binaweh Herodés, Susana, idi mula' decur baken teh luk nengasa' Yésus idi anak-anak sekola'Neh ku binawehdeh sebuleng.

YAHYA 10:13

Idi lun tebarin ineh buro ngaceku ieh kali' rungen lun tebarin mo', idi na ieh méi' inan dumba ineh.

YAHYA 12:5

“Ngudehké umau ini na pisuen dengan raga teluh ngeratu rigit, idi usin ineh barén kuan lun masi'?”

YAHYA 13:29

Ngaceku Yudas ineh ngimet usin, inan luk ngerawé Yésus nepebala neneh, “Do' tau melih anun-anun luk pian tau kuan irau,” kian, pad ieh maré kuan lun masi' lek.

1 KORINTUS 6:10

lun mano, lun luk melili, lun mabuk, lun luk ngedat, idi lun muyok — na miak ngalap babpat bang Imet Allah!

GALATIA 2:10

Iamo' ideh pian nekai ngerawé nelun masi' arangdeh, idi ini luk ui geregan tu-tu nganau'.

1 TESALONIKA 5:22

ngado burur muyuh ratnan amung-amung ayu luk dat.

YAKUB 2:2

Pinginudneh, seburur lemulun semuet bang tebubpun muyuh luk inan susing amas idi ayung luk meraga, idi teh seburur lun masi' semuet luk nengayung ku kibung luk medarak.

YAKUB 2:6

Iamo' muyuh ini ngebeneh nelun masi'. Bakenké lun do' luk ngedereh nemuyuh, idi luk ngeruid nemuyuh amé' matun besara'?