Biblia Todo Logo
Bìoball air-loidhne

- Sanasan -




YAHYA 12:16 - BALA LUK DO'

16 Kareb ineh anak-anak sekola'Neh na kali' ilung bala ineh. Iamo' kareb Yésus pangeh rinayeh, idi ideh nengerawé ratnan luk pangeh inayud ratnan Ieh, idi teh ideh pangeh nenganau' ini kuanNeh.

Faic an caibideil Dèan lethbhreac




YAHYA 12:16
19 Iomraidhean Croise  

Kareb Tuhan Yésus pangeh nepebala nedeh, idi Ieh nekemikit iné' surga idi netudo pa tinueh Allah.


Iamo' na ideh kali' ilung bala ini, idi ideh matot ngitun Neneh teh.


Iamo' na ideh kali' sesuut pana' ilungneh; idi bala ini inalum rat nedeh, na ideh kali' ratnan luk pangeh bila Yésus ineh.


Idi Yésus nepebala nedidueh, “O lemulun luk mebacé. Muyuh mulai maya' amung-amung bala nabi-nabi ineh!


Idi Ieh nengukab terawédeh pad ideh kali' ilung bala Surat Allah ineh,


Iamo' ideh na kali' ilung bala ineh. Ilungneh inalum rat nedeh, pad ideh na kali'. Idi ideh matot ngitun Neneh ratnan ineh.


Idi kebala Yésus nedeh, “Tarekneh pangeh nacing kareb Anak-Lemulun miak uen ngerayeh.


Iamo' Lun Ngedengan ineh, ieh ineh Roh Meligan, luk uen Taman ngecuk bang ngadanKu, Ieh luk miak mada' luk amung-amung kuan muyuh. Idi Ieh ngedengan nemuyuh pad muyuh ngerawé amung-amung luk pangeh bilaKu nemuyuh.


Iamo' Ui pangeh nemala amung ini kuan muyuh, pad kareb ini macing muyuh miak ngerawé, idi amung ineh pangeh bilaKu nemuyuh. “Idi na Ui mala amung-amung ini kuan muyuh rat pun-pun, ngaceku Ui tudo dengan muyuh.


Idi nekini, O Ama', ngerayeh Negku pa kiungMu sebuleng dengan rayeh luk Ui nekali' pa kiungMu kareb nateh tana' ini pinudut.


Kareb Yésus tinui rat arang lun naté, idi anak-anak sekola'Neh nengerawé ratnan luk bilaNeh ineh. Idi ideh manu ku Surat Allah idi bala Yésus pana'.


Ieh nemala ini ratnan Roh luk miak lapen amung-amung lemulun luk manu Neneh. Ngaceku kareb ineh nateh Roh Meligan biré, ngaceku Yésus nateh rinayeh.)


Ieh pangeh kinikit, pad tudo pa tinueh Allah, idi Ieh nengalap rat Neneh Roh Meligan, idi inutangNeh Roh ineh maya' kudeng jani' TamanNeh, idi luk sinier muyuh idi luk pindenger muyuh nekini, ieh ineh baréNeh luk inutangNeh kuan kai.


“Ngaceku ineh do' amung-amung lun Israil kali' dengan megala' ratnan Allah pangeh nenganau' Yésus luk sinalib muyuh ineh mangun ku Tuhan idi Keristus.”


Ngaceku Tuhan Ibrahim, Isak, idi Yakub, ieh ineh Tuhan tepun tau, nengerayeh DemulunNeh Yésus luk biré bang palad lun rayeh muyuh idi luk tila' muyuh pa kiung Pilatus kareb ieh sikal muit Neneh.


Do' tau nier Yésus, luk nenganau' idi luk neriput anu tau. Ieh pana' ngaceku awang luk litep kuanNeh pangeh netuman ratnan dereh salib, dengan na ngerawé igu'Neh, idi Ieh tudo pa tinueh kerusi Allah.


Idi ini luk belén kai: idi tau inan sebuleng Imam Rayeh luk kudeng ineh, luk tudo pa tinueh kerusi Luk Meluun Rayeh déi' surga,


Lean sinn:

Sanasan


Sanasan