YAHYA 11:5 - BALA LUK DO'

⁵ Iamo' Yésus mawa inan Marta, idi kinanakneh luk decur, idi Lasarus ineh.

YAHYA 11:5 Iomraidhean Croise

LUKAS 10:38

Kareb ideh nenalan, Yésus nesemuet bang aceh bawang; déi inan seburur decur luk ngadanneh Marta nenawar Neneh umak bang ruma'.

LUKAS 10:40

Marta ineh megagau ku mula' kekamen bang ruma' ineh; idi ieh iné' matun Yésus idi kebalaneh, “O Tuhan, naké Iko ngerawé ratnan kinanakku nima' negku ngakem sebuleng mo'? Ngecuk neneh ngeruyung negku.”

LUKAS 10:41

Idi kebala Tuhan neneh, “Marta, Marta, iko mesusa' idi merapang ratnan mula' kekamen;

YAHYA 11:1

Inan selemulun luk mét, ngadanneh Lasarus, lun Baitani, ieh ineh bawang Mariam idi kinanakneh Marta. (

YAHYA 11:3

Idi dueh kinanakneh ineh nemaré bala kuan Yésus, kebala didueh, “O Tuhan, lemulun luk inanMu mawa ineh mét.”

YAHYA 11:36

Idi kebala lun Yahudi ineh, “Siruh, kudeng apeh Ieh mawa neneh!”

YAHYA 11:6

Kareb Ieh neninger ratnan Lasarus ineh mét, idi Ieh netudo dueh aco su ineh teh.

YAHYA 11:8

Idi kebala anak-anak sekola'Neh, “O Guru, ina lun Yahudi nakap dalan sikal mitung Namu, idi nekini Iko sikal lemubed amé' déi' teh?”

YAHYA 16:27

ngaceku Taman sebuleng mawa nemuyuh, ngaceku muyuh ini mawa Negku, idi ngaceku muyuh pangeh manu idi Ui ini nacing ratnan Taman.

YAHYA 17:26

Ui nengegala' Namu kuandeh, idi Ui sikal ngegala' Namu teh, pad awa luk mepad kudeng awaMu kuanKu ineh, lutep bang nedeh, idi Ui pana' lutep bang nedeh teh.”