YAHYA 11:11 - BALA LUK DO'

¹¹ Yésus nepebala kudeng ini, idi teh keburi'Neh nedeh, “Lun rurum tau Lasarus pangeh nerudap, iamo' Ui amé' nui neneh.”

YAHYA 11:11 Iomraidhean Croise

RACA'-RACA' LUK KEDUEH 4:31

Idi Gehasi ineh nenalan atun rat nedidueh. Idi ieh nengerareng rukud ineh luun anak ineh. Iamo' bala pana' nateh. Idi na anak ineh nesigio. Idi ieh nelemubed iné' papu' ni Elisa, kebalaneh, “Na anak ineh sigio peh.”

INUL LUK KEDUEH 20:7

Iko ineh Allah kai, Iko luk pangeh nengusu amung lun bang bawang ini rat pa kiung pupuMu lun Israil. Idi pangeh Iko nemaré bawang ini kuan inul Ibrahim luk rurumMu macing ruked-ruked.

PURA' 33:11

Idi Tuhan pegayam ni Musa dengan papu' kiung, mepad kudeng selemulun pegayam nelun denganneh. Pangeh ineh idi Musa lemubed su luk inandeh nelupo. Iamo' Yusak Nun anak adi' luk ngedengan neneh, na remuat rat bang Lepo ineh.

YESAYA 41:8

“Iamo' iko demulunKu Israil, pupu luk pinili'Ku idi inul rurumKu Ibrahim.

DANIEL 12:2

Mula' lemulun luk pangeh naré miak tumui baruh. Sebuangdeh miak mulun ruked-ruked, idi sebuangdeh miak ngalap igu' luk meruked.

MATIUS 27:52

Idi tanem-tanem mukab teh; idi mula' butung lun luk meligan luk pangeh naté netumui.

MATIUS 9:24

idi kebalaNeh, “Buro muyuh, anak ini na naté, ieh rudap mo'.” Idi ideh meriruh idi nesitunga Neneh.

MARKUS 5:39

Kareb Ieh numak idi kebalaNeh nedeh, “Ngudeh muyuh megagau idi nangi'? Na anak ini naté, iamo' ieh rudap.”

YAHYA 11:10

Iamo' kudeng ieh nalan kareb medacem, kali' rungen ieh matuk, ngaceku acang ineh na idi bang neneh.”

YAHYA 11:12

Idi keburi' anak-anak sekola'Neh, “O Tuhan, kudeng ieh rudap, miak ieh do' lek.”

YAHYA 11:13

Iamo' ilung bala Yésus, Lasarus pangeh naté. Iamo' ideh nengerawé Yésus pebala ratnan Lasarus rudap mo'.

YAHYA 11:3

Idi dueh kinanakneh ineh nemaré bala kuan Yésus, kebala didueh, “O Tuhan, lemulun luk inanMu mawa ineh mét.”

YAHYA 3:29

Deléi luk sikal ngaweh, ieh kuan decur ineh; idi lun rurum deléi luk sikal ngaweh ineh tuped iringneh, idi ieh pelaba awang niat ninger bala deléi ineh. Kudeng ineh teh ui ini nekini pelaba awang niat. Idi awangku meriput.

KEKAMEN RASUL-RASUL 7:60

Idi ieh netekeradung idi nengitang, “O Tuhan, aleg ngukum nedeh ngaceku sala' ini.” Idi pangeh ieh nepebala kudeng ini, idi ieh naté peh.

1 KORINTUS 15:18

Idi teh ilungneh, lun manu luk pangeh naté bang Keristus ineh pana' na ngalap ulun.

1 KORINTUS 15:34

Do' muyuh kulat dengan matu idi aleg nganau' sala'; ngaceku inan tuda'-tuda' lemulun luk na ngiti Allah. Ui mala ini, pad muyuh kali' migu'.

1 KORINTUS 15:51

Ngerawé do'-do' ratnan luk inalum ini: baken amung-amung tau ini miak maté, amung-amung tau miak uen ngisu',

EPESUS 5:14

Ngaceku anun-anun luk ginala' bang acang, ieh ineh macang. Ini punneh Tuhan pebala, “Kulat, O iko luk rudap, idi tumui rat arang lun naté! Idi Keristus macang luunmu.”

BADA' RATNAN UKUM 31:16

Kebala Tuhan ni Musa, “Iko malé maté. Idi pupu ini miak meraruh idi nakap allah pupu baken bang bawang luk ulek muyuh nekini. Idi ideh miak necan Negku idi ngelaba pejani'Ku nedeh.

1 TESALONIKA 5:10

luk naté ngaceku tau, pad kareb tau mulun idi maté pana', tau mulun pad-pad denganNeh.

YAKUB 2:23

Ratnan luk kudeng ineh ayat bang Surat Allah pangeh nacing, luk pebala, “Ibrahim pangeh manu inan Allah, idi ineh luk iniap kuanneh mangun ku luk matu.” Idi ieh teh bila mangun ku lun rurum Allah.