YAHYA 10:4 - BALA LUK DO'

⁴ Kareb ieh pangeh nengeruat dumbaneh ineh, idi ieh nalan pa atundeh, idi dumba-dumba ineh maya' neneh, ngaceku ideh miti uni tangneh.

YAHYA 10:4 Iomraidhean Croise

NANI SELIMUN 2:8

Ui ninger uni tang awaku. Ieh upun maya' luun pegkung amé' papu' negku.

NANI SELIMUN 5:2

Karebku rudap, lalidku kulat, idi ui neninger awaku nateg tanga'. Nima' negku semuet, O awaku, idi sukurku luk pelaba do'. Uluhku neba' ku ipup idi ku udan puré.

MATIUS 16:24

Idi kebala Yésus kuan anak-anak sekola'Neh, “Idé-idé luk sikal maya' Negku, do' ieh na ngerawé bururneh sebuleng, iamo' maan salibneh idi maya' Negku.

YAHYA 10:16

Inan teh dumbaKu luk baken luk na semuet bang libung dumba ini; idi amung-amung ini pana' Ui miak nguit, idi dumba-dumba ineh miak ninger uni tangKu, idi miak mangun ku aceh sengeriudan idi Lun Matar ineh pana' sebuleng mo'.

YAHYA 10:27

Dumba-dumbaKu ninger uni tangKu, idi Ui miti nedeh, idi ideh maya' Negku.

YAHYA 10:3

Lun luk matar tanga' ngukab tanga' kuanneh, idi dumba-dumba ineh ninger uni tangneh, idi ieh nawar ngadan anid-anid dumbaneh, idi nenguit nedeh remuat.

YAHYA 10:5

Na tu-tu ideh sikal maya' nelun baken, iamo' ideh buro rat neneh, ngaceku na ideh miti uni tang lun baken.”

YAHYA 10:8

Amung-amung lemulun luk nacing atun rat Negku, ieh ineh lemulun luk mano idi lun ngaro, iamo' dumba ineh na ninger baladeh.

YAHYA 12:26

Idé-idé luk pian ngakem kuanKu, do' ieh maya' Negku, pad demulunKu idi dengaKu iapeh-iapeh pana' Ui idi. Idi TamanKu miak ngedita' lemulun luk ngakem kuanKu.

YAHYA 13:15

Ui pangeh nemaré luk pinginud kuan muyuh, pad muyuh pana' nganau' mepad kudeng Ui nganau' kuan muyuh.

YAHYA 18:37

Idi keburi' Pilatus Neneh, “Iko pana' seburur raca ké?” Idi kebala Yésus, “Matu kudeng buri'mu, Ui ini seburur raca' Ini punneh Ui pangeh tinganak, idi nacing bang tana' ini pad Ui maré kali' ratnan luk matu. Idé-idé luk geregan ku luk matu ineh, ieh luk ninger balaKu.”

YAHYA 3:29

Deléi luk sikal ngaweh, ieh kuan decur ineh; idi lun rurum deléi luk sikal ngaweh ineh tuped iringneh, idi ieh pelaba awang niat ninger bala deléi ineh. Kudeng ineh teh ui ini nekini pelaba awang niat. Idi awangku meriput.

1 KORINTUS 11:1

Do' muyuh maya' ulunku, kudeng ui pana' maya' ulun Keristus

EPESUS 5:1

Ngaceku muyuh ineh lun manu inan Allah mawa' do' muyuh nutun maya' ayuNeh.

BADA' RATNAN UKUM 1:30

Tuhan Allah muyuh luk nalan pa atun muyuh miak pebunu' libal muyuh, mepad kudeng luk inau'Neh kuan muyuh déi' bawang Masir,

IBERANI 12:2

Do' tau nier Yésus, luk nenganau' idi luk neriput anu tau. Ieh pana' ngaceku awang luk litep kuanNeh pangeh netuman ratnan dereh salib, dengan na ngerawé igu'Neh, idi Ieh tudo pa tinueh kerusi Allah.

IBERANI 6:20

su luk inan Yésus pangeh nesemuet ngaceku tau, mangun ku Luk Atun ineh, ngaceku Ieh pana' pangeh mangun ku Imam Rayeh ruked-ruked maya' adat Melkisedek.

1 PETRUS 2:21

Ngaceku muyuh pangeh tinawar kuan luk kudeng ini, ngaceku Keristus pangeh nemabeh dereh teh ngaceku muyuh, idi Ieh nenecan dalan kuan muyuh pad muyuh miak maya lawéNeh.

1 PETRUS 4:1

Ngaceku Keristus pangeh nengalap dereh bang burur lemulun, do' muyuh pana' ngayung ku niat luk mepad kudeng ineh teh; ngaceku lemulun luk ngalap dereh bang burur ineh, pangeh ugka' ratnan nganau' sala'.

1 PETRUS 5:3

Aleg muyuh mepad kudeng lun ngimet ukum kuan lemulun luk biré nemuyuh, iamo' do' muyuh mangun ku luk pinginud kuan sengeriudan dumba ineh.