YAHYA 10:3 - BALA LUK DO'

³ Lun luk matar tanga' ngukab tanga' kuanneh, idi dumba-dumba ineh ninger uni tangneh, idi ieh nawar ngadan anid-anid dumbaneh, idi nenguit nedeh remuat.

YAHYA 10:3 Iomraidhean Croise

NANI UBUR 80:1

Ninger nekai, O Lun Luk Matar pupu Israil, Iko nguyut pupuMu mepad kudeng dumba, Iko tudo luun kerusiMu arang melaikat karub,

PURA' 33:17

Idi kebala Tuhan ni Musa, “Kali' rungen Ui nganau' luk pinutuhmu ineh. Ngaceku Ui miti namu, idi Ui mawang niat namu.”

BALE' 27:23

Matar dumba idi sapi'mu do'-do',

NANI SELIMUN 8:13

O awaku, luk tudo bang kabunku, anunké luk pedingeren lun rurumku? Nima' negku ninger uni tangmu teh.

YESAYA 40:11

Ieh matar pupuNeh mepad kudeng lun luk matar dumba; Ieh ngamung anak dumbaNeh, idi ngabin nedeh; idi teh Ieh nguyut tinandeh ulai-ulai.

YESAYA 42:16

“Ui nguyut pupuKu luk mebuser, maya' dalan luk na nedalandeh. Ui ngisu' dacemdeh mangun ku acang, idi ngebalad tana' luk metekura'. Kali' rungen Ui nganau' luk kudeng ineh.

YAHYA 10:14

Ui ini Lun Matar luk Do'; idi Ui miti dumba-dumbaKu idi dumba-dumbaKu miti Negku teh,

YAHYA 10:16

Inan teh dumbaKu luk baken luk na semuet bang libung dumba ini; idi amung-amung ini pana' Ui miak nguit, idi dumba-dumba ineh miak ninger uni tangKu, idi miak mangun ku aceh sengeriudan idi Lun Matar ineh pana' sebuleng mo'.

YAHYA 10:4

Kareb ieh pangeh nengeruat dumbaneh ineh, idi ieh nalan pa atundeh, idi dumba-dumba ineh maya' neneh, ngaceku ideh miti uni tangneh.

YAHYA 10:9

Ui ini Tanga'. Kudeng idé lemulun semuet maya' Negku, ieh miak uen ngulun, idi ieh pana' remuat idi semuet idi ngalap akanneh.

YAHYA 6:37

Anid-anid lemulun luk barén Taman Negku miak amé' Negku, idi lemulun luk amé' Negku na tu-tu uenKu ngarung.

YAHYA 6:45

Pangeh inayud nabi-nabi, ‘Amung lemulun miak badén Allah.’ Idi anid-anid lemulun luk pangeh ninger bala Taman idi sibada' rat Neneh, ieh teh miak amé' Negku.

SURAT LUK BIRE PAULUS KUAN LUN RUM 8:30

Idi Allah nenawar lemulun luk litepNeh, idi lemulun luk tinawarNeh ineh, ideh inau'Neh matu peh, idi lemulun luk inau'Neh matu ineh, ideh rinayehNeh peh.

1 KORINTUS 16:9

ngaceku pangeh inukab kuanku tanga' luk rayeh kuan kekamen luk do' ulek, idi inan mula' luk sikal metueh déi'.

PILIPI 4:3

Meluun teh kuanmu pana', O lun denganku luk matu, ui mutuh namu ngedengan nedidueh luk decur ineh, luk pangeh pad-pad nerur denganku bang kekamen mada' Bala luk Do' pad-pad dengan Klemen teh, idi amung-amung lun denganku luk baken-baken teh, luk pangeh inayud ngadandeh bang surat ulun Allah.

KOLOSE 4:3

Idi sembayang kuan kai teh, pad Tuhan miak ngukab aceh tanga' kuan kai mada' bala Tuhan, ieh ineh luk inalum ratnan Keristus. Ngaceku ineh punneh ui ini kiling teh.

2 TIMOTIUS 2:19

Iamo' diri Allah luk lutep ineh meraben peh, idi kudeng ini etuneh; “idi Tuhan miti amung-amung pupuNeh,” idi teh, “Idé-idé luk neten ngadan Tuhan, do' ieh ngado bururneh ratnan luk dat.”

1 PETRUS 1:12

Idi kuan nabi-nabi ineh pangeh ginala' Allah, baken ideh ngakem kuan bururdeh sebuleng, iamo' kuan muyuh, bang luk amung-amung luk pangeh bida' kuan muyuh nekini lemaba nabi-nabi ineh luk tigio Roh Meligan luk paneh icuk macing rat surga pad ngacing Bala luk Do' kuan muyuh. Idi ratnan luk kudeng ineh melaikat-melaikat pana' sikal kali'.

1 YAHYA 4:6

Iamo' tau ini ratnan Allah, idi lemulun luk miti Allah ieh luk ninger bala tau. Idi lemulun luk baken ratnan Allah na ieh ninger bala tau. Ratnan luk kudeng ineh tau miak ngiti Roh luk matu, idi roh luk ngeraruh ineh.

3 YAHYA 1:14

Iamo' na mio teh ui meraept papu' namu, idi kiteh miak pegayam petutup.

BALA LUK LINIO 20:15

Kudeng idé-idé luk na luk idi ngadanneh inayud bang surat ulun ineh, idi ieh pana' tila' bang takung apui ineh.

BALA LUK LINIO 3:20

Siruh, Ui tuped munung tanga' idi nateg; kudeng idé luk ninger balaKu idi ngukab tanga', idi Ui miak semuet bang neneh, idi kuman denganneh, pad ieh pana' denganKu.

BALA LUK LINIO 7:17

Ngaceku Anak Dumba luk luun uned kerusi ineh miak mangun ku Lun Matar nedeh, idi nguit nedeh amé' inan bued abpa' luk mulun. Idi Allah pana' miak miid amung-amung abpa' mateh ratnan matehdeh ineh.”