YAHYA 10:18 - BALA LUK DO'

¹⁸ Seburur pana' na ngalap ulunKu rat Negku, iamo' Ui maré neneh maya' pianKu sebuleng. Ui melalud maré neneh idi melalud ngalap neneh lemubed teh. Ini lalud luk ilapKu ratnan TamanKu.”

YAHYA 10:18 Iomraidhean Croise

YAHYA 10:11

“Ui ini Lun Matar luk Do'; idi Lun Matar luk Do' ineh maré ulunNeh ku libal dumba-dumba ineh.

YAHYA 10:15

mepad kudeng Taman miti Negku, idi Ui pana' miti Taman; idi Ui maré' ulunKu ngaceku amung-amung dumba ineh.

YAHYA 10:17

“Taman mawa Negku, ngaceku Ui maré ulunKu pad Ui miak ngalap neneh lemubed teh.

YAHYA 14:31

Ui nganau' teh mepad kudeng luk icuk Taman kuanKu, pad uang tana' ini miak kali' idi Ui mawa inan Taman. “Tumui muyuh, do' tau nalan rat ieni.

YAHYA 15:10

Kudeng muyuh maya' ukum-ukumKu, kali' rungen muyuh miak lutep bang awaKu, mepad kudeng Ui pangeh nemaya' ukum-ukum TamanKu, idi nelutep bang awaNeh.

YAHYA 19:11

Idi kebala Yésus neneh, “Iko na melalud pa luunKu, kudeng na biré namu ratnan Allah. Ngaceku ineh lemulun luk nemaré Negku kuanmu meluun rayeh sala'.”

YAHYA 5:26

Mepad kudeng Taman ineh lawa ulun, kudeng ineh teh Ieh nemaré kuan AnakNeh mangun ku lawa ulun teh.

YAHYA 5:30

“UI na miak nganau' anun-anun maya' pianKu sebuleng. Ui ngukum lemulun maya' kudeng luk uen Allah ngeletep, idi ukumKu ineh matu; ngaceku na Ui maya' pianKu sebuleng, iamo' pianNeh luk nengecuk Negku.

YAHYA 6:38

Ngaceku Ui netemurun rat surga, pad nganau' pianNeh luk nengecuk Negku, baken maya' pianKu sebuleng.

KEKAMEN RASUL-RASUL 2:24

Idi Yésus ineh tinui Allah idi pinuitNeh ratnan dereh até, ngaceku até na miak ngimet Neneh.

KEKAMEN RASUL-RASUL 2:32

Idi Yésus ini luk tinui Allah ratnan até, idi amung tau mangun ku lun nekali' Neneh.

KEKAMEN RASUL-RASUL 3:15

Idi muyuh nengaté Lawa Ulun, iamo' Allah nenui Neneh rat arang lun naté, idi kai mangun ku lun nekali' ratnan amung ineh.

TITUS 2:14

Ieh nemaré bururNeh ngaceku tau, pad Ieh nguli' netau ratnan amung-amung kekamen luk dat, pad Ieh ngeligan kuan bururNeh, aceh pupu mangun ku binawehNeh sebuleng, luk mekél nganau' luk do'.

IBERANI 2:9

Iamo' tau nier Yésus luk segageh inau' sesuut beneh ratnan melaikat ineh, pad dengan katu Allah Ieh miak maté kuan amung lemulun. Tau nier Neneh nekini dengan pata rayeh idi dita' ngaceku até luk pangeh binabehNeh.