YAHYA 10:16 - BALA LUK DO'

¹⁶ Inan teh dumbaKu luk baken luk na semuet bang libung dumba ini; idi amung-amung ini pana' Ui miak nguit, idi dumba-dumba ineh miak ninger uni tangKu, idi miak mangun ku aceh sengeriudan idi Lun Matar ineh pana' sebuleng mo'.

YAHYA 10:16 Iomraidhean Croise

PUDUT 49:10

Idi lalud ngimet na miak buro rat ni Yahuda. Idi rukud imet raca' na buro rat neneh, pad Ieh luk kuan rukud ineh miak macing. Idi amung-amung pupu miak maya' Neneh.

NANI UBUR 86:9

Amung pupu luk inau'Mu miak macing tekeradung Namu, ideh miak ngubur rayehMu,

LUN LUK MADA' 12:11

Bala lemulun luk mileh mepad kudeng rukud lun luk matar dumba luk metadem. Ideh pangeh biré Allah luk mangun ku Lun luk Matar netau amung.

YESAYA 11:10

Kareb ineh raca' luk mebaruh ratnan inul Daud ineh mangun ku tanu' kuan amung pupu. Ideh miak mepamung bang bawang raca' idi maré ubur Neneh.

YESAYA 43:6

Ui ngecuk pa tinueh busat aco muit nedeh, idi ngecuk pa kabing busat aco na ngimet nedeh. Nima' pupuKu muli' rat bawang luk mado, rat aput-aput tana' pana'.

YESAYA 49:6

Kebala Tuhan Negku, “O DemulunKu, Ui inan kekamen luk meluun rayeh kuanMu. Baken Iko nguli' pupu Yakub, idi inul Israil mo'. Iamo' Ui nganau' Namu ku acang amung pupu, pelé Iko ngacing ulun bang aput tana'.”

YESAYA 52:10

Tuhan nengulun pupuNeh ku laludNeh luk meligan, pad kali' aput tana'.

YESAYA 56:8

Tuhan Allah luk nenguit pupuNeh Israil luk tiban muli' pangeh nepejani' nguit pupu baken pad perurum nedeh.

YEHISKIEL 34:12

mepad kudeng lun matar ngasa' dumbaneh luk pangeh nepatad idi teh luk mepamung. Ui nguit nedeh muli' rat su lukinandeh nepatad kareb aco susa' luk medacem ineh.

YEHISKIEL 34:23

Ui maré kuandeh demulunKu Daud ku Lun Matar nedeh, idi Ieh miak ngasa' nedeh.

YEHISKIEL 34:6

Idi dumbaKu neraruh luun surud luk medita' idi luun pegkung pana'. Ideh nepatad aput tana' ini, idi seburur pana' nateh luk nenakap nedeh.

YEHISKIEL 37:22

Ui nganau' nedeh mangun ku sebuleng pupu bang bawang luk luun pegkung Israil. Sebuleng raca' miak ngimet nedeh, pad ideh na mangun ku dueh imet.

YEHISKIEL 37:24

DemulunKu Daud mangun ku raca'deh idi sebuleng Lun Matar miak ngimet nedeh, idi ideh miak maya' ukumKu.

HOSIA 1:10

Lun Israil miak mepad kudeng bada déi' tangeb abpa' rayeh, ieh ineh na mekiap. Pangeh bila nedeh, “Muyuh ini baken pupuKu,” iamo' muci bala ini miak belén nedeh, “Muyuh ini anak-anak Allah lun mulun!”

SEKARIA 2:11

Idi bang kareb ineh mula' pupu miak amé' inan Tuhan idi mangun ku pupuNeh. Ieh miak tudo arang muyuh, idi muyuh miak kali' Tuhan luk nengecuk negku amé' nemuyuh.

MATIUS 17:5

Idi uned ieh pebala, inan aceh laput luk merasat iné' ngelungung nedeh; idi inan aceh tang rat bang laput ineh luk nepebala, “Ini AnakKu luk inanKu mawa; idi Ui mawang niat Neneh; do' muyuh ninger balaNeh.”

LUKAS 15:8

“Kudeng seburur decur inan pulu' balad pirak, idi sebalad metutu', anunké luk ruenneh? Ieh nutud lapung idi ngapuh ruma'neh idi nakap do'-do' pad macing ieh ngalap ineh?

YAHYA 10:11

“Ui ini Lun Matar luk Do'; idi Lun Matar luk Do' ineh maré ulunNeh ku libal dumba-dumba ineh.

YAHYA 10:2

Lemulun luk semuet maya' tanga' ineh, ieh ineh lun luk matar dumba.

YAHYA 10:27

Dumba-dumbaKu ninger uni tangKu, idi Ui miti nedeh, idi ideh maya' Negku.

YAHYA 10:3

Lun luk matar tanga' ngukab tanga' kuanneh, idi dumba-dumba ineh ninger uni tangneh, idi ieh nawar ngadan anid-anid dumbaneh, idi nenguit nedeh remuat.

YAHYA 10:4

Kareb ieh pangeh nengeruat dumbaneh ineh, idi ieh nalan pa atundeh, idi dumba-dumba ineh maya' neneh, ngaceku ideh miti uni tangneh.

YAHYA 10:5

Na tu-tu ideh sikal maya' nelun baken, iamo' ideh buro rat neneh, ngaceku na ideh miti uni tang lun baken.”

YAHYA 11:52

idi baken ku libal pupu ineh mo', iamo' pad amung-amung anak Allah luk mepatad-patad ineh pana' uenNeh ngamung mangun ku sebuleng.

YAHYA 17:20

“Ui mutuh baken kuandeh mo', iamo' kuan idé-idé pana' luk manu Negku ngaceku ratnan bada'deh.

YAHYA 6:37

Anid-anid lemulun luk barén Taman Negku miak amé' Negku, idi lemulun luk amé' Negku na tu-tu uenKu ngarung.

KEKAMEN RASUL-RASUL 15:14

Simun pangeh nemada' ratnan kudeng apeh Allah pun-pun nengikak nelun pupu baken, idi nemili' rat nedeh aceh pupu kuanNeh.

KEKAMEN RASUL-RASUL 18:10

Ngaceku Ui idi denganmu, idi seburur lemulun pana' nateh luk miak ngakem namu pad ngedereh namu; ngaceku mula' pupuKu bang bawang ini.”

KEKAMEN RASUL-RASUL 22:14

Idi kebalaneh, ‘Allah tepun tau pangeh nemili' namu atun, pelé iko kali pianNeh, idi miak nier Luk Matu ineh idi ninger bala rat bang tangNeh.

SURAT LUK BIRE PAULUS KUAN LUN RUM 11:25

Inan luk inalum, O kinanak-kinanakku, luk ui pian muyuh kali', pad muyuh na ngerawé burur muyuh mileh, ieh ineh, tueh niat lun Israil na meruked, pad kinula' lun pupu baken luk amé' nan Allah petap.

2 TESALONIKA 2:13

Iamo' do' kai ini megéi maré ubur kuan Allah ngaceku muyuh, O kinanak-kinanankku luk inan Tuhan mawa. Ngaceku muyuh pangeh pinili' Allah rat pun-pun pad uen ngulun, ngaceku muyuh linigan bang Roh, idi muyuh manu ku luk matu.

IBERANI 13:20

Allah pangeh nenui Tuhan tau Yésus Keristus ratnan até. Ngaceku dara'Neh, nekini Ieh mangun ku Lun Matar Dumba luk Rayeh. Idi dengan dara'Neh ineh pejani' luk meruked ineh pangeh itu.

1 PETRUS 2:10

Atun muyuh baken pupu Allah, iamo' nekini muyuh mangun ku pupu Allah. Atun muyuh na kali' éi' Allah, iamo' nekini muyuh pangeh nengalap éi'Neh.

1 PETRUS 2:25

Atun muyuh neraruh mepad kudeng dumba, iamo' nekini muyuh pangeh lemubed inan Lun Matar, ieh ineh Luk Ngimet ulun muyuh.

1 PETRUS 5:4

Idi kareb Lun Rayeh lun matar ineh uen ngegala', muyuh miak ngalap pata rayehNeh luk na miak mekarang.

BALA LUK LINIO 3:20

Siruh, Ui tuped munung tanga' idi nateg; kudeng idé luk ninger balaKu idi ngukab tanga', idi Ui miak semuet bang neneh, idi kuman denganneh, pad ieh pana' denganKu.