YAHYA 10:11 - BALA LUK DO'

¹¹ “Ui ini Lun Matar luk Do'; idi Lun Matar luk Do' ineh maré ulunNeh ku libal dumba-dumba ineh.

YAHYA 10:11 Iomraidhean Croise

SEMUIL LUK KEDUEH 24:17

Kareb Daud nenier melaikat ineh luk ngaté nelun mula' ineh, idi kebalaneh inan Tuhan, “Ui luk mesala'. Idi ui luk nenganau' luk dat. Iamo' anunké luk inau' lun mula' ini? Meluun do' Iko ngukum negku idi uang tetek ruma'ku pana'.”

NANI UBUR 23:1

Tuhan ineh Lun Matar negku, idi na ui pian ku luk baken.

NANI UBUR 80:1

Ninger nekai, O Lun Luk Matar pupu Israil, Iko nguyut pupuMu mepad kudeng dumba, Iko tudo luun kerusiMu arang melaikat karub,

YESAYA 40:11

Ieh matar pupuNeh mepad kudeng lun luk matar dumba; Ieh ngamung anak dumbaNeh, idi ngabin nedeh; idi teh Ieh nguyut tinandeh ulai-ulai.

YESAYA 53:6

Amung tau mepad kudeng dumba luk neraruh ngaceku tau nemaya' pian tau sebuleng. Idi Tuhan nengacing kuanNeh, ukum luk petulu lapen tau.

YEHISKIEL 34:2

“O lemulun, ngadu' nelun luk matar nelun Israil, ieh ineh dumbaKu. Mada' nedeh. Kudeng ini bala Tuhan Allah: Muyuh miak kumin, O muyuh lun luk matar nelun Israil! Muyuh ngasa' burur muyuh sebuleng, iamo' na muyuh ngasa' dumba ineh.

YEHISKIEL 34:23

Ui maré kuandeh demulunKu Daud ku Lun Matar nedeh, idi Ieh miak ngasa' nedeh.

YEHISKIEL 37:24

DemulunKu Daud mangun ku raca'deh idi sebuleng Lun Matar miak ngimet nedeh, idi ideh miak maya' ukumKu.

MIKA 5:4

Kareb Ieh macing Ieh miak ngimet pupuNeh dengan tueh luk ratnan Tuhan, idi dengan ubur Tuhan Allah sebuleng. PupuNeh miak tudo dengan do', iamo' lemulun luk aput-aput tana' miak ngamo rayehNeh,

SEKARIA 13:7

Kebala Tuhan luk Melalud, “Tumui, O pelapet, idi ngaté nelun luk matar dumbaKu! Ngaté neneh, idi dumba-dumba ineh miak uen matad. Ui miak munu' pupuKu,

MATIUS 20:28

mepad kudeng Anak-Lemulun pana' na Ieh nacing pad Ieh miak uen ngasa', iamo' pad Ieh miak ngasa' idi maré ulunNeh mangun ku uli' kuan amung-amung lemulun.”

YAHYA 10:2

Lemulun luk semuet maya' tanga' ineh, ieh ineh lun luk matar dumba.

YAHYA 15:13

Na luk idi seburur pana' luk inan awa luk meluun rayeh ratnan ini, ieh ineh pad ieh maré ulunneh ngaceku amung-amung luk rurumneh.

EPESUS 5:2

Idi mulun bang awa, mepad kudeng Keristus pana' pangeh mawa netau, idi pangeh nemaré bururNeh ngaceku tau, mangun kuk aceh baré luk do' buen idi aceh luk barén luk inan Allah mawang niat.

TITUS 2:14

Ieh nemaré bururNeh ngaceku tau, pad Ieh nguli' netau ratnan amung-amung kekamen luk dat, pad Ieh ngeligan kuan bururNeh, aceh pupu mangun ku binawehNeh sebuleng, luk mekél nganau' luk do'.

IBERANI 13:20

Allah pangeh nenui Tuhan tau Yésus Keristus ratnan até. Ngaceku dara'Neh, nekini Ieh mangun ku Lun Matar Dumba luk Rayeh. Idi dengan dara'Neh ineh pejani' luk meruked ineh pangeh itu.

1 PETRUS 5:4

Idi kareb Lun Rayeh lun matar ineh uen ngegala', muyuh miak ngalap pata rayehNeh luk na miak mekarang.

1 YAHYA 3:16

Ratnan luk kudeng ineh tau kali' awa luk matu: Keristus nemaré ulunNeh ngaceku tau. Idi do' tau pana' maré ulun tau ngaceku kinanak-kinanak.

BALA LUK LINIO 7:17

Ngaceku Anak Dumba luk luun uned kerusi ineh miak mangun ku Lun Matar nedeh, idi nguit nedeh amé' inan bued abpa' luk mulun. Idi Allah pana' miak miid amung-amung abpa' mateh ratnan matehdeh ineh.”