YAHYA 10:10 - BALA LUK DO'

¹⁰ Idi lun mano ineh macing sikal mano idi ngaté idi ngusag mo'. Ui ini nacing pad dumba ineh miak ngalap ulun idi ngalap ulun ineh dengan mela.

YAHYA 10:10 Iomraidhean Croise

YESAYA 56:11

Ideh mepad kudeng uko' luk manga luk na mileh mebor. Ideh ineh lun nguyut luk na mileh. Anid-anid bururdeh maya' luk piandeh, idi ngerawé bururdeh sebuleng mo'.

HOSIA 7:1

“Kareb Ui sikal ngedo' pupuKu Israil idi ngeperuan nedeh, sala'deh, idi kekamendeh luk dat mo' luk sirenKu. Ideh naluk idi ngaro ruma' idi mano. Ideh mano ratnan lemulun luk maya' dalan pana'.

MATIUS 18:10

“Matar do'-do' idi aleg muyuh ngedat sebuleng rat arang anak-anak luk isuut ini; ngaceku Ui pebala nemuyuh, déi' bang surga melaikat-melaikatdeh nier kidi-kidi kiung TamanKu luk bang surga.

MATIUS 18:11

Ngaceku Anak-Lemulun iné', pad ngulun lemulun luk netutu'.

MATIUS 20:28

mepad kudeng Anak-Lemulun pana' na Ieh nacing pad Ieh miak uen ngasa', iamo' pad Ieh miak ngasa' idi maré ulunNeh mangun ku uli' kuan amung-amung lemulun.”

MATIUS 21:13

kebalaNeh nedeh, “Pangeh inayud bang Surat Allah, ‘Ruma'Ku tetanen ruma' luk inan sembayang,’ iamo' muyuh nganau' ineh mangun ku su luk inan lun mano.”

MATIUS 23:13

“Mesusa' kuan muyuh guru-guru Ukum idi lun Parisi, lun luk siayu! Muyuh ngitek tanga' Imet surga kuan lun baken, ngaceku muyuh sebuleng na sikal semuet, idi muyuh mebpeng nelun baken luk sikal semuet teh.

MARKUS 11:17

Idi Ieh nemada' nelun mula' kebalaNeh, “Pangeh inayud, ‘Ruma'Ku miak tetanen ruma' luk inan sembayang kuan amung-amung pupu.’ Iamo' muyuh pangeh nenganau' neneh mangun ku lubang lun mano.”

LUKAS 19:10

Ngaceku Anak-Lemulun nacing nakap idi ngulun luk neraruh.

YAHYA 10:1

“Matu, Ui pebala nemuyuh, idé-idé luk na semuet bang libung dumba maya' tanga', iamo' manad maya' dalan luk baken, ieh ineh lemulun luk mano idi lun ngaro.

YAHYA 10:11

“Ui ini Lun Matar luk Do'; idi Lun Matar luk Do' ineh maré ulunNeh ku libal dumba-dumba ineh.

YAHYA 12:47

Idé-idé luk ninger balaKu, iamo' na nginita neneh, Ui na ngukum neneh; ngaceku na Ui macing ngukum uang tana' ini, iamo' sikal ngulun nedeh.

YAHYA 12:6

Ieh nepebala kudeng ineh, baken ngaceku ieh méi' nelun masi', iamo' ngaceku ieh lun mano, idi ieh luk ngimet tabpung idi ngalap usin luk tinipa bang tabpung ineh.

YAHYA 3:17

Ngaceku Allah nan nengecuk AnakNeh amé' bang tana' ini pad ngukum tana' ini, iamo' pad tana' ini miak uen ngulun ngaceku Ieh.

YAHYA 5:40

Iamo' na muyuh sikal macing Negku pad muyuh miak mulun.

YAHYA 6:33

Ngaceku Ruti Allah, Ieh ineh luk temurun rat surga idi luk maré ulun kuan uang tana' ini.”

YAHYA 6:51

Ui ini Ruti luk mulun, luk temurun rat surga. Kudeng idé lemulun kuman ratnan Ruti ini, ieh miak mulun ruked-ruked. Idi Ruti luk barénKu ineh, ieh ineh bururKu. Ui maré ineh pad tana' ini ngalap ulun.”

SURAT LUK BIRE PAULUS KUAN LUN RUM 2:21

ngaceku ineh, O iko luk mada' nelun baken, do' iko mada' bururmu sebuleng. Iko luk mada' aleg mano, iamo' iko mano.

1 TIMOTIUS 1:15

Bala ini matu idi petulu tu-tu miak lapen lemulun: ieh ineh Keristus Yésus pangeh nacing bang tana' ini sikal ngulun lun mesala'; idi rat arangdeh ineh ui luk meluun rayeh sala'.

IBERANI 6:17

Allah sikal ngegala' tu-tu kuan lemulun luk miak ngalap luk pijani'Neh, ratnan Ieh na ngisu' terawéNeh. Ngaceku ineh Ieh nengetueh jani'Neh dengan aceh bulung.

IBERANI 7:25

Idi Ieh melalud ngulun idi ngeligan amung-amung lemulun luk amé' matun Allah lemaba Neneh, ngaceku Ieh megéi' mulun idi mutuh ngaceku ideh.

2 PETRUS 1:11

Dengan dalan ineh muyuh miak simén semuet bang Imet luk meruked, ieh ineh Imet Yésus Keristus, Tuhan tau idi Lun Nengulun.