YAHYA 1:9 - BALA LUK DO'

⁹ Ini acang luk matu luk macing bang tana' ini pad ngacang amung-amung lemulun.

YAHYA 1:9 Iomraidhean Croise

YESAYA 49:6

Kebala Tuhan Negku, “O DemulunKu, Ui inan kekamen luk meluun rayeh kuanMu. Baken Iko nguli' pupu Yakub, idi inul Israil mo'. Iamo' Ui nganau' Namu ku acang amung pupu, pelé Iko ngacing ulun bang aput tana'.”

YESAYA 8:20

Iamo' do' iko ngor baladeh, kebalamu, “Do' ninger luk badén Tuhan nemuyuh! Aleg ninger bala lun luk mangun –– luk beléndeh na ngacing luk do' kuan muyuh.”

MATIUS 6:23

Iamo' kudeng matehmu dat, amung bururmu pana' medacem. Idi kudeng acang luk bang bururmu medacem, kali' rungen dacem ineh pelaba rayeh.

LUKAS 11:36

Kudeng amung bururmu ineh macang, pad na luk idi medacem, kali' rungen amung-amungneh ineh macang, mepad kudeng ilu' ngacang namu dengan acangneh.”

YAHYA 1:4

Bala ineh lawa ulun idi ulun ineh nengacing acang kuan lemulun.

YAHYA 1:7

Ieh iacing pad mada' lemulun ratnan acang ineh. Ieh nemada' ratnan ineh pad amung-amung lemulun miak ninger idi manu ku acang ineh.

YAHYA 12:46

Ui ini nacing bang tana' ini mangun ku acang, pad idé-idé luk manu Negku na tudo bang dacem.

YAHYA 14:6

Keburi' Yésus neneh, “Ui ini dalan idi Luk Matu idi Ulun. Seburur pana' na macing inan Taman, kudeng na ratnan Negku.

YAHYA 15:1

“Ui ini Lawa Anggur luk matu, idi TamanKu, Ieh ineh luk ngasa' neneh.

YAHYA 6:32

Kebala Yésus nedeh, “Matu, Ui pebala nemuyuh, baken Musa luk nemaré ruti rat déi' surga ineh, iamo' TamanKu luk nemaré kuan muyuh Ruti luk matu ineh rat surga.

YAHYA 7:12

Idi lun mula' pelaba dureng ratnan Yésus. Idi inan luk pebala, “Ieh lemulun luk do',” idi lun baken nepebala, ‘Baken, iamo' Ieh naluk nelun mula' ineh.”

1 YAHYA 1:8

Kudeng tau mala netau na sala', idi tau naluk burur tau sebuleng, idi luk matu ineh na luk idi bang netau.

1 YAHYA 2:8

Iamo' ui ngayud ukum luk mebaruh kuan muyuh, idi luk kudeng ineh pangeh ginala' matu bang Keristus idi bang nemuyuh pana', ngaceku dacem ineh pangeh netutu', idi acang luk matu pangeh merasat.

1 YAHYA 5:20

Tau kali' Anak Allah pangeh nacing idi pangeh nemaré ileh kuan tau pad tau miak ngiti Allah luk matu; idi tau ini idi bang Allah luk matu, ieh ineh bang AnakNeh, Yésus Keristus. Idi Ieh ineh Allah luk matu, idi ieh ineh ulun luk meruked.