YAHYA 1:51 - BALA LUK DO'

⁵¹ Idi kebalaNeh nedeh teh, “Matu Ui pebala nemuyuh, idi muyuh miak nier langit mukab, idi amung-amung melaikat Allah umak idi temurun luun Anak-Lemulun.”

YAHYA 1:51 Iomraidhean Croise

PUDUT 28:12

Idi ieh nenginupi, idi inan aceh ican luk tuped rat luun tana', macing déi' langit. Idi inan tuda'-tuda' melaikat umak ican ineh idi temurun teh!

YEHISKIEL 1:1

Limeh aco bulan apat bang lak luk keteluh ngepulu', ui tudo dengan lun Yahudi luk tiban déi' tangeb Abpa' Kibar luk déi' bawang Babil.

SEKARIA 13:7

Kebala Tuhan luk Melalud, “Tumui, O pelapet, idi ngaté nelun luk matar dumbaKu! Ngaté neneh, idi dumba-dumba ineh miak uen matad. Ui miak munu' pupuKu,

MATIUS 25:31

“Kareb Anak-Lemulun macing mangun ku raca' dengan amung melaikatNeh, idi Ieh miak tudo luun kerusiNeh,

MATIUS 26:24

Anak-Lemulun amé' rungen, mepad kudeng luk inayud ratnan Ieh, iamo' mesusa' tu-tu kuan lemulun luk masui Anak-Lemulun. Meluun do' lemulun ineh na tinganak.”

MATIUS 3:16

Idi kareb Yésus pangeh rireb, Ieh petacu numak rat bang abpa'. Idi langit pana' mukab, idi Yésus nenier Roh Allah temuruhn kudeng aceh suit sukur idi nucep luunNeh.

MATIUS 4:11

Idi Iblis neburo rat Neneh, idi melaikat-melaikat nacing idi nengasa' Neneh.

MATIUS 8:20

Idi kebala Yésus neneh, “Bungalé inan lubangdeh, idi suit-suit déi' arang gawa' pana' inan arardeh; iamo' Anak-Lemulun na luk inanNeh ngerareng uluhNeh.”

MATIUS 9:6

Iamo' nekini muyuh miak kali' Anak-Lemulun ngimet lalud maré do' ratnan sala' bang tana'.” Idi kebalaNeh kuan lemulun luk mét naté urat, “Tumui iko idi ngiding luk inanmu rudap, idi muli' amé' ruma'mu.”

MARKUS 1:10

Kareb Yésus numak rat bang abpa' ineh, Ieh nenier langit mukab idi Roh Allah temurun luunNeh mepad kudeng aceh suit sukur.

MARKUS 14:62

Idi kebala Yésus, “Ui ini Ieh, idi muyuh miak nier Anak-Lemulun tudo pa tinueh Luk Meluun Lalud, idi macing dengan laput luk rat déi' langit.”

LUKAS 2:13

Denak-denak aceh baweh luk rayeh rat surga netuped dengan melaikat ineh, idi nengubur Allah, kebaladeh:

LUKAS 2:9

Idi denak-denak sebuleng melaikat Tuhan netuped iringdeh, idi rayeh Tuhan pana' merasat libut-libutdeh, idi ideh pelaba tot.

LUKAS 22:43

Idi nesilagan kuanNeh seburur melaikat rat surga nengetueh Neneh.

LUKAS 22:69

Iamo' rat pad kareb ini Anak-Lemulun miak tudo pa tinueh lalud Allah.”

LUKAS 24:4

Kareb ideh tuped idi mawa ratnan ineh, denak-denak dueh burur lemulun netuped iringdeh dengan ayung luk merasat.

LUKAS 3:21

Kareb amung lemulun pangeh rireb, idi Yésus pana' rireb. Idi Ieh uned sembayang idi langit mukab,

YAHYA 1:50

Idi kebala Yésus neneh, “Manuké iko ngaceku Ui mala kuanmu Ui nenier namu pa liang lawa gita' ineh? Iko miak nier luk meluun rayeh ratnan ini.”

YAHYA 10:1

“Matu, Ui pebala nemuyuh, idé-idé luk na semuet bang libung dumba maya' tanga', iamo' manad maya' dalan luk baken, ieh ineh lemulun luk mano idi lun ngaro.

YAHYA 10:7

Idi Yésus nepebala nedeh teh, “Matu, Ui pebala nemuyuh, Ui ini Tanga' kuan dumba ineh.

YAHYA 13:16

Matu, Ui pebala nemuyuh, seburur demulun na meluun rayeh ratnan tuanneh, idi seburur lun duken pana' na meluun rayeh ratnan luk nengecuk neneh.

YAHYA 13:38

Idi kebala Yésus, “Matuké Iko temina maté ngaceku Ui? Matu, Ui pebala namu, kareb nateh lal ngekook, iko miak ngalum Negku teluh kua'.”

YAHYA 14:12

Matu, Ui pebala nemuyuh, idé luk manu Negku, ieh pana' miak nganau' kekamen luk ruenKu, idi ieh miak nganau' kekamen luk meluun rayeh ratnan ini, ngaceku Ui amé' inan TamanKu.

YAHYA 16:20

Matu, Ui pebala nemuyuh, muyuh miak nangi' idi temido, iamo' uang tana' ini miak mawang niat; idi muyuh ini miak mesusa' niat, iamo' susa' muyuh miak misu' mangun ku awang.

YAHYA 16:23

“Kareb aco sineh muyuh na miak mutuh anun-anun rat Negku peh. Matu, Ui pebala nemuyuh, Taman ineh miak maré nemuyuh anun-anun luk pituen muyuh bang ngadanKu.

YAHYA 21:18

Matu, Ui pebala namu, kareb iko isuut, iko sebuleng nengabet awa'mu, idi iné' iapeh-iapeh pian niatmu; iamo' kareb iko pangeh rayeh, iko miak natang ticu'mu, idi seburur lun baken miak ngabet awa'mu, idi nguit namu amé' su luk inanmu na sikal amé'.”

YAHYA 3:3

Idi kebala Yésus, “Matu, Ui pebala namu, kudeng selemulun na tinganak baruh, na ieh miak nier Imet Allah.”

YAHYA 3:5

Idi kebala Yésus, “Matu, Ui pebala namu, kudeng selemulun na tinganak ratnan abpa' idi Roh, na ieh miak semuet bang Imet Allah.

YAHYA 5:19

Idi kebala Yésus, “Matu, Ui pebala nemuyuh, Anak ineh na miak nganau' anun-anun luk maya' pianNeh sebuleng, iamo' Ieh nier luk ruen Taman ineh. Anun-anun luk inau' Taman, ineh teh luk ruen Anak ineh.

YAHYA 5:27

Idi teh Ieh nemaré lalud kuanNeh miak ngacing ukum, ngaceku Ieh Anak-Lemulun.

YAHYA 6:26

Idi kebala Yésus, “Matu, Ui pebala nemuyuh, muyuh ini nakap Negku baken ngaceku muyuh kali' ilung kekamenKu luk melalud, iamo' ngaceku muyuh nekuman ruti pad macing mebor.

YAHYA 6:32

Kebala Yésus nedeh, “Matu, Ui pebala nemuyuh, baken Musa luk nemaré ruti rat déi' surga ineh, iamo' TamanKu luk nemaré kuan muyuh Ruti luk matu ineh rat surga.

YAHYA 6:47

Matu, Ui pebala nemuyuh, lemulun luk manu ngalap ulun luk meruked.

YAHYA 6:53

Idi kebala Yésus nedeh, “Matu, Ui pebala nemuyuh, kudeng muyuh na kuman burur Anak-Lemulun idi ngirup dara'Neh, na muyuh miak ngalap ulun bang burur muyuh.

YAHYA 8:34

Kebala Yésus nedeh, “Matu, Ui pebala nemuyuh, idé-idé luk nganau' sala', ieh ineh luk demulun sala'.

YAHYA 8:51

Matu, Ui pebala nemuyuh, kudeng idé lemulun maya' balaKu, na ieh miak maté.”

YAHYA 8:58

Idi kebala Yésus, “Matu, Ui pebala nemuyuh, kareb nateh Ibrahim tinganak, Ui ini pangeh idi.”

KEKAMEN RASUL-RASUL 10:11

Idi langit mukab, idi inan aceh luk kudeng tarub luk rayeh luk inimet anid lidungneh inurur macing luun tana'.

KEKAMEN RASUL-RASUL 7:56

Idi kebalaneh, “Siruh, ui nier langit pangeh mukab, idi Anak-Lemulun tuped pa tinueh Allah.”

2 TESALONIKA 1:7

Idi muyuh luk pidereh ineh miak ngalap do' udeng pad-pad dengan kai, kareb Tuhan Yésus uen ngegala' rat surga dengan amung-amung baweh melaikatNeh,

2 TESALONIKA 1:9

Ideh miak ngalap dereh até luk meruked pitad rat pa kiung Allah idi ratnan rayeh laludNeh,

1 TIMOTIUS 3:16

Idi rayehneh luk inalum ineh ratnan baya' tau na miak belén. Ieh pangeh linigan bang burur lemulun, idi inau' matu ratnan Roh, idi ginala' kuan melaikat-melaikat. Ieh bida' arang amung-amung pupu, idi inan merapet bang tana', idi inuit umak dengan rayeh.

IBERANI 1:14

Idéké melaikat-melaikat ineh? Bakenké amung-amung ini roh luk ngakem kuan Allah, luk icukNeh ngedengan lemulun luk ngalap ulun luk meruked, pad ideh miak ngasa' nedeh?

YAHUDA 1:14

Idi kuandeh ineh teh Enok, mupun luk keanem ratnan Adam, nemada' atun, keburi'neh, “Siruh, Tuhan macing dengan tuda'-tda' ngepulu' ribu melaikatNeh luk meligan,

BALA LUK LINIO 19:11

Pangeh ineh ui nenier langit mukab idi inan aceh kuda luk mebuda'. Ngadan lemulun luk tudo luunneh ineh, Lutep Maya' Jani' idi Matu, idi dengan siriNeh Ieh mutut ukum idi pebunu' pana'.

BALA LUK LINIO 4:1

Kareb ineh inan aceh luk sinierku. Ui nenier aceh tanga' luk mukab déi' surga. Idi arod luk pindengerku pun-pun luk mepad kudeng uni serupit nepebala, “Do'umak amé' tungé idi Ui sikal mada' sirenmu anun-anun luk miak mangun muci.”