YAHYA 1:49 - BALA LUK DO'

⁴⁹ Idi keburi' Nataniel Neneh, “O Guru, Iko Anak Allah! Iko luk Raca' lun pupu Israil!”

YAHYA 1:49 Iomraidhean Croise

YAHYA 1:34

Idi kebala Yahya, “Ui pangeh nenier ineh, idi maré kali' nemuyuh ratnan Ieh ini Anak Allah.”

SEKARIA 9:9

O lun Sion, do' muyuh mawang niat! O lun Yerusalim, do' ngitang mawang niat! Siruh, raca' muyuh amé' nemuyuh! Ieh luk meluun tueh, iamo' mebeneh niat, idi nalan maya' anak keladai.

SEPANIA 3:15

Tuhan pangeh nengusu bunu'mu. Ieh nenala' amung lemulun luk sikal metueh rat namu. Tuhan, Raca' lun Israil idi denganmu. Nekini na luk inan matot.

LUKAS 19:38

kebaladeh, “Samal kuan Raca' luk macing bang ngadan Tuhan; awang déi surga, idi ubur kuan Allah!”

MATIUS 27:42

“Ieh pangeh nengulun lun baken, iamo' na Ieh melalud ngulun bururNeh sebuleng. Kudeng Ieh Raca' pupu Israil, do' Ieh temurun nekini ratnan salib idi tau miak manu Neneh.

MATIUS 21:5

“Do' mada' bawang Sion, Nekini Raca'mu amé' namu. Ieh mebeneh niat, Ieh tudo luun keted keladai, luun keladai luk isuut, ieh ineh anak keladai.”

MATIUS 2:2

keburi'deh, “Su apehké Raca' lun Yahudi luk tinganak mebaruh? Ngaceku kai pangeh nenier gituenNeh luk pa busat aco. Idi kai macing sikal sembayang Neneh.”

YAHYA 1:38

Yésus nelumi, idi nenier nedidueh luk maya' Neneh ineh, idi kebalaNeh nedidueh, “Anunké luk tekapen medueh?” Idi keburi' didueh Neneh, “O Rabi!” (Ilung Rabbi, ieh ineh Guru), “Iapehké inanMu tudo?”

MATIUS 27:11

Idi Yésus netuped pa kiung Lun luk Ngimet Bawan gineh; idi ieh nengitun Yésus, keburi'neh, “Ikoké Raca' lun Yahudi?” Idi keburi' Yesus neneh, “Mepad kudeng balamu.”

MATIUS 14:33

Idi anak sekola' Yésus luk bang alud ineh netekeradung sembayang Neneh, kebaladeh, “Matu, Iko Anak Allah.”

YAHYA 18:37

Idi keburi' Pilatus Neneh, “Iko pana' seburur raca ké?” Idi kebala Yésus, “Matu kudeng buri'mu, Ui ini seburur raca' Ini punneh Ui pangeh tinganak, idi nacing bang tana' ini pad Ui maré kali' ratnan luk matu. Idé-idé luk geregan ku luk matu ineh, ieh luk ninger balaKu.”

YAHYA 1:18

Seburur pana' nateh luk nenier Allah iamo' Anak buleng ineh luk idi dengan Allah, idi luk tudo iring Taman, Ieh luk pangeh nengegala' Neneh.

MIKA 5:2

“O Baitlahim Eprata, iko aceh bawang luk meluun isuut déi' Yahuda. Iamo' Ui nguit aceh Raca' rat namu kuan lun Israil, luk inul tetek ruma'deh rat mon.”

HOSIA 3:5

Muci lun Israil miak lumi inan Tuhandeh, idi Daud luk raca'deh. Kareb ineh, ideh miak matot inan Tuhan idi ngalap baré-baréNeh luk do'.

YESAYA 9:7

Lalud luk Neneh iuk-iuk temubu' idi imetNeh megéi' do' udeng. Ieh miak ngelibal imet Raca' Daud. Luk matu idi mesiri mangun ku lawa laludNeh, rat kareb ini macing kekipedneh. Tuhan luk Melalud miak ngeletep amung ineh.

NANI UBUR 110:1

Kebala Tuhan kuan Raca'ku, “Tudo pa tinuehKu, pad Ui nganau' bunu'Mu pa liang kukudMu.

DANIEL 9:25

Ngerawé do'-do': Rat kareb ukum ratnan mudut Yerusalim baruh barén, pad acing Raca' luk pinili' Allah, ieh ineh apat ngepulu' iwa' lak kinioneh. Yerusalim miak piduten baruh dengan tuda'-tuda' dalan idi libung luk meraben. Idi ieh miak tuped kinio 434 lak. Iamo' bang kareb ineh mula' susa'.

NANI UBUR 2:6

KebalaNeh, “Ui pangeh nengeletep raca'Ku luun Sion, pegkungKu luk meligan.”

MATIUS 4:3

Idi Iblis iné' Neneh, kebalaneh, “Kudeng matu Iko Anak Allah, do' Iko ngisu' batu-batu ini mangun ku ruti kenenMu.”

MATIUS 23:7

Idi ideh pian buren lemulun déi' kadai, idi ideh sikal ku lemulun neten nedeh, ‘Guru.’

MATIUS 23:8

Aleg muyuh tetanendeh ‘Guru’, ngaceku sebuleng mo' luk Guru muyuh, idi muyuh amung-amung denganak peh.

MARKUS 15:32

O Keristus, Raca' lun Israil, do' Iko temurun ratnan salib ineh, pad kai miak nier idi manu.” Idi didueh luk sinalib dengan Yésus ineh teh nengedat Neneh.

LUKAS 1:35

Idi kebala melaikat ineh, “Roh Meligan miak temurun luunmu, idi lalud Allah miak nucung namu. Ngaceku ineh anak luk meligan ineh miak tetanen Anak Allah.

YAHYA 1:50

Idi kebala Yésus neneh, “Manuké iko ngaceku Ui mala kuanmu Ui nenier namu pa liang lawa gita' ineh? Iko miak nier luk meluun rayeh ratnan ini.”

YAHYA 4:31

Kareb ineh teh kebala anak-anak sekola' ineh nan Yésus, “O Guru, kuman Iko.”