YAHYA 1:47 - BALA LUK DO'

⁴⁷ Kareb Yésus nenier Nataniel macing Neneh, idi Ieh nepebala ratnan ieh, “Siruh, seburur lun Israil luk matu, idi luk na naluk teh!”

YAHYA 1:47 Iomraidhean Croise

NANI UBUR 32:2

Samal kuan lemulun luk na sinala' Tuhan, idi luk mepuit ratnan amung saluk.

NANI UBUR 73:1

Pelaba do' Allah kuan lun Israil, ieh ineh kuan lemulun luk meligan niat!

YAHYA 2:25

Na ulekneh seburur pana' mada' Neneh ratnan lemulun, ngaceku Ieh sebuleng kali' amung-amung luk bang niatdeh.

YAHYA 4:16

Kebala Yésus neneh, “Amé' iko nawar awanmu, idi lemubed amé' tungé'.”

YAHYA 8:31

Idi kebala Yésus nelun Yahudi luk manu Neneh, “Kudeng muyuh maya' balaKu, idi dengan matu muyuh mangun ku anak-anak sekola'ku,

YAHYA 8:39

Idi ideh nengor balaNeh, keburi'deh, “Ibrahim, ieh luk taman kai.” Idi keburi' Yésus nedeh, “Kudeng muyuh anak Ibrahim, kali' rungen muyuh sikal nganau' teh amung-amung kekamen Ibrahim.

SURAT LUK BIRE PAULUS KUAN LUN RUM 9:4

Ngaceku ideh ineh lun Israil luk ilap Allah mangun ku anakNeh. Idi teh Allah nemaré rayehNeh, pejani'Neh, idi UkumNeh kuandeh. Idi ideh kali' sembayang luk matu.

SURAT LUK BIRE PAULUS KUAN LUN RUM 9:6

Iamo' na ui mala jani' Allah na icing. Ngaceku baken amung-amung inul Israil ineh mangun ku pupu luk pinili' Allah.

PILIPI 3:3

Ngaceku tau ini sunat luk matu, idi tau luk sembayang inan Allah dengan Roh, idi mawang niat dengan ulun tau bang Keristus Yésus, idi na merapet ku anun-anun luk ratnan burur.

1 PETRUS 2:1

Ngaceku ineh do' nala' amung-amung luk dat, amung-amung balih, siayu, temaruh, idi buri' luk dat.

1 PETRUS 2:22

Ieh na nenganau' sala'. Seburur lemulun pana' na neninger balih remuat rat bang tangNeh.

BALA LUK LINIO 14:5

Rat mon ideh na mebalih idi na sala' teh.