YAHYA 1:45 - BALA LUK DO'

⁴⁵ Pilipus nenakap Nataniel, idi nepebala neneh, “Kai pangeh nepapu' Yésus, luk pangeh ginala' Musa bang Surat Ukum idi nabi-nabi pana', ieh ineh Yésus, anak Yusup lun Nasarét.”

YAHYA 1:45 Iomraidhean Croise

LUKAS 24:27

Idi Yésus nengelio kuan didueh ineh amung-amung luk bila ratnan bururNeh sebuleng bang amung-amung Surat Allah, ngimun ratnan surat Musa idi anun-anun luk inayud nabi-nabi.

MIKA 5:2

“O Baitlahim Eprata, iko aceh bawang luk meluun isuut déi' Yahuda. Iamo' Ui nguit aceh Raca' rat namu kuan lun Israil, luk inul tetek ruma'deh rat mon.”

MATIUS 2:23

Idi ieh iné' tebawang bang bawang Nasarét; pad ngacing luk bila nabi-nabi, kebaladeh, “Ieh miak tetanen Lun Nasarét.”

LUKAS 24:44

Idi Ieh nepebala kuandeh, “Ini balaKu luk pangeh bilaKu kuan muyuh kareb Ui idi dengan muyuh atun, idi na miak na uen ngacing amung-amung luk pangeh inayud ratnan bururKu rat bang Ukum Musa, surat nabi-nabi, idi Nani Ubur ineh teh.”

YESAYA 7:14

Tuhan sebuleng miak maré aceh tanu' namu. Inan seburur anak adi' decur luk mali'. Ieh miak nenganak aceh anak deléi idi ieh nganau' ngadanNeh ‘Immanuél.’

LUKAS 4:22

Niat amungdeh ineh nesigio ku bada'Neh, idi ideh mawa ku balaNeh luk pelaba do', keburi'deh, “Bakenké Ieh ini anak Yusup?”

SEKARIA 9:9

O lun Sion, do' muyuh mawang niat! O lun Yerusalim, do' ngitang mawang niat! Siruh, raca' muyuh amé' nemuyuh! Ieh luk meluun tueh, iamo' mebeneh niat, idi nalan maya' anak keladai.

YESAYA 9:6

Anak ineh tinganak kuan tau, Anak deléi pangeh biré kuan tau! Idi amung-amung lalud uen ngerareng luun tudungNeh. Ieh miak tetanen “Luk Nan Mawa,” “Lun luk ngimet,” “Allah luk Melalud,” “Taman luk Meruked,” idi “Raca' Awang.”

SEKARIA 6:12

Mada' neneh ratnan luk bila Tuhan luk Melalud, kebalaNeh, Lemulun luk titen Angat miak temubu' su luk inanNeh, idi mudut Ruma' Tuhan baruh.

YESAYA 53:2

Maya' pian Tuhan kuan DemulunNeh, Ieh temubu' mepad kudeng tibu pun inan uat bang tana' luk metugeh. Na Ieh metaga idi buren siren tau pad tau ngerawé Neneh.

YAHYA 18:7

Idi Yésus nengitun nedeh teh, “Idéké luk tekapen muyuh?” Idi kebaladeh, “Yésus lun Nasarét.”

YESAYA 4:2

Kareb ineh teh Tuhan nganau' amung tibu bang bawang ineh amé' rayeh idi metaga. Amung pupu Israil luk mulun mawang niat ku uli' tana' ineh.

PUDUT 22:18

idi ratnan inulmu amung-amung pupu luk bang tana' ini miak ngalap peruan, ngaceku iko nemaya' balaKu.”

MARKUS 6:3

Bakenké Ieh ini lun ngakem kayuh, anak Mariam, idi kinanak Yakub, usup, Yudas idi Simun? Idi bakenké kinanak-kinanakNeh luk decur pana' idi dengan tau tungé'?” Idi ideh nesabeng ku Ieh.

MATIUS 21:11

Idi lun mula' nepebala, “Ieh ineh seburur nabi, Yésus lun Nasarét, luk bang bawang Galilia.”

PUDUT 49:10

Idi lalud ngimet na miak buro rat ni Yahuda. Idi rukud imet raca' na buro rat neneh, pad Ieh luk kuan rukud ineh miak macing. Idi amung-amung pupu miak maya' Neneh.

PUDUT 3:15

Idi Ui nganau' aceh bunu' arangmu dengan decur ineh, idi arang inulmu dengan inulneh. Idi Ieh miak ngeradu' uluhmu, idi iko miak nicuk tumidNeh.”

KEKAMEN RASUL-RASUL 22:8

Idi keburi'ku, ‘Idéké Iko, O Tuhan?’ Idi kebalaNeh negku, ‘Ui ini Yésus lun Nasarét luk pederenmu.’

KEKAMEN RASUL-RASUL 10:38

Muyuh pangeh neninger ratnan Yésus lun Nasarét ineh, kudeng apeh Allah pangeh nengumau Neneh ku Roh Meligan idi lalud. Ieh nenalan iné' iapeh-iapeh idi nenganau' kekamen luk do', idi nengedo' amung-amung lemulun luk inimet Iblis; ngaceku Allah nengedengan Neneh.

YAHYA 21:2

Simun Pétrus, Tomas (luk titen Anak Rapid). Nataniel (rat bawang Kana déi' tana' Galilia), anak-anak Sabdi, idi dueh burur anak-anak sekola'Neh luk baken nepamung.

LUKAS 2:4

Yusup nenalan rat bawang Nasarét bang babpat Galilia iné' Baitlahim bang bawang Yudia, ngaceku ieh inul Daud.

MARKUS 14:67

Kareb ieh nenier Pétrus singidu, idi ieh pana' nenutong neneh idi nepebala, “Iko ini teh luk dengan Yésus lun Nasarét ineh.”

MATIUS 13:55

Bakenké Ieh ini anak lun ngakem kayuh? Bakenké tinanNeh luk ngadanneh Mariam, idi kinanak-kinanakNeh Yakub, Yusup, Simun, idi Yudas?

KEKAMEN RASUL-RASUL 26:9

“Atun ui sebuleng nengerawé petulu ui nganau' tuda'-tuda' kekamen pad metueh ratnan ngadan Yésus lun Nasarét ineh.

KEKAMEN RASUL-RASUL 3:6

Idi keburi' Pétrus neneh, “Amas idi pirak na luk idi negku, iamo' anun luk inan negku, ineh ui miak maré kuanmu: dengan ngadan Yésus Keristus, lun Nasarét ineh, nalan iko!”

KEKAMEN RASUL-RASUL 2:22

“O lun Israil, ninge muyuh bala ini: Yésus lun Nasarét ineh pangeh imo Allah. Amung ini ginala'Neh kuan muyuh dengan kekamen luk melalud, kekamen luk nan mawa, idi tanu'-tanu' pana' luk inau' Allah dengan ticu' Yésus arang muyuh. Muyuh sebuleng kali' amung ineh.

YAHYA 19:19

Pilatus nengayud aceh surat, idi ieh nengerareng ineh pa luun salib ineh. Ieh nengayud kudeng ini, “Yésus, lun Nasarét, Raca' lun Yahudi.”

YAHYA 18:5

Idi kebaladeh, “Yésus lun Nasarét.” Idi kebala Yésus nedeh, “Ui ini Ieh.” Idi Yudas luk nemasui Neneh tuped dengandeh.

YAHYA 6:42

Idi keburi'deh, “Bakenké lun ini Yésus, anak Yusup? Kai kali' taman-tinanNeh. Kudeng apehké Ieh pebala, ‘Ui temurun rat déi' surga'?”

LUKAS 3:23

Kareb Yésus nengimun kekamenNeh, ulunNeh lélé teluh ngepulu' lak; idi bang terawé lemulun, Ieh ineh anak Yusup, anak Héli,

MATIUS 10:3

Pilipus, Bartolomius, Tomas, Matius luk ngamung rigit pupuk, Yakub Alpius, Tadius;

LUKAS 2:48

Idi taman-tinanNeh mawa nenier Neneh, idi keburi' tinanNeh kuanNeh, “O Anakku, anunké punneh Iko nganau' kudeng ini kuan kai? Kai dueh dengan mesusa' nakap Namu.”

YAHYA 1:44

Pilipus ineh lun Baitsaida, luk pamung bawang dengan Andrias idi Pétrus.)

YAHYA 6:5

Yésus nenier libut-libutneh idi nekali' mula' lemulun amé' Neneh, idi kebalaNeh ni Pilipus, “Rat iapehké tau melih ruti, pad lun mula' ini kuman?” (

YAHYA 6:7

Kebala Pilipus Neneh, “Ruti luk dueh ngeratu rigit raganeh na petap kuan lemulun ini, sagan pana' panid sesuut.”

YAHYA 12:21

Lemulun ineh iné' ni Pilipus, lun Baitsaida déi' tana' Galilia, idi nemutuh neneh, keburi'deh, “Tuan, kai sikal nier Yésus.”

YAHYA 14:8

Idi keburi' Pilipus Neneh, “O Tuhan, mada' Taman ineh siren kai, pad kai mawang niat.”

LUKAS 18:37

Idi keburi'deh neneh, “Yésus lun Nasarét lemaba.”