YAHYA 1:44 - BALA LUK DO'

⁴⁴ Pilipus ineh lun Baitsaida, luk pamung bawang dengan Andrias idi Pétrus.)

YAHYA 1:44 Iomraidhean Croise

MATIUS 10:3

Pilipus, Bartolomius, Tomas, Matius luk ngamung rigit pupuk, Yakub Alpius, Tadius;

MATIUS 11:21

“Mesusa' kuanmu Korasin! Mesusa' kuanmu Baitsaida! Ngaceku kudeng kekamen luk melalud pangeh inau' bang Sur idi Sidon, kudeng luk pangeh inau' bang nemedueh, kali' rungen ideh pangeh nacung idi nuren mon.

MARKUS 3:18

Andrias, Pilipus, Bartolomius, Matius, Tomas, Yakub Alpius, Tadius, Simun lun Selot

MARKUS 6:45

Idi petacu Yésus nengecuk anak-anak sekola'Neh temaleb bang alud sikal guta amé' par déi' bawang Baitsaida, kareb Ieh ngecuk lun mula' ineh muli.’

MARKUS 8:22

Idi ideh nacing déi' bawang Baitsaida. Idi ideh nenguit seburur lemulun luk mebuser, idi nemutuh Neneh ngakem lemulun ineh.

LUKAS 10:13

“Mesusa' kuanmu, O Korasin! Mesusa' kuanmu, O Baitsaida! Ngaceku kudeng kekamen luk melalud pangeh inau' bang bawang Sur idi Sidon, kudeng luk pangeh inau' bang nemedueh, kali' rungen ideh pangeh nuren mon dengan tudo bang abuh idi inayung ku guni.

LUKAS 6:14

ieh ineh Simun luk titenNeh Pétrus idi kinanakneh Andrias; Yakub, Yahya, Pilipus, Bartolomius,

LUKAS 9:10

Rasul-rasul Yésus nelemubed, idi nemada' Neneh ratnan amung-amung luk pangeh inau'deh. Idi Ieh nenguit nedeh nala amé' bang aceh bawang luk ngadanneh Baitsaida.

YAHYA 1:43

Kenebpa Yésus sikal amé' déi' Galilia. Ieh nenakap ni Pilipus, idi nepebala neneh, “Maya' Negku.” (

YAHYA 1:45

Pilipus nenakap Nataniel, idi nepebala neneh, “Kai pangeh nepapu' Yésus, luk pangeh ginala' Musa bang Surat Ukum idi nabi-nabi pana', ieh ineh Yésus, anak Yusup lun Nasarét.”

YAHYA 1:46

Idi keburi' Nataniel neneh, “Miakké Nasarét ngacing anun-anun luk do'?” Idi keburi' Pilipus neneh, “Amé' iko idi nier.”

YAHYA 1:48

Idi keburi' Nataniel Neneh, “Kudeng apehké Rabbi ngiti negku?” Idi Yésus nengor balaneh, keburi'Neh, “Kareb nateh Pilipus nenawar namu, kareb iko pa liang lawa gita' ineh, pangeh Ui nekali' namu.”

YAHYA 12:21

Lemulun ineh iné' ni Pilipus, lun Baitsaida déi' tana' Galilia, idi nemutuh neneh, keburi'deh, “Tuan, kai sikal nier Yésus.”

YAHYA 12:22

Pilipus iné' mada' ni Andrias, idi didueh iné' mada' Yésus.

YAHYA 6:5

Yésus nenier libut-libutneh idi nekali' mula' lemulun amé' Neneh, idi kebalaNeh ni Pilipus, “Rat iapehké tau melih ruti, pad lun mula' ini kuman?” (

YAHYA 6:7

Kebala Pilipus Neneh, “Ruti luk dueh ngeratu rigit raganeh na petap kuan lemulun ini, sagan pana' panid sesuut.”

KEKAMEN RASUL-RASUL 1:13

Ideh nesemuet bang bawang Yerusalim idi numak semuet bang takep luk pa luun, ieh ineh su luk inan Pétrus, Yahya, Yakub idi Andrias, Pilipus idi Tomas, Bartolomius idi Matius, Yakub Alpius, Simun lun Selot, idi Yudas Yakub.