YAHYA 1:42 - BALA LUK DO'

⁴² Ieh nenguit Simun amé' matun Yésus. Idi Yésus nenier neneh idi nepebala, “Iko ini Simun, anak Yahya, iko miak tetanen Képas.” (Ini mepad kudeng Pétrus, idi ilungneh “Batu.”)

YAHYA 1:42 Iomraidhean Croise

RACA'-RACA' LUK KEDUEH 5:4

Kareb Naaman kali' bala ineh, idi ieh iné' nan raca' idi nemada' neneh ratnan luk bila decur ineh.

MATIUS 10:2

Ini ngadan pulu' dueh rasul: pun-pun Simun luk titen Pétrus, idi kinanakneh Andrias; Yakub Sabdi, idi Yahya kinanakneh;

MARKUS 3:16

Ini ngadan pulu' dueh burur luk pinili'Neh: Simun (luk titenNeh Pétrus);

LUKAS 5:8

Kareb Simun Pétrus nenier ineh, idi ieh netekeradung pa kiung Yésus, keburi'neh, “O Tuhan, buro rat negku, ngaceku ui lemulun luk panu' ku sala'.”

LUKAS 6:14

ieh ineh Simun luk titenNeh Pétrus idi kinanakneh Andrias; Yakub, Yahya, Pilipus, Bartolomius,

YAHYA 13:18

“Ui pebala baken ratnan amung-amung muyuh; ngaceku Ui kali' idé lemulun luk pinili'Ku; iamo' bala bang Surat Allah ineh na miak na uen ngacing, ieh ineh, ‘Lemulun luk kuman pad-pad denganKu ineh sikal metueh rat Negku.’

YAHYA 21:2

Simun Pétrus, Tomas (luk titen Anak Rapid). Nataniel (rat bawang Kana déi' tana' Galilia), anak-anak Sabdi, idi dueh burur anak-anak sekola'Neh luk baken nepamung.

YAHYA 4:16

Kebala Yésus neneh, “Amé' iko nawar awanmu, idi lemubed amé' tungé'.”

1 KORINTUS 1:12

Ini ilung balaku: Anid-anid burur muyuh baken bala. Sebuang pebala, “Ui ini Paulus kuan,” idi inan luk pebala, “Ui ini Apolos kuan,” idi inan teh luk pebala, “Ui ini Pétrus kuan,” idi inan teh luk pebala, “Ui ini Keristus kuan.”

1 KORINTUS 15:5

idi Ieh pangeh nesilagan kuan Pétrus, idi muci kuan pulu' dueh burur rasul ineh.

1 KORINTUS 3:22

Paulus, Apolos, Pétrus, tana' ini, ulun idi até, luk inan nekini idi luk sikal macing teh, amung-amung ineh muyuh kuan.

1 KORINTUS 9:5

Naké ui miak nguit denganku aceh awan luk manu, mepad kudeng rasul-rasul baken, idi kinanak-kinanak Tuhan, idi Pétrus?

GALATIA 1:18

Pangeh teluk lak baruh ui numak iné' Yerusalim sikal pekali' dengan Pétrus; idi ui netudo denganneh dueh minggu kinioneh.

GALATIA 2:11

Iamo' kareb Pétrus nacing déi' Antiokia, idi ui nengayud neneh pa kiung lun mula', ngaceku megala' lawéneh sala'.

GALATIA 2:9

Kareb ideh pangeh nenier katu luk pangeh biré kuanku ini, idi Yakub, Pétrus, idi Yahya, luk ayuneh mangun ku lun nguyut, nepetabi' nekai dueh Barnabas, mangun ku aceh tanu' perurum, pad kai ini amé' mada' nelun pupu baken, iamo' ideh amé' mada' nelun Yahudi.