YAHYA 1:4 - BALA LUK DO'

⁴ Bala ineh lawa ulun idi ulun ineh nengacing acang kuan lemulun.

YAHYA 1:4 Iomraidhean Croise

NANI UBUR 49:6

idi lemulun luk merapet inan binawehdeh, idi luk medita' niat ratnan do'deh?

NANI UBUR 84:11

Tuhan ineh utap kai idi raca' kai luk rayeh, Ieh ngedita' nekai idi ngeperuan nekai dengan éi'. Na Ieh ara' maré luk do' kuan lemulun luk nganau' luk matu.

YESAYA 42:16

“Ui nguyut pupuKu luk mebuser, maya' dalan luk na nedalandeh. Ui ngisu' dacemdeh mangun ku acang, idi ngebalad tana' luk metekura'. Kali' rungen Ui nganau' luk kudeng ineh.

MALAKI 4:2

Iamo' kuan muyuh luk na maya' Negku, Ui miak maré laludKu luk ngulun, merasat luun muyuh mepad kudeng aco, pad ngedo' nemuyuh. Muyuh miak mepuit idi mawang niat, mepad kudeng anak sapi' luk rinuat rat bang libungdeh.

MATIUS 4:16

Pupu luk tudo bang dacem, miak nier acang luk rayeh. Idi kuan lemulun luk tudo bang lungung su luk inan até acang miak macing.”

LUKAS 2:32

Ieh ineh aceh acang luk ngelio dalanMu kuan lun pupu baken, idi ngacing rayeh kuan pupuMu Israil.”

YAHYA 11:25

Idi kebala Yésus ni Marta, “Ui ini Tui ratnan até idi Ulun. Idé-idé luk manu Negku, sagan pana' pangeh naté, ieh miak mulun teh;

YAHYA 12:35

Idi kebala Yésus nedeh, “Acang ineh idi arang muyuh segageh mo'. Do' muyuh nalan kareb acang ineh idi arang muyuh, pad dacem na ngili nemuyuh. Lemulun luk nalan bang dacem, na ieh kali' iapeh luk suetneh.

YAHYA 12:46

Ui ini nacing bang tana' ini mangun ku acang, pad idé-idé luk manu Negku na tudo bang dacem.

YAHYA 14:6

Keburi' Yésus neneh, “Ui ini dalan idi Luk Matu idi Ulun. Seburur pana' na macing inan Taman, kudeng na ratnan Negku.

YAHYA 3:19

Idi ini ukum ineh: acang pangeh nacing bang tana' ini, iamo' lemulun meluun sikal ku dacem ratnan acang ineh, ngaceku kekamendeh dat.

YAHYA 5:21

Mepad kudeng Taman nui amung-amung lun naté idi ngulun nedeh, kudeng ineh teh Anak ineh ngulun idé-idé luk pianNeh.

YAHYA 5:26

Mepad kudeng Taman ineh lawa ulun, kudeng ineh teh Ieh nemaré kuan AnakNeh mangun ku lawa ulun teh.

YAHYA 8:12

Yésus nemada' nedeh teh, kebalaNeh, “Ui ini Acang Tana'. Idé-idé luk maya' Negku miak ngalap acang luk maré ulun, idi na ieh miak nalan bang dacem.”

YAHYA 9:5

Ruked Ui bang tana' ini, Ui ini Acang Tana'.”

KEKAMEN RASUL-RASUL 26:23

ieh ineh ratnan Keristus na miak na medereh, pad Ieh luk pun-pun tumui rat arang lun naté, pelé Ieh mada' acang kuan ulun lun Yahudi idi kuan lun pupu baken pana'.”

1 KORINTUS 15:45

Ngaceku pangeh inayud, “Idi lemulun luk pun-pun, ieh ineh Adam, mangun ku seburur luk mulun.” Idi Adam luk kekiped ineh mangun ku Roh luk ngulun.

EPESUS 5:14

Ngaceku anun-anun luk ginala' bang acang, ieh ineh macang. Ini punneh Tuhan pebala, “Kulat, O iko luk rudap, idi tumui rat arang lun naté! Idi Keristus macang luunmu.”

KOLOSE 3:4

Ulun muyuh luk matu, ieh ineh Keristus. Idi kareb Ieh macing sekedueh kua', muyuh pana' miak melagan pad-pad denganNeh bang rayehNeh.

1 YAHYA 1:1

Kai ngayud ratnan Bala Ulun luk idi rat pun-pun, luk pangeh pindenger kai, luk pangeh sinier dengan mateh kai, luk pangeh tinutong kai, idi luk kikem dengan ticu' kai.

1 YAHYA 1:2

Kareb ulun ineh pangeh ginala', kai nenier neneh, idi maré kali' idi mada' kuan muyuh ulun luk meruked, luk idi pad-pad dengan Taman idi luk pangeh ginala' kuan kai.

1 YAHYA 5:11

Idi ini luk nekali' luk pangeh bida'Neh: Allah pangeh nemaré ulun luk meruked kuan tau, idi ulun ineh bang Anakneh.

BALA LUK LINIO 22:1

Melaikat ineh nemada' sirenku aceh bued abpa' luk panu' ku abpa' luk mulun, mesor mepad kudeng gelas luk pelaba' do', luk manud remuat ratnan kerusi Allah idi Anak Dumba ineh.

BALA LUK LINIO 22:16

“Ui ini Yésus pangeh nengecuk melaikatKu maré kali' ratnan amung-amung ini namu bang amung-amung sidang. Ui ini uat idi inul Daud, idi gituen pekak luk merasat ineh.”