YAHYA 1:34 - BALA LUK DO'

³⁴ Idi kebala Yahya, “Ui pangeh nenier ineh, idi maré kali' nemuyuh ratnan Ieh ini Anak Allah.”

YAHYA 1:34 Iomraidhean Croise

NANI UBUR 2:7

Kebala raca', “Ui maré kali' luk bila Tuhan. Kebala Tuhan negku: ‘Iko anakKu. Aco sini Ui mangun ku TamanMu.

MATIUS 11:27

“TamanKu pangeh nemaré Negku luk amung-amung idi seburur pana' na miti Anak, iamo' Taman mo', idi seburur pana' na miti Taman, iamo' Anak mo', idi teh lemulun luk pinili' Anak, ieh luk miak badénNeh ratnan Allah.

MATIUS 16:16

Idi kebala Simun Pétrus, “Iko Keristus, Anak Allah luk mulun.”

MATIUS 17:5

Idi uned ieh pebala, inan aceh laput luk merasat iné' ngelungung nedeh; idi inan aceh tang rat bang laput ineh luk nepebala, “Ini AnakKu luk inanKu mawa; idi Ui mawang niat Neneh; do' muyuh ninger balaNeh.”

MATIUS 26:63

Iamo' Yésus pirud mo'. Idi keburi' Imam Rayeh Neneh, “Ui ngecuk Namu pebulung ku ngadan Allah luk mulun, idi mada' nekai kudeng matu Iko Keristus Anak Allah.”

MATIUS 27:40

Keburi'deh, “Neh! Iko luk ngusag Ruma' Allah idi mudut neneh teh bang teluh aco mo' kinioneh, do' ngulun bururMu sebuleng. Kudeng matu Iko Anak Allah, temurun ratnan salib ineh.”

MATIUS 27:43

Ieh merapet inan Allah, do' Allah ngulun Neneh nekini, kudeng Ieh mawa Neneh; ngaceku keburi'Neh, ‘ui ini Anak Allah.’ ”

MATIUS 27:54

Idi kareb lun rayeh lun pebunu' idi lemulun luk tudo denganneh matar Yésus nekali' tana' meruyuh, dengan amung-amung luk pangeh mangun, ideh pelaba tot, idi keburi'deh, “Matu, Ieh Anak Allah.”

MATIUS 3:17

Idi inan aceh tang rat bang langit luk nepebala, “Ini AnakKu luk inanKu mawa, idi Ui mawang niat Neneh.”

MATIUS 4:3

Idi Iblis iné' Neneh, kebalaneh, “Kudeng matu Iko Anak Allah, do' Iko ngisu' batu-batu ini mangun ku ruti kenenMu.”

MATIUS 4:6

idi kebalaneh Neneh, “Kudeng matu Iko Anak Allah, do' Iko ubpa amé' déi' liang, ngaceku pangeh inayud bang Surat Allah, ‘Allah miak mada' melaikat-melaikatNeh ratnan Iko; ideh miak ngimet Namu ku ticu'deh, pelé kukudMu na matuk ku batu.’ ”

MATIUS 8:29

Idi didueh nengitang, keburi' didueh, “Anunké luk pianMu nekai, O Anak Allah? Iko macing sikal ngedereh nekaiké kareb nateh tarekneh macing?”

MARKUS 1:1

Ini pun-pun Bala luk Do' ratnan Yésus Keristus Anak Allah.

MARKUS 1:11

Idi inan aceh tang rat bang langit, “Iko ini AnakKu luk inanKu mawa, idi Ui mawang niat Namu!”

LUKAS 1:35

Idi kebala melaikat ineh, “Roh Meligan miak temurun luunmu, idi lalud Allah miak nucung namu. Ngaceku ineh anak luk meligan ineh miak tetanen Anak Allah.

LUKAS 3:22

idi Roh Meligan netemurun luunNeh maya' ayu burur, mepad kudeng aceh suit sukur. Idi inan aceh tang rat bang langit luk pabala, “Iko ini AnakKu luk inanKu mawa. Ui mawang niat Namu.”

YAHYA 1:18

Seburur pana' nateh luk nenier Allah iamo' Anak buleng ineh luk idi dengan Allah, idi luk tudo iring Taman, Ieh luk pangeh nengegala' Neneh.

YAHYA 1:49

Idi keburi' Nataniel Neneh, “O Guru, Iko Anak Allah! Iko luk Raca' lun pupu Israil!”

YAHYA 10:30

Ui idi Taman ineh Sebuleng.”

YAHYA 10:36

Miakké muyuh ini pebala Ui nguyo Allah, ngaceku Ui ngamo Ui ini Anak Allah? Ui ini luk pinili' idi icuk Allah amé' bang tana' ini.

YAHYA 11:27

Idi kebala Marta, “Mo, Tuhan, ui manu idi Iko ineh Keristus, Anak Allah, luk macing bang tana' ini.”

YAHYA 19:7

Idi lun Yahudi nengor balaneh, keburi'deh, “Maya' Ukum kai do' Ieh mate, ngaceku Ieh nemala bururNeh Anak Allah.”

YAHYA 20:28

Idi kebala Tomas Neneh, “O Allah, O Tuhanku!”

YAHYA 20:31

Amung-amung ini pangeh inayud, pad muyuh miak manu, idi Yésus ineh Keristus, Anak Allah, pad muyuh luk manu ineh miak ngalap ulun bang ngadanNeh.

YAHYA 6:69

Kai ini pangeh manu idi kali', idi Iko ineh Luk Meluun Ligan luk macing ratnan Allah.”

SURAT LUK BIRE PAULUS KUAN LUN RUM 1:4

iamo' maya inul Roh luk ngeligan pangeh ginala' dengan lalud rayeh ratnan Ieh Anak Allah, ngaceku tuiNeh ratnan até.

2 KORINTUS 1:19

Ngaceku Yésus Keristus Anak Allah, luk bida' kai arang muyuh ieh ineh Siluanus, Timotius, idi ui, baken “Mo” idi “Na”. Iamo' bang Keristus ineh inan “Mo” mo'.

IBERANI 7:3

Na luk inayud ratnan taman-tinan idi tepun Melkisedek. Idi teh na luk inayud ratnan aco lukinanneh tinganak, idi aco aténeh. Ieh mepad kudeng Anak Allah, idi ieh mangun ku imam ruked-ruked.

1 YAHYA 2:23

Idé-idé luk ngarung Anak, kali' rungen na luk idi Taman bang neneh. Idi lemulun luk ngamo Anak ineh, kali' rungen Taman ineh pana' idi bang neneh.

1 YAHYA 3:8

Lemulun luk megéi' nganau' sala', ieh nacing ratnan Iblis, ngaceku Iblis ineh nganau' sala' rat pun-pun. Ini punneh Anak Allah pangeh ginala', pad Ieh miak ngusag amung-amung kekamen Iblis ineh.

1 YAHYA 4:9

Kudeng ini lawéneh Allah nengegala' awaNeh kuan tau: Ieh pangeh nengecuk AnakNeh luk sebuleng semuet bang tana' ini pad rat Neneh ineh tau miak ngalap ulun.

1 YAHYA 5:20

Tau kali' Anak Allah pangeh nacing idi pangeh nemaré ileh kuan tau pad tau miak ngiti Allah luk matu; idi tau ini idi bang Allah luk matu, ieh ineh bang AnakNeh, Yésus Keristus. Idi Ieh ineh Allah luk matu, idi ieh ineh ulun luk meruked.

2 YAHYA 1:9

Idé-idé luk na lutep bang bada' Keristus, iamo' luk ngeluun ineh na luk idi Allah kuanneh. Iamo' lemulun luk lutep bang bada' ineh, lemulun ineh luk kuan Taman idi Anak ineh pana'.

BALA LUK LINIO 2:18

“Kuan melaikat sidang déi' Tiatira do' ngayud kudeng ini: “ini bala Anak Allah, luk matehNeh mepad kudeng budung apui, idi kukudNeh mepad kudeng tekaling luk mesilo.