YAHYA 1:3 - BALA LUK DO'

³ Rat Neneh Allah nemudut luk amung-amung, idi na luk idi anun-anun pana' luk pangeh pinudut baken ratnan Ieh.

YAHYA 1:3 Iomraidhean Croise

PUDUT 1:1

Kareb Allah nengimun mudut tana' idi amung-amung luk bang langit,

PUDUT 1:26

Idi Allah nepebala, “Do' Tau mudut lemulun maya' ayu Tau, pelé ieh ngimet amung-amung lawid, suit, pung luk melayo, idi pung luk meliput, luk rayeh idi luk isuut teh.”

NANI UBUR 102:25

Iko pangeh nemudut tana' ini mon, idi dengan ticu'Mu sebuleng, Iko nenganau' langit teh.

NANI UBUR 33:6

Ratnan ecdukNeh Tuhan nemudut langit, aco, bulan, idi gituen dengan balaNeh mo'.

BALE' 8:30

Ui idi iringNeh mepad kudeng lun luk mileh mudut, ui luk inanNeh mawang niat anid-anid aco, ui megéi' mawang niat pa kiungNeh.

YESAYA 45:12

Ui ini luk nemudut tana' ini, idi luk nemudut lemulun luk tudo su ini. Dengan laludKu Ui nemalad langit. Ui luk ngimet aco, bulan, idi gituen.

YESAYA 45:18

Tuhan nemudut amung langit — Ieh sebuleng mo' luk Allah! Ieh nenganau' tana' ini pad ieh meraben! Na Ieh nemudut ineh ku su luk ali-ali, iamo' ku su luk inan lemulun tudo. Ieh ineh luk pebala, “Ui ini Tuhan, idi na Allah baken rat Negku.

YAHYA 1:10

Bala ineh pangeh idi bang tana' ini. Idi Allah nemudut tana' ini ratnan Ieh, iamo' tana' ini na nengiti Neneh;

YAHYA 1:2

Rat pun-pun Bala ineh idi dengan Allah.

1 KORINTUS 8:6

iamo' kuan tau inan Sebuleng mo', ieh ineh Allah Taman, idi luk amung-amung rat Neneh mo' punneh, idi tau pana' kuanNeh, idi Tuhan pana' Sebuleng teh, ieh ineh Yésus Keristus, ngaceku luk amung-amung rat Neneh punneh, idi tau pana' mulun rat Neneh teh.

EPESUS 3:9

idi ngegala' kuan amung lemulun kudeng apeh pian Allah luk inalum miak uen ngacing. Allah luk nemudut luk amung-amung pangeh nenapung ineh tuda'-tuda' io,

IBERANI 11:3

Idi ratnan anu, tau kali' amung tana' ini pangeh pinudut dengan bala Allah, pad amung-amung luk siren tau pangeh pinudut ratnan luk na miak siren.

1 YAHYA 5:1

Idé-idé luk manu idi Yésus ineh Keristus, idi lemulun ineh tinganak ratnan Allah, idi idé-idé luk mawa inan Taman, ieh pana' mawa inan anakNeh teh.

BALA LUK LINIO 3:14

“Kuan melaikat sidang luk déi' Laudikia, do' ngayud kudeng ini: “Ini bala rat Neneh luk ngadanNeh Amin, ieh ineh Lun Nekali' luk lutep maya' jani' idi luk matu, idi Luk Pun-pun ratnan amung-amung pudut Allah.

BALA LUK LINIO 4:11

“O Tuhan idi Allah kai, Iko mayu ngimet rayeh, dita', idi lalud. Ngaceku Iko nemudut luk amung-amung, idi dengan pinianMu amung-amungdeh pangeh inau' idi pangeh mulun teh.”