YAHYA 1:26 - BALA LUK DO'

²⁶ Idi kebala Yahya, “Ui ini ngerereb dengan abpa' mo', iamo' arang uned muyuh inan Seburur Lemulun luk na muyuh miti,

YAHYA 1:26 Iomraidhean Croise

MATIUS 3:11

Ui ngerereb nemuyuh bang abpa', mangun ku tanu' muyuh pangeh nuren, iamo' Ieh luk macing muci rat negku ngerereb nemuyuh ku Roh Meligan idi apui. Ieh meluun lalud ratnan ui, idi ngiding kasutNeh pana' ui na mayu.

MATIUS 3:6

Idi ideh nengamo sala'deh, idi Yahya nengerereb nedeh bang Abpa' Yarden.

MARKUS 1:8

Ui ngerereb nemuyuh bang abpa'; iamo' Ieh miak ngerereb nemuyuh ku Roh Meligan.”

LUKAS 3:16

Idi kebala Yahya nedeh, “Ui ini ngerereb nemuyuh ku abpa'; iamo' inan teh Seburur Lemulun luk macing muci, ieh ineh luk meluun lalud rat negku; idi neka abet kasutNeh pana' ui na mayu. Idi Ieh sikal ngerereb nemuyuh ku Roh Meligan idi apui

YAHYA 16:3

Amung-amung ini miak ruendeh, ngaceku na ideh miti Taman idi Ui teh.

YAHYA 17:25

O Ama' luk matu, tana' ini na miti Namu, iamo' Ui ini miti Namu, idi ideh pana' pangeh nekali' ratnan Iko luk nengecuk Negku.

YAHYA 17:3

Ini ulun luk meruked, ieh ineh pad ideh miti Namu, Allah luk Sebuleng idi matu, idi Yésus Keristus luk Iko nengecuk ineh.

YAHYA 8:19

Idi keburi'deh Neneh, “Iapehké TamanMu?” Idi kebala Yésus, “Muyuh na miti Negku idi TamanKu pana' muyuh na miti. Kudeng muyuh miti Negku, kali' rungen muyuh miti TamanKu teh.”

KEKAMEN RASUL-RASUL 1:5

Yahya nengerereb dengan abpa', iamo' na mio teh muyuh ini rerebpen dengan Roh Meligan.”

KEKAMEN RASUL-RASUL 11:16

Idi ui nengerawé ratnan bala Tuhan, ‘Sagan pana' Yahya nengerereb bang abpa', iamo' muyuh ini miak rerebpen bang Roh Meligan.’

KEKAMEN RASUL-RASUL 19:4

Idi keburi Paulus, “Yahya ineh nengerereb nelun luk uren mo'. Ieh nemada nelun Israil, pad ideh manu Neneh luk macing muci rat neneh, ieh ineh Yésus.”

1 YAHYA 3:1

Siruh, kudeng apeh kirayehneh awa Taman luk pangeh biré kuan tau pad amung-amung tau miak tetanen ku anak-anak Allah: idi kali' rungen tau ini anakNeh. Idi ini punneh tana' ini na ngiti netau, ngaceku tana' ini na ngiti Allah.