YAHYA 1:19 - BALA LUK DO'

¹⁹ Lun rayeh-rayeh lun Yahudi déi' Yerusalim nengecuk imam-imam idi lun Liwi amé' ngitun Yahya, kebaladeh, “Idéké iko ini?”

YAHYA 1:19 Iomraidhean Croise

YAHYA 1:7

Ieh iacing pad mada' lemulun ratnan acang ineh. Ieh nemada' ratnan ineh pad amung-amung lemulun miak ninger idi manu ku acang ineh.

YAHYA 10:24

Idi lun Yahudi nepamung libut-libutNeh idi kebaladeh, “Anunké kinioneh teh Iko ngagau niat kai? Kudeng Iko ini Keristus, mala kuan kai dengan megala'.”

YAHYA 10:31

Sekua'teh lun Yahudi nengamung batu sikal mitung Neneh.

YAHYA 11:19

Idi mula' lun Yahudi pangeh nengikak ni Marta idi Mariam sikal ngubuk nedidueh, ngaceku kinanak didueh Lasarus ineh pangeh naté.

YAHYA 2:18

Idi lun rayeh-rayeh Yahudi nengedaluh Yésus, kebaladeh, “Anunké tanu' luk miak ruenMu pad ngegala' laludMu kuan kai?”

YAHYA 2:20

Idi keburi'deh, “Apat ngepulu' anem lak kinioneh lemulun mudut Ruma' Allah ini. Miakké Iko mudut neneh bang teluh aco mo'?”

YAHYA 5:10

Ngaceku ineh lun Yahudi nepebala kuan lemulun luk dino' ineh, “Aco sini Aco luk inan Mudeng, bibpeng kuanmu na miak nguit ugammu ineh.”

YAHYA 5:15

Idi lemulun ineh iné' mada' nelun Yahudi ratnan Yésus luk nengedo' neneh ineh.

YAHYA 5:16

Ngaceku ineh lun Yahudi nengimun ngedereh Yésus, ngaceku Ieh nenganau' luk kudeng ineh kareb Aco luk inan Mudeng.

YAHYA 5:18

Ngaceku ineh lun Yahudi meluun tueh nakap dalan sikal ngaté Neneh, baken ngaceku ngelaba ukum Aco luk inan Mudeng mo', iamo' ngaceku Ieh nemala Allah ineh TamanNeh, idi maad bururNeh dengan Allah.

YAHYA 6:41

Idi lun Yahudi ngedureng Neneh, ngaceku Ieh nepebala, “Ui ini Ruti luk netemurun rat surga.”

YAHYA 6:52

Idi lun Yahudi nepekedaluh arangdeh sebuleng idi nepebala, “Kudeng apehké lun ini miak amré bururNeh kenen kai?”

YAHYA 7:1

Muci ratnan ineh Yésus nenalan déi' tana' Galilia. Ieh na sikal lemaba bawang Yudia, ngaceku lun Yahudi nakap dalan sikal ngaté Neneh.

YAHYA 7:11

Lun Yahudi nenakap Neneh bang irau ineh idi nepebala, ‘Iapehké Ieh?”

YAHYA 7:15

Idi lun Yahudi mawa, keburi'deh, “Kudeng apehké lemulun ini kali' surat dengan na nesibada'?”

YAHYA 8:22

Idi keburi' lun Yahudi, “KebalaNeh, ‘Muyuh na miak macing su luk inanKu amé'.’ Ieh sikal peripatéké?”

YAHYA 8:48

Idi lun Yahudi nengor bala Yésus, keburi'deh, “Bakenké matu luk bila kai, Iko seburur lun Samaria, idi Iko sinuet ada'?”

YAHYA 8:52

Idi keburi' lun Yahudi Neneh, “Nekini kai kali' idi Iko sinuet ada'. Ibrahim idi amung-amung nabi pangeh naté. Iamo' Iko ini pebala, ‘Kudeng idé lemulun maya' balaKu na ieh miak maté.’

YAHYA 8:57

Idi keburi' lun Yahudi Neneh, “UlunMu nateh limeh ngepulu' lak, idi Iko pangeh nenier Ibrahimké?”

KEKAMEN RASUL-RASUL 13:25

Kareb uned Yahya mangeh kekamenneh, idi kebalaneh, ‘Muyuh ngerawé idéké ui ini. Ui ini baken Luk uen muyuh nganét. Nier tau luk mangun muci! Inan Selemulun luk macing muci rat negku ini, idi ui na mayu ngelengu kasut ratnan kukudNeh.’

KEKAMEN RASUL-RASUL 19:4

Idi keburi Paulus, “Yahya ineh nengerereb nelun luk uren mo'. Ieh nemada nelun Israil, pad ideh manu Neneh luk macing muci rat neneh, ieh ineh Yésus.”

BADA' RATNAN UKUM 24:8

“Matar do'-do' ratnan ét susud, pad iko nginita do'-do' amung-amung luk bida' imam-imam Liwi kuanmu, idi mepad kudeng ui memada' nedeh, kudeng ineh teh do' iko mada' kuandeh.

1 YAHYA 1:5

Idi ini bada' AnakNeh luk pangeh pindenger kai rat Neneh, idi mada' kuan muyuh teh: idi Allah, Ieh ineh acang idi na tu-tu inan dacem bang Neneh.