YAHYA 1:18 - BALA LUK DO'

¹⁸ Seburur pana' nateh luk nenier Allah iamo' Anak buleng ineh luk idi dengan Allah, idi luk tudo iring Taman, Ieh luk pangeh nengegala' Neneh.

YAHYA 1:18 Iomraidhean Croise

PUDUT 16:13

Idi kebala Hagar, “Matuké ui pangeh nenier Allah, idi mulun teh?” Idi ieh neneten ngadan Tuhan luk nepebala nneh ineh, “Allah luk Nier.”

PUDUT 18:33

Kareb Ieh pangeh nepebala kuan Ibrahim, idi Tuhan neburo. Idi Ibrahim pana' nuli'.

PURA' 23:21

Ninger idi maya' balaneh. Idi aleg muyuh metueh rat neneh, ngaceku na ieh maré do' ku sala' muyuh. Ngaceku ngadanKu idi neneh.

PURA' 24:10

Idi ideh nenier Allah lun Israil. Idi pa liang kukudNeh inan aceh luk kudeng tapin ratnan batu luk mebata' langit.

BALE' 8:30

Ui idi iringNeh mepad kudeng lun luk mileh mudut, ui luk inanNeh mawang niat anid-anid aco, ui megéi' mawang niat pa kiungNeh.

YESAYA 40:11

Ieh matar pupuNeh mepad kudeng lun luk matar dumba; Ieh ngamung anak dumbaNeh, idi ngabin nedeh; idi teh Ieh nguyut tinandeh ulai-ulai.

TIDO YEREMIA 2:12

Kebaladeh nan tinandeh, “Iapehké nuba'?” Ideh mebpeh luun dalan, mepad kudeng lun nurat, idi maté bang abin tinandeh.

IAP 12:8

Idi Ui pebala petutup neneh, dengan bala luk megala', baken dengan luk pinginud. Idi ieh pangeh nenier ayuKu. Kudeng apeh medueh na matot ngedat ni Musa demulunKu ini?”

MATIUS 11:27

“TamanKu pangeh nemaré Negku luk amung-amung idi seburur pana' na miti Anak, iamo' Taman mo', idi seburur pana' na miti Taman, iamo' Anak mo', idi teh lemulun luk pinili' Anak, ieh luk miak badénNeh ratnan Allah.

LUKAS 10:22

“Luk amung-amung pangeh biré Taman kuanKu, idi seburur pana' na miti Anak ineh, iamo' Taman mo', idi seburur pana' na miti Taman ineh, iamo' Anak mo', idi teh lemulun luk pinili' Anak, ieh luk miak badénNeh ratnan Allah.”

YAHYA 1:14

Bala ineh pangeh mangun ku lemulun idi netudo arang tau. Tau pangeh nenier rayehNeh luk mepanu' ku katu idi luk matu. Ieh ineh rayeh luk ilapNeh ngaceku Ieh Anak sebuleng Allah Taman.

YAHYA 12:41

Yésaya nepebala kudeng ini ngaceku ieh pangeh nenier rayeh Yésus idi nepebala ratnan Ieh.

YAHYA 13:23

Seburur rat arang anak-anak sekola' Yésus, ieh ineh luk inanNeh mawa, netudo iring Yésus.

YAHYA 14:9

Idi kebala Yésus neneh, “O Pilipus, tuda'-tuda' io Ui tudo dengan muyuh, idi nateh iko miti Negku? Lemulun luk pangeh nenier Negku, ieh pangeh nenier Taman teh. Kudeng apehké balamu, ‘Mada' Taman ineh siren kai’?

YAHYA 17:26

Ui nengegala' Namu kuandeh, idi Ui sikal ngegala' Namu teh, pad awa luk mepad kudeng awaMu kuanKu ineh, lutep bang nedeh, idi Ui pana' lutep bang nedeh teh.”

YAHYA 17:6

“Ui pangeh nengegala' ngadanMu kuan lemulun bang tana' ini luk biréMu kuanKu. Ideh kuanMu, idi Iko nemaré nedeh kuanKu, idi ideh pangeh nemaya' balaMu.

YAHYA 3:11

Matu, Ui pebala namu, kai pebala ratnan luk kali' kai, idi kai mada' ratnan luk sinier kai, iamo' na muyuh pian ngalap bala kai ineh.

YAHYA 6:46

Baken ilungneh seburur lemulun pangeh nenier Taman, iamo' Ieh luk nacing ratnan Allah pangeh nenier Taman ineh.

2 KORINTUS 4:4

Idi raca' tana' ini pangeh nengebuser mateh niat lemulun luk na manu ineh, pad ideh na miak macang ku acang Bala luk Do' ratnan rasat Keristus, ieh ineh ayun Allah.

BADA' RATNAN UKUM 4:12

Idi Tuhan nepebala nemuyuh rat bang apui ineh. Idi uni bala ineh pangeh pindenger muyuh. Iamo' na muyuh nenier aceh ayu anun-anun, iamo' neninger uni tang mo' sebuleng.

KOLOSE 1:15

Idi Keristus luk mangun ku ayu Allah luk na sinier ineh, ieh ineh Anak luk Atun ratnan amung-amung luk pinudut.

1 TIMOTIUS 1:17

Idi amung-amung dita' idi rayeh kuan Raca' luk meruked, luk na miak maté, idi luk na miak siren, ieh ineh Allaah luk Sebuleng, ruked-ruked peh! Amin.

1 TIMOTIUS 6:16

Ieh sebuleng mo' na miak maté. Ieh tudo bang acang luk na miak mesier, luk na tu-tu sinier idi luk na miak siren seburur lemulun. Amung-amung ubur idi lalud kuanNeh, ruked-ruked! Amin.

YUSAK 5:13

Idi kareb Yusak muneng ku Yeriko, idi ieh nenier aceh Burur luk ngimet aceh pelapet pa atunNeh. Idi Yusak iné' matun Neneh, kebalaneh, “Iko lun dengan kaiké, kian lun munu' lek?”

1 YAHYA 4:12

Seburur lemulun pana' nateh nenier Allah. Kudeng tau mawa seburur dengan seburur idi Allah mulun bang netau, idi awaNeh ineh riniput bang netau.

1 YAHYA 4:20

Kudeng idé lemulun luk pebala, “Ui mawa inan Allah,” iamo' ieh megateh inan kinanakneh, idi lemulun ineh mebalih, ngaceku lemulun luk na mawa inan kinanakneh luk sirenneh, idi na ieh miak mawa inan Allah luk nateh sinierneh.

1 YAHYA 4:9

Kudeng ini lawéneh Allah nengegala' awaNeh kuan tau: Ieh pangeh nengecuk AnakNeh luk sebuleng semuet bang tana' ini pad rat Neneh ineh tau miak ngalap ulun.

1 YAHYA 5:20

Tau kali' Anak Allah pangeh nacing idi pangeh nemaré ileh kuan tau pad tau miak ngiti Allah luk matu; idi tau ini idi bang Allah luk matu, ieh ineh bang AnakNeh, Yésus Keristus. Idi Ieh ineh Allah luk matu, idi ieh ineh ulun luk meruked.