YAHYA 1:17 - BALA LUK DO'

¹⁷ Allah nemaré Ukum dengan tang Musa, iamo' katu idi luk matu pangeh nacing ratnan Yésus Keristus.

YAHYA 1:17 Iomraidhean Croise

PUDUT 22:18

idi ratnan inulmu amung-amung pupu luk bang tana' ini miak ngalap peruan, ngaceku iko nemaya' balaKu.”

PUDUT 3:15

Idi Ui nganau' aceh bunu' arangmu dengan decur ineh, idi arang inulmu dengan inulneh. Idi Ieh miak ngeradu' uluhmu, idi iko miak nicuk tumidNeh.”

NANI UBUR 85:10

Awa idi luk lutep maya' jani' miak mepamung, siri idi pedo' miak mepapu'.

NANI UBUR 98:3

Ieh nemaya' jani'Neh kuan lun Israil, idi lutep mawa nedeh. Amung lemulun aput tana' pangeh nenier tueh Allah tau.

MIKA 7:20

Iko miak ngegala' idi Iko lutep maya' jani'Mu idi lutep bang awaMu kuan pupuMu Israil luk inul Ibrahim, maya' kudeng luk pijani'Mu kuan tepun kai bang kareb luk mon.

YAHYA 1:14

Bala ineh pangeh mangun ku lemulun idi netudo arang tau. Tau pangeh nenier rayehNeh luk mepanu' ku katu idi luk matu. Ieh ineh rayeh luk ilapNeh ngaceku Ieh Anak sebuleng Allah Taman.

YAHYA 14:6

Keburi' Yésus neneh, “Ui ini dalan idi Luk Matu idi Ulun. Seburur pana' na macing inan Taman, kudeng na ratnan Negku.

YAHYA 18:37

Idi keburi' Pilatus Neneh, “Iko pana' seburur raca ké?” Idi kebala Yésus, “Matu kudeng buri'mu, Ui ini seburur raca' Ini punneh Ui pangeh tinganak, idi nacing bang tana' ini pad Ui maré kali' ratnan luk matu. Idé-idé luk geregan ku luk matu ineh, ieh luk ninger balaKu.”

YAHYA 5:45

Aleg muyuh ngerawé Ui ini sikal ngadu' nemuyuh pa kiung Taman ineh. Inan selemulun luk ngadu' nemuyuh, ieh ineh Musa luk inan muyuh merapet.

YAHYA 7:19

Naké Musa nemaré Ukum kuan muyuh? Idi na luk idi seburur pana' rat arang muyuh luk maya' Ukum ineh. Anunké punneh muyuh nakap dalan sikal ngaté Negku?”

YAHYA 8:32

idi muyuh miak kali' luk matu, idi luk matu ineh miak muit nemuyuh.”

YAHYA 9:29

Kai kali' idi Allah pangeh nepebala kuan Musa; iamo' ratnan lemulun ini kai na kali' rat iapeh Ieh nacing.”

KEKAMEN RASUL-RASUL 28:23

Kareb ideh pangeh nengeletep aceh aco dengan Paulus, idi pelaba ula' lemulun nacing su luk inanneh tudo ineh. Idi ieh nemada' bala ineh kuandeh rat pekak macing malem idi nemada' luk nekali'neh ratnan Imet Allah. Ieh nenutun ngegala' kuandeh ratnan Yésus, do' rat bang Ukum Musa idi rat bang surat nabi-nabi.

KEKAMEN RASUL-RASUL 7:38

Musa ineh luk nengedengan nelun pupu Israil déi' su luk ali-ali. Ieh idi déi' dengan tepun tau idi melaikat luk nepebala neneh déi' Pegkung Sinai ineh. Idi Allah nemaré kuanneh bala luk mulun, luk uenneh ngacing kuan tau.

SURAT LUK BIRE PAULUS KUAN LUN RUM 6:14

Aleg nima' sala' mangun ku raca' bang ulun muyuh, ngaceku muyuh baken pa liang Ukum iamo' pa liang katu Allah.

2 KORINTUS 1:20

Ngaceku Keristus, Allah pebala, “Mo” kuan amung-amung jani'Neh. Ineh punneh tau mala “Amin” teh ratnan Yésus Keristus, pad Allah uen ngerayeh.

GALATIA 3:17

Ini ilung balaku: Allah nenganau' aceh jani', idi nepejani' maya' ineh. Ukum luk nacing apat ngeratu teluh ngepulu' lak muci ratnan ineh na miak ngusag pejani' ineh, idi ngagka' jani' Allah.

BADA' RATNAN UKUM 33:4

Idi Musa nengacing ukum ineh kuan kai, mangun ku bada' luk do' kuan tebubpun Yakub.

BADA' RATNAN UKUM 4:44

Idi ini ukum Allah luk biré Musa kuan lun Israil.

BADA' RATNAN UKUM 5:1

Idi Musa nengamung amung lun Israil, idi kebalaneh nedeh, “Ninger muyuh, O lun Israil, amung bada' ratnan ukum luk belénku nemuyuh aco sini. Idi do' muyuh nginita amung ineh idi maya' ineh.

IBERANI 9:22

Maya' Ukum lélé amung-amung pangeh biru' ku dara', idi baken ratnan ngeruat dara' na luk idi dalan ngalap do' ratnan sala'.