YAHYA 1:15 - BALA LUK DO'

¹⁵ Yahya nemare kali' ratnan Yésus, idi nengitang, kebalaneh, “Ini Lemulun luk bilaku miak macing muci rat negku. Iamo' Ieh meluun rayeh rat negku, ngaceku Ieh pangeh idi kareb nateh ui tinganak.”

YAHYA 1:15 Iomraidhean Croise

BALE' 8:22

“Tuhan nemudut negku pun-pun, atun ratnan kekamenNeh luk mon.

YESAYA 9:6

Anak ineh tinganak kuan tau, Anak deléi pangeh biré kuan tau! Idi amung-amung lalud uen ngerareng luun tudungNeh. Ieh miak tetanen “Luk Nan Mawa,” “Lun luk ngimet,” “Allah luk Melalud,” “Taman luk Meruked,” idi “Raca' Awang.”

MIKA 5:2

“O Baitlahim Eprata, iko aceh bawang luk meluun isuut déi' Yahuda. Iamo' Ui nguit aceh Raca' rat namu kuan lun Israil, luk inul tetek ruma'deh rat mon.”

MATIUS 3:11

Ui ngerereb nemuyuh bang abpa', mangun ku tanu' muyuh pangeh nuren, iamo' Ieh luk macing muci rat negku ngerereb nemuyuh ku Roh Meligan idi apui. Ieh meluun lalud ratnan ui, idi ngiding kasutNeh pana' ui na mayu.

MARKUS 1:7

Kebalaneh nelun mula', “Muci rat negku ini miak macing Seburur Lemulun teh luk meluun lalud rat negku. Neka abet kasutNeh pana' ui na mayu.

LUKAS 3:16

Idi kebala Yahya nedeh, “Ui ini ngerereb nemuyuh ku abpa'; iamo' inan teh Seburur Lemulun luk macing muci, ieh ineh luk meluun lalud rat negku; idi neka abet kasutNeh pana' ui na mayu. Idi Ieh sikal ngerereb nemuyuh ku Roh Meligan idi apui

YAHYA 1:27

Ieh macing muci rat negku, idi neka abet kasutNeh pana' ui na mayu.”

YAHYA 17:5

Idi nekini, O Ama', ngerayeh Negku pa kiungMu sebuleng dengan rayeh luk Ui nekali' pa kiungMu kareb nateh tana' ini pinudut.

YAHYA 8:58

Idi kebala Yésus, “Matu, Ui pebala nemuyuh, kareb nateh Ibrahim tinganak, Ui ini pangeh idi.”

KOLOSE 1:17

Ieh pangeh idi kareb nateh luk amung-amung idi, idi amung-amung pangeh inau' lutep bang Neneh.

IBERANI 13:8

Yésus Keristus ineh na miak misu', do' so nilad, idi aco sini pana', idi ruked-ruked teh.

BALA LUK LINIO 1:11

Kebalaneh, “Do' iko ngayud luk sirenmu idi maré surat ineh kuan tudu' sidang ini: Epesus, Smirna, Pergamum, Tiatira, Sardis, Piladelpia, idi Laudikia.”

BALA LUK LINIO 2:8

“Kuan melaikat sidang luk déi' Smirna do' ngayud kudeng ini: “Ini bala rat Neneh luk Pun-pun idi luk Kekiped, luk pangeh naté, idi muli' mulun teh.