YAHYA 1:14 - BALA LUK DO'

¹⁴ Bala ineh pangeh mangun ku lemulun idi netudo arang tau. Tau pangeh nenier rayehNeh luk mepanu' ku katu idi luk matu. Ieh ineh rayeh luk ilapNeh ngaceku Ieh Anak sebuleng Allah Taman.

YAHYA 1:14 Iomraidhean Croise

NANI UBUR 2:7

Kebala raca', “Ui maré kali' luk bila Tuhan. Kebala Tuhan negku: ‘Iko anakKu. Aco sini Ui mangun ku TamanMu.

NANI UBUR 45:2

Iko meluun taga ratnan amung lemulun, iko pelaba ileh pebala; Allah ngeperuan namu ruked-ruked!

NANI UBUR 85:9

Kali' rungen Ieh temina' ngulun lemulun luk ngedita' Neneh, idi uburNeh miak lutep bang bawang tau.

YESAYA 40:5

Idi rayeh Tuhan miak uen ngegala', pad siren amung lemulun. Amung ineh pangeh pijani' Tuhan.”

YESAYA 53:2

Maya' pian Tuhan kuan DemulunNeh, Ieh temubu' mepad kudeng tibu pun inan uat bang tana' luk metugeh. Na Ieh metaga idi buren siren tau pad tau ngerawé Neneh.

YESAYA 7:14

Tuhan sebuleng miak maré aceh tanu' namu. Inan seburur anak adi' decur luk mali'. Ieh miak nenganak aceh anak deléi idi ieh nganau' ngadanNeh ‘Immanuél.’

YEHISKIEL 37:27

Ui miak tudo arangdeh idi mangun ku Allahdeh, idi ideh mangun ku pupuKu. Kareb Ui nganau' rumaKu arangdeh macing ruked-ruked, amung pupu miak kali' Ui ini Tuhan pangeh nengalap Israil kuanKu.”

MATIUS 1:16

Yakub nenginul Yusup, ieh ineh awan Mariam; idi Mariam nenganak Yésus luk titen Keristus.

LUKAS 2:11

Aco sini aceh Lun Ngulun pangeh tinganak kuan muyuh bang bawang Daud, ieh ineh Keristus Tuhan ineh.

LUKAS 2:7

Ieh nenganak aceh anak deléi, ieh ineh anak luk atun, idi ieh nengelabin Neneh ku kibung luk do' laya', idi nengerareng Neneh bang bau' sapi', ngaceku na luk idi luk inan kuan lemulun ineh bang ruma' sakai'.

LUKAS 9:32

Idi Pétrus idi lun denganneh uned rudap, iamo' kareb diteluh nekulat idi diteluh nenier rayeh Yésus idi dueh burur lemulun luk tuped iringNeh ineh.

YAHYA 1:1

Kareb nateh tana' pinudut, idi Bala ineh pangeh idi. Ieh idi dengan Allah, idi Ieh mepad dengan Allah teh.

YAHYA 11:40

Idi kebala Yésus neneh, “Bakenké Ui nepebala namu, kudeng iko manu iko miak nier rayeh Allah?”

YAHYA 14:6

Keburi' Yésus neneh, “Ui ini dalan idi Luk Matu idi Ulun. Seburur pana' na macing inan Taman, kudeng na ratnan Negku.

YAHYA 14:9

Idi kebala Yésus neneh, “O Pilipus, tuda'-tuda' io Ui tudo dengan muyuh, idi nateh iko miti Negku? Lemulun luk pangeh nenier Negku, ieh pangeh nenier Taman teh. Kudeng apehké balamu, ‘Mada' Taman ineh siren kai’?

YAHYA 17:22

Ui nemaré kuandeh rayeh luk pangeh biréMu Negku; pad ideh pana' mangun ku sebuleng, mepad kudeng Kiteh ini mangun ku sebuleng peh.

YAHYA 17:24

“O Ama', pianKu idi lemulun luk pangeh biréMu Negku ineh idi denganKu iapeh-iapeh luk inanKu, pad ideh miak nier rayehKu luk pangeh biréMu Negku, ngaceku Iko pangeh mawa Negku atun ratnan tana' ini pinudut.

YAHYA 18:37

Idi keburi' Pilatus Neneh, “Iko pana' seburur raca ké?” Idi kebala Yésus, “Matu kudeng buri'mu, Ui ini seburur raca' Ini punneh Ui pangeh tinganak, idi nacing bang tana' ini pad Ui maré kali' ratnan luk matu. Idé-idé luk geregan ku luk matu ineh, ieh luk ninger balaKu.”

YAHYA 2:11

Yésus nenganau' tanu' luk melalud luk pun-pun ini déi' Kana luk bang bawang Galilia; idi Ieh nengegala' rayehNeh déi', pad anak-anak sekola'Neh pana' manu Neneh.

YAHYA 3:16

Ngaceku Allah mawa kuan uang tana' ini, pad Ieh nemaré Anak bulengNeh, idi idé'-idé luk manu Neneh na miak maté, iamo' ieh ngalap ulun luk meruked.

YAHYA 3:18

Lemulun luk manu Neneh na miak kumin, iamo' lemulun luk na manu ineh kali' rungen pangeh inukum, ngaceku na ieh manu inan ngadan Anak buleng Allah ineh.

YAHYA 6:51

Ui ini Ruti luk mulun, luk temurun rat surga. Kudeng idé lemulun kuman ratnan Ruti ini, ieh miak mulun ruked-ruked. Idi Ruti luk barénKu ineh, ieh ineh bururKu. Ui maré ineh pad tana' ini ngalap ulun.”

YAHYA 8:32

idi muyuh miak kali' luk matu, idi luk matu ineh miak muit nemuyuh.”

KEKAMEN RASUL-RASUL 13:33

maya' kudeng luk pijani' Allah kuan mupun tau, kareb Ieh nenui Yésus. Idi kudeng ineh teh luk inayud bang Nani Ubur luk kedueh, ‘Iko ini AnakKu, idi bang aco sini Ui pangeh nenganak Namu.’

SURAT LUK BIRE PAULUS KUAN LUN RUM 8:3

Ukum ineh na miak ngagka' sala', ngaceku pinian burur lemulun luk melaya', iamo' Allah pangeh nengecuk AnakNeh sebuleng dengan ayu lemulun luk mesala' mangun ku baré ngaceku sala' ineh, pad ngukum sala' bang pinian burur.

SURAT LUK BIRE PAULUS KUAN LUN RUM 9:5

Ideh ineh inul tepun-tepun tau, idi rat arangdeh Keristus pangeh nangun maya' ayu lemulun. Do' Allah luk pa luun amung-amung, buren ruked-ruked! Amin.

1 KORINTUS 15:47

Adam luk atun ineh inau' ratnan tana', idi ieh nacing ratnan tana'; Adam luk kedueh ineh nacing rat surga.

2 KORINTUS 12:9

Idi balaNeh kuanku, “KatuKu petap kuanmu, ngaceku laludKu uen ngegala' bang laya'.” Ngaceku ineh dengan pelaba awang niat ui ngedita' bururku bang amung-amung laya'ku, pad lalud Keristus temurun luunku.

GALATIA 4:4

Iamo' pangeh karebneh meriput Allah nengecuk AnakNeh luk tinganak ratnan seburur decur idi luk inau' mebeneh pa liang Ukum lun Yahudi,

EPESUS 3:8

Idi kuanku ini luk pelaba dat rat arang amung-amung lun manu, katu ineh pangeh biré pad ui miak mada' Bala luk Do' kuan lun pupu baken ratnan do' Keristus luk na kekipedneh,

KOLOSE 1:19

Ngaceku pangeh nepetulu dengan pian Allah, ratnan amung-amung luk meligan ineh inau' pamung bang Anak ineh.

KOLOSE 2:3

Keristus ineh taka luk ngukab amung-amung ileh idi do' kali' Allah luk inalum mepad kudeng binaweh luk meraga.

KOLOSE 2:9

Ngaceku bang Keristus amung-amung riput luk meligan ratnan Allah pamung dengan ayu burur.

1 TIMOTIUS 3:16

Idi rayehneh luk inalum ineh ratnan baya' tau na miak belén. Ieh pangeh linigan bang burur lemulun, idi inau' matu ratnan Roh, idi ginala' kuan melaikat-melaikat. Ieh bida' arang amung-amung pupu, idi inan merapet bang tana', idi inuit umak dengan rayeh.

IBERANI 1:3

Ieh merasat ku rasat rayeh Allah; Ieh mepad ayu dengan ulun Allah. Ieh ngimet luk amung-amung dengan balaNeh luk melalud. Kareb Ieh pangeh nengiu' amung-amung sala', idi Ieh netudo pa tinueh Luk Meluun Rayeh déi' dita'.

IBERANI 1:5

Ngaceku Allah na nepebala nan melaikat-melaikatNeh, “Iko ini AnakKu; Aco sini Ui nenganak Namu.” Idi teh, Allah na nepebala inan seburur melaikat, “Ui ini mangun ku TamanNeh, idi Ieh pana' mangun ku AnakKu.”

IBERANI 10:5

Ini punneh kareb Keristus ineh nesemuet bang tana', idi kebalaNeh kuan Allah, “Luk kereten idi baré na Iko pian, iamo' Iko pangeh nenganau' temina' aceh burur kuanKu.

IBERANI 2:11

Ngaceku Luk ngeligan idi luk linigan ineh pana', amung-amung ineh ratnan Sebuleng mo' punneh; idi ini punneh Ieh na migu' neten nedeh kinanak,

IBERANI 5:5

Kudeng ineh teh Keristus pana', na Ieh nengerayeh bururNeh pad Ieh mangun ku Imanm Rayeh, iamo' Allah luk nepebala Neneh, “Iko ini AnakKu; Aco Sini Ui mangun ku TamanMu.”

1 YAHYA 4:14

Kai pangeh nenier, idi maré kali', ratnan Taman ineh pangeh nengecuk AnakNeh mangun ku Lun Nengulun tana' ini.

1 YAHYA 4:9

Kudeng ini lawéneh Allah nengegala' awaNeh kuan tau: Ieh pangeh nengecuk AnakNeh luk sebuleng semuet bang tana' ini pad rat Neneh ineh tau miak ngalap ulun.

2 YAHYA 1:7

Mula' lun luk ngeraruh pangeh neremuat iné' aput-aput tana', luk na ngamo Yésus Keristus pangeh nacing mangun ku lemulun. Lemulun ineh ngeraruh nelun, idi ideh ineh bunu' Keristus.

BALA LUK LINIO 19:13

Idi Ieh inan kuyuh' luk pangeh rireb bang dara'. Idi Ieh tetanen “Bala Allah.”

BALA LUK LINIO 21:3

Ui neninger aceh arod luk rayeh rat bang kerusi ineh kebalaneh, “Ngerawé do'-do'! Su luk inan Allah mudeng nekini idi pad-pad dengan lemulun! Ieh miak tudo pad-pad dengan lemulun idi ideh miak amngun ku pupuNeh. Allah sebuleng miak tudo dengandeh, idi mangun ku Allahdeh.