YAHYA 1:12 - BALA LUK DO'

¹² Iamo' kuan lemulun luk nengalap idi manu Neneh, Ieh nemaré lalud pad ideh mangun ku anak-anak Allah.

YAHYA 1:12 Iomraidhean Croise

SEMUIL LUK KEDUEH 7:24

Idi Iko pangeh nengeletep pupuMu Israil mangun ku aceh pupuMu macing ruked-ruked. Idi Iko, O Tuhan, pangeh mangun ku Allahdeh.

YESAYA 56:5

kali' rungen ngadan muyuh meluun teruayen bang Ruma'Ku idi arang pupuKu, sagan tu pana' muyuh na anak. Na tu ngadan muyuh mekelupan ruked-ruked.”

YEREMIA 3:19

Kebala Tuhan, “O Israil, Ui pangeh nengerawé namu mangun ku anakKu, pad Ui miak maré tana' luk do' kuanmu, luk meluun do' bang tana' ini. Ui nengerawé iko neten Negku Tamanmu idi na lemubed rat Negku baruh peh.

HOSIA 1:10

Lun Israil miak mepad kudeng bada déi' tangeb abpa' rayeh, ieh ineh na mekiap. Pangeh bila nedeh, “Muyuh ini baken pupuKu,” iamo' muci bala ini miak belén nedeh, “Muyuh ini anak-anak Allah lun mulun!”

MATIUS 10:40

“Lemulun luk nganak nemuyuh, ieh teh luk nganak Negku, idi lemulun luk nganak Negku, ieh teh luk nganak Neneh luk nengecuk Negku.

MATIUS 12:21

idi amung pupu miak merapet Neneh.”

MATIUS 18:5

Idi idé-idé luk nganak anak luk isuut luk kudeng ini bang ngadanKu, ieh nganak Negku teh.

YAHYA 1:11

Ieh nacing inan pupuNeh sebuleng, iamo' pupuNeh ineh na pian ngalap Neneh.

YAHYA 1:7

Ieh iacing pad mada' lemulun ratnan acang ineh. Ieh nemada' ratnan ineh pad amung-amung lemulun miak ninger idi manu ku acang ineh.

YAHYA 11:52

idi baken ku libal pupu ineh mo', iamo' pad amung-amung anak Allah luk mepatad-patad ineh pana' uenNeh ngamung mangun ku sebuleng.

YAHYA 2:23

Kareb Yésus déi' Yerusalim kareb Irau Paska, mula' lemulun manu inan ngadanNeh, ngaceku ideh pangeh nenier amung-amung tanu' luk inau'Neh.

YAHYA 20:31

Amung-amung ini pangeh inayud, pad muyuh miak manu, idi Yésus ineh Keristus, Anak Allah, pad muyuh luk manu ineh miak ngalap ulun bang ngadanNeh.

YAHYA 3:18

Lemulun luk manu Neneh na miak kumin, iamo' lemulun luk na manu ineh kali' rungen pangeh inukum, ngaceku na ieh manu inan ngadan Anak buleng Allah ineh.

KEKAMEN RASUL-RASUL 3:16

Dengan lalud ngadan Yésus, lun luk meliai ini inau' metueh. Luk sinier muyuh idi luk initi muyuh pangeh mangun ngaceku anu nan ngadanNeh ineh. Anu inan Yésus nengedo' lemulun ini pa kiung amung muyuh.

SURAT LUK BIRE PAULUS KUAN LUN RUM 8:14

Lemulun luk kiuten Roh Allah, ieh ineh anak-anak Allah.

SURAT LUK BIRE PAULUS KUAN LUN RUM 8:16

Roh Allah ineh maré kali' dengan roh tau, ratnan tau ini anak-anak Allah.

SURAT LUK BIRE PAULUS KUAN LUN RUM 8:19

Dengan rapet luk rayeh amung-amung luk pinudut nganét anak-anak Allah uen ngegala'.

GALATIA 3:26

Amung-amung muyuh anak-anak Allah ngaceku ratnan anu Keristus Yésus.

GALATIA 4:6

Ngaceku muyuh mangunku anak-anak, idi Allah pangeh nengecuk Roh AnakNeh semuet bang niat tau luk nawar, “Ama', O Ama'!”

KOLOSE 2:6

Muyuh pangeh nengalap Keristus Yésus Tuhan tau. Ngaceku ineh, do' ulun muyuh lutep bang Neneh.

2 PETRUS 1:4

Dengan dalan ineh Ieh pangeh nemaré amung baré luk pelaba do' idi luk meluun rayeh ineh luk pijani'Neh kuan tau, pad dengan baré ineh muyuh inan babpat bang ulun Tuhan, pad muit burur muyuh ratnan luk melu luk idi bang tana' ngaceku ratnan pinian burur.

1 YAHYA 3:1

Siruh, kudeng apeh kirayehneh awa Taman luk pangeh biré kuan tau pad amung-amung tau miak tetanen ku anak-anak Allah: idi kali' rungen tau ini anakNeh. Idi ini punneh tana' ini na ngiti netau, ngaceku tana' ini na ngiti Allah.

1 YAHYA 3:10

Ini tanu'neh anak-anak Allah idi anak-anak Iblis pana'. Idé-idé luk na nganau' luk matu ineh baken ieh anak Allah, kudeng ineh teh lemulun luk na mawa inan kinanakneh.

1 YAHYA 3:2

O amung-amung luk inanku mawa, nekini tau ini anak-anak Allah, idi nateh tau kali' kudeng apeh luk mangun kuan tau muci. Iamo' tau kali' idi kareb Ieh pangeh megala', tau pana' mepad kudeng Ieh, ngaceku tau nier Neneh mepad kudeng Ieh idi.

1 YAHYA 3:23

Ini ukumNeh, ieh ineh, do' tau manu inan ngadan AnakNeh Yésus Keristus, idi mawa seburur dengan seburur mepad kudeng luk icuk Keristus kuan tau.