YAHUDA 1:9 - BALA LUK DO'

⁹ Iamo' Mikail, lun rayeh melaikat ineh pana' na nenganau' kudeng ineh. Kareb ieh nepekedaluh dengan Iblis, idi didueh nepesaad ratnan idé luk miak ngalap butung Musa, idi na Mikail mekuu' ngukum Iblis dengan nguyo neneh, iamo' keburi'neh, “Aganeh Tuhan mebpeng namu!”

YAHUDA 1:9 Iomraidhean Croise

INUL LUK PUN-PUN 12:17

Idi Daud iné' matun nedeh, kebalaneh, “Kudeng muyuh amé' matun negku dengan do' sikal nengan negku, ui mawang niat nemuyuh. Iamo' kudeng muyuh pian maré negku kuan bunu'ku, sagan tu pana' na sala'ku, idi do' Allah tepun tau nier ratnan lawé ineh pad Ieh ngukum nemuyuh.”

PURA' 22:28

“Aleg iko nguyo Allah, idi aleg iko ngediman aceh lun rayeh pupumu.

DANIEL 10:13

Iamo' melaikat luk dat luk matar imet Parsi sikal metueh rat Negku kinio dueh ngepulu' aceh aco. Pangeh ineh Mikail, seburur rat arang melaikat luk rayeh, iné' ngedengan Negku, ngaceku Ui tican buleng-buleng déi' bang imet Parsi.

DANIEL 12:1

“Kareb ineh, Mikail, melaikat luk rayeh ineh luk matar pupumu miak silagan. Idi kareb ineh inan mula' susa', luk meluun dat ratnan luk nekali' pupu ineh rat pun-pun. Kareb ineh amung pupumu, luk kuan ngadan inayud bang Surat Allah miak uen ngulun.

SEKARIA 3:2

Idi kebala melaikat Tuhan kuan Sétan ineh, “Do' Tuhan ngukum namu O Sétan. Do' Tuhan luk mawa inan Yerusalim ngukum namu. Lemulun ini mepad kudeng aceh kayuh luk ilap rat bang apui.”

MARKUS 15:29

Lemulun luk lemaba nenguyo Neneh idi uluhdeh tuka'-tuka', keburi'deh, “Neh! Iko luk ngusag Ruma' Allah idi mudut neneh bang teluh aco kinioneh!

BADA' RATNAN UKUM 34:6

Idi Tuhan nenanem neneh bang aceh ruan déi' tana' Moab petutup ku Bait Pior. Idi seburur pana' nateh kali' tanemneh macing aco sini.

1 TESALONIKA 4:16

Tuhan sebuleng miak temurun rat surga dengan uni tang luk rayeh, idi dengan uni tang lun rayeh melaikat, idi dengan uni serupit Allah. Idi amung-amung lemulun luk pangeh naté bang Keristus miak tumui atun.

1 PETRUS 3:9

Aleg muyuh ngua' dat dengan luk dat idi ngua' ngedat dengan ngedat, iamo' mutuh peruan, ngaceku ratnan luk kudeng ineh muyuh pangeh tinawar, pad muyuh galap peruan ku babpat muyuh.

2 PETRUS 2:11

Melaikat-melaikat pana' luk meluun tueh idi meluun lalud ratnan guru-guru luk mebalih ineh, na ideh nguyo nedeh pa kiung Tuhan.

BALA LUK LINIO 12:7

Idi mangun aceh bunu' déi' surga, Mikail dengan amung-amung melaikatneh pebunu' dengan galau, idi galau dengan amung-amung bawehneh pana' nepebunu'.