YAHUDA 1:7 - BALA LUK DO'

⁷ Ngerawé Sodom, Gemora, idi bawang-bawang luk pelengit bawang ineh, su luk inan lemulun nenganau' luk kikem melaikat ineh pana'. Ideh pasét, idi deléi dengan deléi nenganau' luk inandeh na pekalai. Ideh inukum ku apui luk meruked ineh, mangun ku luk pinginud kuan amung lemulun.

YAHUDA 1:7 Iomraidhean Croise

PUDUT 13:13

Idi lemulun bang bawang Sodom ineh pelaba dat idi pelaba sala' pa kiung Allah.

PUDUT 18:20

Idi kebala Tuhan ni Ibrahim, “Ngaceku adu' rat bawang Sodom idi Gemora pelaba rayeh idi sala'deh pelaba dat,

PUDUT 19:5

Idi ideh nenawar ni Lut, kebaladeh, “Iapehké lemulun luk nacing namu malem ini? Nguit nedidueh amé' nekai, pad kai pamung nedidueh.

RACA'-RACA' LUK PUN-PUN 22:46

Idi ieh nengusu amung lun luk pasét deléi dengan deléi luk neketecan rat bang kareb Asa tamanneh rat bang bawang ineh.

YESAYA 1:9

Kudeng Tuhan luk Melalud na nima' sebuang lemulun mulun, kali' rungen Yerusalim nabud inusag, mepad kudeng Sodom idi Gemora.

YESAYA 13:19

Babil ineh meluun taga ratnan amung bawang baken, idi pupuneh megéi' ngubur neneh. Iamo' Ui ini Tuhan miak ngelaya' Babil, mepad kudeng luk inau'Ku kuan Sodom idi Gemora!

YESAYA 33:14

Lun Sion luk mesala' megegker ku totdeh. Kebaladeh, “Ukum Allah mepad kudeng apui luk ngeseb ruked-ruked. Miakké seburur rat arang tau mepuit ratnan apui luk kudeng ineh?”

YEREMIA 20:16

Do' ieh mepad kudeng bawang-bawang luk inusag Tuhan dengan na méi'. Nima' neneh ninger arod lun luk mét kareb pekak, idi kukor kareb muned aco,

YEREMIA 50:40

Mepad kudeng luk inau'Ku kuan Sodom, Gemora, idi bawang luk muneng ku bawang ineh, kareb Ui nengusag nedeh, kudeng ineh teh luk miak ruenKu kuan Babil. Seburur pana' nateh luk miak mulun su ineh, segageh pana' nateh. Ui ini Tuhan pangeh nepebala.

TIDO YEREMIA 4:6

Sala' Yerusalim meluun rayeh ratnan sala' Sodom, luk inusag bang palad Allah.

HOSIA 11:8

“O Israil, kudeng apehké Ui miak nala' nemuyuh? Kudeng apehké' Ui miak necan nemuyuh? Miakké Ui ngusag nemuyuh mepad kudeng Ui nengusag Adam, idi ngedereh nemuyuh, mepad kudeng Ui nengedereh Seboim? Na Ui mawang niat nganau' luk kudeng ineh! Ui méi' nemuyuh.

AMOS 4:11

“Ui nengukum sebuang muyuh mepad kudeng Ui nengukum Sodom idi Gemora. Muyuh mepad kudeng luten luk ilap ratnan apui. Iamo' na muyuh lumi Negku,” kebala Tuhan.

MATIUS 10:15

gerawé do'-do'! Meluun meran ukum bawang Sodom idi Gemora, kareb Aco Ngukum, ratnan bawang ineh.

MATIUS 11:24

Ngerawé do'-do'! Kareb Aco Ngukum, Allah méi' nelun Sodom meluun ratnan iko.”

MATIUS 25:41

“Idi Ieh pebala kuan lemulun luk pa kabingNeh, ‘Buro rat Negku, O muyuh luk binulung, idi semuet bang apui luk meruked, luk tinina' kuan Iblis dengan melaikat-melaikatneh!

LUKAS 17:29

Kareb aco Lut remuat rat bang Sodom ineh, idi udan apui idi batu apui pana' netemurun rat déi' langit nengaté amung-amungdeh.

1 KORINTUS 6:9

Naké muyuh kali' idi lemulun luk na matu na miak ngalap Imet Allah? Aleg muyuh uen ngeraruh. Lun mesawa', lun sembayang inan akang, lun pasét, deléi dengan deléi luk nganau' kekamen luk dat,

BADA' RATNAN UKUM 29:23

Amung tana' pangeh netugeh ku batu apui idi tucu', pad ieh na miak inan nibu, idi uduh pana' na mulun kuanneh, mepad kudeng usag bawang Sodom, Gemora, Adama, idi Seboim luk pangeh inusag Tuhan ku usehNeh luk pelaba bura'.

2 TESALONIKA 1:7

Idi muyuh luk pidereh ineh miak ngalap do' udeng pad-pad dengan kai, kareb Tuhan Yésus uen ngegala' rat surga dengan amung-amung baweh melaikatNeh,

2 TESALONIKA 1:8

dengan apui luk mebudung, pad ngua' kuan amung-amung lemulun luk na miti Allah, idi kuandeh luk na sikal maya' Bala luk Do' ratnan Tuhan tau Yésus.

2 PETRUS 2:2

Mula' lemulun miak maya' kekamendeh luk melutak, idi dalan luk matu ruen lemulun nguyo ngaceku ideh.

2 PETRUS 2:6

idi bawang Sodom idi Gemora ineh inukumNeh dengan até idi isebNeh pad mangun ku abuh, idi nenganau' neneh mangun ku luk pinginud kuan amung-amung lemulun luk sikal mulun dengan na sembayang.

2 PETRUS 3:7

Iamo' langit idi tana' luk idi nekini uen ngasa' ratnan bala Allah ineh, pad uen ngusag ku apui, ieh ineh pad macing aco luk inan lemulun luk na manu kumin idi pitayen.