YAHUDA 1:6 - BALA LUK DO'

⁶ Ngerawé amung-amung melaikat luk nelemaba lakan lalud luk litep kuandeh, idi luk nenecan su luk inandeh tudo. Melaikat-melaikat ineh pange kiling ku kaling luk meruked pa liang tana' bang su luk medacem, pad macing Aco Ngukum luk rayeh ineh.

YAHUDA 1:6 Iomraidhean Croise

MATIUS 10:15

gerawé do'-do'! Meluun meran ukum bawang Sodom idi Gemora, kareb Aco Ngukum, ratnan bawang ineh.

MATIUS 25:41

“Idi Ieh pebala kuan lemulun luk pa kabingNeh, ‘Buro rat Negku, O muyuh luk binulung, idi semuet bang apui luk meruked, luk tinina' kuan Iblis dengan melaikat-melaikatneh!

MATIUS 8:29

Idi didueh nengitang, keburi' didueh, “Anunké luk pianMu nekai, O Anak Allah? Iko macing sikal ngedereh nekaiké kareb nateh tarekneh macing?”

YAHYA 8:44

Taman muyuh, ieh ineh Iblis, idi muyuh sikal maya' pian taman muyuh. Rat pun-pun Iblis, ieh ineh lun ngaté, idi na ieh tudo bang luk matu, ngaceku na luk matu bang neneh. Kareb ieh mebalih idi ieh pebala maya' ayuneh sebuleng, ngaceku ieh luk mebalih ineh taman amung-amung balih.

SURAT LUK BIRE PAULUS KUAN LUN RUM 2:5

Iamo' iko metueh niat idi na sikal uren. Iko ngeberat ukum kuan bururmu sebuleng kareb Aco Useh Allah, ieh ineh kareb ukum Allah luk matu uen ngegala'.

EPESUS 6:12

Ngaceku tau baken pekakem dengan lemulun, iamo' dengan amung-amung tueh, lalud, idi raca' luk ngimet luk medacem, idi amung-amung lalud ada' luk dat déi' arang gawa'.

IBERANI 10:27

Iamo' luk ketecan, ieh ineh tot ratnan ukum luk macing, idi lau' apui luk miak ngeseb amung-amung lemulun luk sikal metueh ratnan Allah.

2 PETRUS 2:4

Allah na méi' kuan melaikat-melaikat luk nenganau' sala', luk tila'Neh bang apui idi kiling bang lubang luk medacem pad Ieh ngacing ukum kuandeh.

2 PETRUS 2:9

Kudeng ineh teh Tuhan luk meluun kali' kudeng apeh muit lun manu ratnan tutun luk macing nedeh, idi kudeng apeh ngata lemulun luk dat pad macing Aco Ngukum, pad Ieh ngedereh nedeh,

YAHUDA 1:13

mepad kudeng ribut, luk bang abpa' rayeh, idi kekamendeh luk inan migu' mepad kudeng lapa'. Ideh mepad kudeng gituen luk nalan, idi kuan lemulun ineh dacem luk pingot-pingot pangeh tinina' macing ruked-ruked.

BALA LUK LINIO 20:10

Idi Iblis luk nengeraruh nedeh pana' tila' bang takung apui idi batu apui ineh, su luk inan pung idi nabi luk mebalih ineh pangeh tila', idi ideh uen ngedereh tebaco kedangan macing ruked-ruked.

BALA LUK LINIO 20:2

Ieh nengakem galau ineh, ieh ineh menipeh luk mengered luk titen Iblis idi Sétan, idi nengaling neneh meribu lak kinioneh.