YAHUDA 1:4 - BALA LUK DO'

⁴ Ngaceku inan lemulun luk na manu nesemeut luk ngisu' bala ratnan katu Allah tau, pad ngelinged kekamendeh luk melutak. Idi ideh ngarung Yésus Keristus, Allah Tuhan tau luk Sebuleng ineh. Idi mon pangeh ginala' bang Surat allah ratnan ukum luk tinina' kuan lemulun ineh.

YAHUDA 1:4 Iomraidhean Croise

SEMUIL LUK KEDUEH 22:5

“Ribut até nengelibut negku, idi abpa' tubu' belen nenganud negku.

NANI UBUR 1:1

Samal kuan lemulun luk ara' ku bada' lemulun luk dat, luk na maya' ayu lemulun luk mesala', idi na perurum dengan lemulun luk situnga nan Allah.

NANI UBUR 62:2

Ieh sebuleng mo' luk Lun Matar idi Lun Nengulun negku. Ieh ineh Batu Libungku, idi ui na miak uen ngelaya'.

MATIUS 13:25

Iamo' kareb lemulun rudap, bunu'neh nacing idi nengisak bua' budud arang padé ineh, idi neburo peh.

YAHYA 17:3

Ini ulun luk meruked, ieh ineh pad ideh miti Namu, Allah luk Sebuleng idi matu, idi Yésus Keristus luk Iko nengecuk ineh.

KEKAMEN RASUL-RASUL 11:23

Kareb ieh nacing idi nenier katu Allah, idi ieh mawang niat peh, idi ieh nemada' amung-amungdeh pad niatdeh lutep maya' Tuhan.

KEKAMEN RASUL-RASUL 15:24

Kai neninger inan tuda'-tuda' lemulun luk neremuat rat arang kai luk nengagau nemuyuh dengan bala luk ngagap niat muyuh, sagan pana' kai na nengecuk lemulun ineh.

GALATIA 2:4

sagan pana' tuda'-tuda' lemulun siayu mangun ku kinanak pangeh semuet dengan lulem, pad nier puit kai, luk kai nengalap bang Keristus Yésus. Ideh sikal nguit nekai mangun ku demulun.

GALATIA 5:13

Iamo' muyuh ini, O kinanak-kinanakku, pangeh tinawar pad muyuh mepuit; iamo' aleg makai puit ineh maya' pinian burur, iamo' ratnan awa ngebeneh burur muyuh seburur dengan seburur.

EPESUS 4:14

Pad tau na mangun ku anak-anak peh luk lipak-lipak mepad kudeng ribut luk iniup amung-amung bui bada' luk bida' lemulun dengan saluk idi ilehdeh luk dat ineh, idi luk ngeraruh lemulun ku ilehdeh ineh.

1 TIMOTIUS 5:8

Iamo' kudeng idé lemulun luk na ngasa' pupuneh sebuleng meluun teh uang tetek ruma'neh, idi ieh pana' pangeh nengarung anu, idi ieh meluun dat ratnan lemulun luk na manu.

2 TIMOTIUS 2:12

Kudeng tau megéi' medereh tau miak ngimet pad-pad denganNeh. Kudeng tau ngalum Neneh, Ieh pana' ngalum netau.

2 TIMOTIUS 3:6

Inan lemulun luk kudeng ineh semuet bang ruma' idi naban decur luk mebacé luk panu' ku sala'deh, idi luk kinuyut tuda'-tuda' lili,

1 PETRUS 2:16

Do' muyuh mulun mepad kudeng lemulun luk pinuit dengan na makai puit ineh mangun ku luk ngakeb luk dat, iamo' mepad kudeng demulun Allah.

1 PETRUS 2:8

Idi teh, pangeh inayud, “Ieh ineh aceh Batu luk inan lun metebaceng, idi aceh Batu luk nganau' nedeh mebpeh.” Ideh metebaceng ngaceku na maya' bala Allah. Kudeng ineh teh luk pian Allah kuandeh.

1 PETRUS 4:18

Maya' kudeng luk inayud, “Idi kudeng mikat kuan lemulun luk matu ngalap ulun, kudeng apeh teh miak mangun kuan lemulun luk dat idi luk mesala' ineh?”

2 PETRUS 2:10

meluun teh lemulun luk maya' pinian bururdeh luk melutak, idi ngebeneh lalud Allah. Idi guru-guru luk mebalih ineh mekuu' idi medita' niat, idi na matot nguyo amung-amung pudut luk rayeh déi' surga.

2 PETRUS 2:7

Ieh nemuit ni Lut, seburur lemulun luk matu ineh, luk mesusa' niat ku ulun lemulun luk melutak idi luk dat ineh.

2 PETRUS 3:7

Iamo' langit idi tana' luk idi nekini uen ngasa' ratnan bala Allah ineh, pad uen ngusag ku apui, ieh ineh pad macing aco luk inan lemulun luk na manu kumin idi pitayen.

1 YAHYA 2:22

Idéké lun mebalih ineh? Ieh ineh lemulun luk pebala, Yésus ineh baken Keristus. Idi lemulun luk ngarung Taman idi Anak ineh, ieh ineh luk bunu' Keristus.

YAHUDA 1:15

pad ngacing ukumNeh kuan amung-amung lemulun idi ngukum lemulun luk dat ngaceku amung-amung kekamendeh luk dat ineh luk pangeh inau'deh, idi ngaceku amung-amung kuyo lun luk dat ineh inan Allah!”

YAHUDA 1:18

Kebaladeh nemuyuh, “Kareb aco luk kekiped lemulun miak macing situnga nemuyuh, ieh ineh lemulun luk maya' pian bururdeh luk dat ineh.”

BALA LUK LINIO 15:4

Idéké luk na matot Namu, O Tuhan? Idéké luk ara' mada' rayehMu? Iko sebuleng mo' luk meligan. Amung-amung pupu miak amé' sembayang pa kiungMu, ngaceku kekamenMu luk matu pangeh megala'.