YAHUDA 1:3 - BALA LUK DO'

³ O amung-amung luk inanku mawa, ui pelaba pian ngayud surat kuan muyuh ratnan ulun tau luk pad-pad ineh, iamo' niatku nesigio pad ui ngayud pad ngecuk nemuyuh pesingaro bang anu luk pangeh biré Allah sekua' mo' kuan amung-amung pupuNeh.

YAHUDA 1:3 Iomraidhean Croise

NEHEMIA 13:25

Idi ui metueh mada' deléi ineh idi nemutuh Tuhan ngediman nedeh. Ui nemebal nedeh idi nemubput abpukdeh. Idi ui nengecuk nedeh pebulung ku ngadan Allah, pad ideh idi anakdeh pana' na ngaweh nelun pupu baken.

YESAYA 45:17

Iamo' Israil inulun Tuhan; idi tuehneh macing ruked-ruked. Pupuneh na miak uen ngigu'.’ ”

YESAYA 45:22

“O Amung pupu luk aput-aput tana', do' lumi amé' Negku idi ngalap ulun! Ui ini mo' luk Allah.

YEREMIA 9:3

Ideh megéi' mebalih; idi baken luk matu iamo' balih luk ngimet tana' ini. Kebala Tuhan, “PupuKu na ugka' nganau' luk dat, idi na ideh pian maya' Negku.”

KEKAMEN RASUL-RASUL 17:3

dengan nemada' idi nengelio ratnan Keristus na miak na medereh idi tumui rat arang lun naté, keburi'neh, “Yésus luk ui mada' kuan muyuh, Ieh ineh Keristus.”

KEKAMEN RASUL-RASUL 18:28

Idi dengan ilehneh ieh nengelaya' amung-amung kedaluh lun Yahudi pa kiung lun mula', idi nengelio rat bang Surat Allah ratnan Yésus ineh Keristus.

KEKAMEN RASUL-RASUL 20:27

Ngaceku na ui nengalum anun-anun, iamo' ui nemada' kuan muyuh amung-amung luk pian Allah.

KEKAMEN RASUL-RASUL 28:28

Idi kebala Paulus, “Ngaceku ineh do' muyuh kali' idi ulun meruked luk ratnan Allah pangeh icing kuan lun pupu baken. Ideh sikal ninger teh.”

KEKAMEN RASUL-RASUL 4:12

Idi na luk idi ulun luk meruked bang selemulun luk baken, ngaceku na luk idi ngadan luk baken aput tana' luk pangeh biré Allah kuan lemulun, luk inan tau miak ngalap ulun luk meruked.”

KEKAMEN RASUL-RASUL 6:7

Idi bala Tuhan nepiar; pad anak-anak sekola' déi' Yerusalim mula' tu-tu; idi imam pana' mula' tu-tu nemaya' sembayang ineh.

KEKAMEN RASUL-RASUL 9:13

Idi kebala Ananias, “O Tuhan, ui pangeh neninger mula' bala ratnan lemulun ini. Ieh pangeh nenganau' tuda'-tuda' kekamen luk dat kuan lun manu déi' Yerusalim.

KEKAMEN RASUL-RASUL 9:22

Idi bada' Saul iuk-iuk melalud, idi ieh nengelaya' nelun Yahudi luk tudo déi' bawang Damsik ineh, kareb ieh nengegala' Yésus ineh Keristus peh.

1 KORINTUS 15:3

Ui nengacing kuan muyuh luk pangeh ilapku, ieh ineh luk meluun do': ratnan Keristus ineh naté ngaceku sala' tau petulu dengan bala Surat Allah,

GALATIA 2:5

Idi sekua' pana' na kai nengebeneh burur kai kuandeh, pad kai miak ngasa' Bala luk Do' luk matu ineh kuan muyuh.

GALATIA 3:28

Na luk idi lun Yahudi idi lun pupu baken, na luk idi demulun idi lun luk mepuit, na luk idi deléi idi decur; ngaceku amung-amung muyuh ini mangun ku sebuleng bang Keristus Yésus.

GALATIA 6:11

Siruh, kudeng apeh rayeh urup luk inayud kuan muyuh dengan ticu'ku sebuleng.

EPESUS 1:1

Rat ni Paulus, rasul Keristus Yésus maya' pian Allah— Kuan amung lun manu luk déi' Epesus luk lutep bang Keristus Yésus:

BADA' RATNAN UKUM 21:9

Idi kudeng ineh dalanneh sala' ngaté lemulun luk na mesala' miak talan rat arang muyuh, ngaceku dengan ineh muyuh pangeh nenganau' luk matu pa kiung Tuhan.

BADA' RATNAN UKUM 9:10

Idi Tuhan nemaré negku dueh balad batu ineh, inayud ku ticu'Neh, idi luun ineh pangeh inayud amung bala luk bida' Tuhan nemuyuh déi' luun pegkung rat uned apui, kareb lun mula' ineh nepamung.

PILIPI 1:1

Rat ni Paulus idi rat ni Timotius, demulun Keristus Yésus — Kuan amung-amung lun manu bang Keristus Yésus déi' bawang Pilipi, idi kuan amung-amung lun matar sidang idi lun ngasa' sidang teh:

PILIPI 1:27

Iamo' do' ulun muyuh petulu dengan Bala luk Do' luk ratnan Keristus, do' kareb ui macing ngikak nemuyuh idi kareb ui mado pana', pad ui miak ninger ratnan muyuh tuped meraben dengan sebuleng niat idi sebuleng terawé, idi pad-pad pebunu', pelé ngacing anu ku Bala luk Do' ineh.

KOLOSE 1:2

Kuan amung-amung lun manu idi kinanak luk lutep bang Keristus luk déi' Kolosé: Do' katu idi awang ratnan Allah Taman tau temurun kuan muyuh.

1 TESALONIKA 2:2

Muyuh kali' kudeng apeh kai nedereh idi nurat déi' Pilipi atun, kareb nateh kai iné' nemuyuh déi' Tesalonika. Iamo' Allah tau nemaré kuu' kuan kai pad kai mada' Bala luk Do' luk macing rat Neneh, kuan muyuh, sagan pana' mula' bunu'.

1 TIMOTIUS 1:18

Ini ukum luk ui maré kuanmu, O anakku Timotius, maya' amung-amung bala luk biré Tuhan atun ratnan iko. Do' iko makai bala ineh mangun ku repapehmu, kareb iko pebunu' bang bunu' luk matu,

1 TIMOTIUS 6:12

Do' mekél dengan matu bang bunu' anu, idi ngimet ulun luk meruked luk inanmu pangeh tinawar kareb iko pangeh nengamo sebuleng amo luk do' pa kiung mula' lemulun luk nekali'.

2 TIMOTIUS 1:13

Do' ngalap luk pinginud ratnan amung-amung bala luk matu luk pangeh pindengermu rat negku, dengan anu idi awa luk bang Keristus Yésus.

TITUS 1:4

Kuan Titus, luk mangun ku anakku matu-matu dengan sebuleng anu. Do' katu idi awang ratnan Allah, ieh ineh Taman, idi ratnan Keristus Yésus Lun Nengulun netau temurun kuanmu.

IBERANI 13:22

Ui mutuh nemuyuh, O kinanak-kinanakku, do' ngimet bada'ku ineh, ngaceku pangeh inayud kuan muyuh dengan sekamu'.

IBERANI 6:9

Sagan pana' kai pebala kudeng ini, O muyuh luk inanku mawa, kai merapet nemuyuh pangeh nengalap peruan luk meluun do' idi luk macing inan ulun luk meruked.

1 PETRUS 5:12

Idi dengan ayud ticu' kinanak tau Siluanus, luk lutep maya' luk pianku, ui ngayud surat ini dengan sesuut kuan muyuh, pad mada' idi maré kali' ratnan katu Allah ini luk matu. Do' muyuh lutep bang ineh.

2 PETRUS 1:1

Rat ni Simun Pétrus, demulun idi rasul Yésus Keristus— Kuan lemulun luk pangeh nengalap anu, luk mepad letep dengan anu kai, ngaceku siri Allah, Tuhan tau, idi Yésus Keristus Lun Nengulun:

2 PETRUS 2:21

Meluun do' kuandeh kudeng ideh na ngiti dalan luk matu rat pun-pun, ratnan ideh nengiti ineh idi lumi ratnan ukum luk meligan luk pangeh biré kuandeh.

YAHUDA 1:1

Rat ni Yahuda, demulun Yésus Keristus, idi kinanak Yakub — Kuan lemulun luk tinawar Allah luk mulun bang awa Allah Taman idi luk inita Yésus Keristus:

YAHUDA 1:17

O luk inanku mawa, do' muyuh ngerawé ratnan luk bila rasul-rasul Tuhan tau Yésus Keristus atun.

YAHUDA 1:20

Iamo' muyuh ini, O luk inanku mawa, do' naped burur muyuh luun diri anu muyuh luk meligan, idi sembayang bang Roh Meligan.

BALA LUK LINIO 12:11

Kinanak-kinanak tau nengelaya' neneh ku dara' Anak Dumba ineh, idi ku bala luk nekali'deh ineh, idi ideh na méi' inan ulun didueh sagan pana' maté.

BALA LUK LINIO 2:10

Aleg iko matot ku susa' luk macing namu teh. Siruh, Iblis sikal nuet sebuang muyuh bang tutup, pad muyuh tetunin; idi muyuh miak ngalap dereh teh bang pulu' aco kinioneh. Do' iko lutep pad macing maté, idi Ui miak maré kuanmu pata ulun ineh.